1 Insiku sita wi Pasaka yishili, , uYesu ahabhala ku Bethania, kwa amile uLazaro, awene wamamuzusizye kufuma kubhafwe. 2 Pe bhahamwandalila ishakulya ishahalyabhela kunukwo, na Martha ahamubhombele, ahabhalilo iho uLazaro alipeka wabhala bhebhihaye pashakulya peka nu Yesu. 3 Awinza uMariamu ahega iratli iya manukato gegagombilwe ku nardo inyinza, gega ni thamani imbiti, ahamupaha uYesu muvinama, na kumufuta kunsisi zyakwe; inyumba yondi yizuyo umunushi uwa manukato. 4 U Yuda Iskariote, weka wabhalaa abhamanyili bhakwe, we wuyo watimuhane uYesu, ahati, 5 "Honi amanukato iga yatakazwaga ku dinari mia tatu na kubhapa abhapina?" 6 Wope ahagalonga igo, te kukubharolela uwila abhapina, yoli kunongwa akimwibha: uwene wamalemile umfuku uwihela na ahegaga baadhi ya vwevibhishilwe umo kwajili yakwe wene. 7 U Yesu ahati, "Muleshe abhishe halinaho kwajili yisiku ilya lusilyo lyani. 8 Abhapina mumtibhe nabho insiku zyondi; ile temubhe ninne insiku zyondi." 9 Pe ulubhungano ulupiti uwa Bhayahudi bhahamanya kuti uYesu ali ukwo, bhope bhahinza, te kwajili ya Yesu basi ha, bhamulole uLazaro we uYesu amuzusizye kufuma kubhafwe. 10 Bhope abhasongo abha makuhani bhahabhomba umbuzilizayo kuti bhamugoje uLazaro; 11 maana kwajili yakwe abhinji Abhayahudi bhahala na kumwitiha uYesu. 12 N i siku ilya wubhili lyakwe ulubhungano ulupiti lunzile kusikuku. Webhivwa kuti uYesu akwinza ku Yerusalemu, 13 bhaheja ipaswa izya makwi iga matende na kufuma kunzi kubhala kumutambila na bhahahoma ishongo, "Hosana! Asayilwe awene wa kwinza kwitawa lya Mwene, Umpiti uwa Izraeli." 14 U Yesu ahayanga indogomi ahayizubha; inzashe yisimbilwe, 15 "Utahagope, mulindu uwa Sayuni; yenya, Umupiti waho akwinza, apandile indogomi." 16 Abhanyili bhakwe bhatahagelewa mazwi iga pamwandilo ipo; ile uYesu wapalwa, pe bhahakumbuha kuti amambo iga asimbilwe awene nakuti bhabhombile amambo iga kukwakwe. 17 Pe ikundi lila ilya bhandu bhebhali peka nu Yesu ahabhalilo heahamubhilishila uLazaro kufuma mmbipa, bhahashudila kubhamwabho. 18 Yali kunongwa ini winza kuti ikundi ilya bhandu bhabhalile kumwofwa kunongwa bhivwuye kuti ayibhombile iishara iyo. 19 Abhafalisayo bhahabhuzizanya bhibho kwa bhibho, "Yenya, ishi mtangawezya kubhombo lyolyondi; yenya, uwulimwengu wabhala kukwakwe." 20 Ishi Abhayunani bhamu bhalipo muhati mubhala bhebhabhalaga kuputa kusikukuu. 21 Ibha bhamubhaliye uFilipo, weafumile ku Bethsaida iya Galilaya, bhahamulabha bhahati, "Mwene, itwe tukusungwa kumulola uYesu." 22 U Filipo ahabhala ahamubhuzya uAndrea; Andrea nu Filipo bhahabhala na kumubhuzya uYesu. 23 U Yesu ahabhajibu ahati, "Ishi yifishile kwa jili ya Mwana Adamu kupalwa. 24 Yitishi, yitishi, ingubhabhuzya, ahasanga ahingano ingeyitagwa pansi yitafwa, yitiyihale ihali yinyo iyene; yoli ingeyafwa, yitipape insanga inyinji. 25 Uwene weawuganile uwumi wakwe atiwutizye; yoli awene wakuwuwana uwumi wakwe kuwulimwengu unu itiwusalimisye paka uwupuma uwa wila. 26 Umundu wowondi ingambombela ine, na andandate; nine pindi, pe numubhombi wani patibhe. Umundu wowndi ingamubhombela, Utata atimutinishe. 27 Ishi umpepu wani azumiliye: nine indibhuli? 'Tata, uposhe ni sala ini'? Ile kwi kusudi ili ifishiye isala ini. 28 Tata, ulipali itawa lyaho." Pe izi lihizya kufuma kumwanya na kuti, "Indipalile nine indipale awinza." 29 Pe uluhomano wewimiliye papipi nawo bhahivwa, bhahalonga kuti kwabha numubhuno. Bhamu bhahati, "Uhabhizya alonjile nawo." 30 U Yesu ahajibu ahati, "Izi ili litinzile kukwani, yoli ku winyu. 31 Ishi uwulonji uwinsi ini wulipo: Ishi umusongo uwinsi ini ahitawe panzi. 32 Nine ingenazuvwa pamwanya yinsi, ihayibhavuta bhondi kukwani." 33 Agalonjile igo wakulolesya kuti wufwe woni watifwe. 34 Uluhamano luhajibu, "Itwe twivwuye ku sheria kuti uKilisiti atibhe wilabhulo. Iwe ukutibhuli, 'Umwana Adamu lazima abhushilwe kumwanya'? Unu Umwana wa Mundu wu nanu?" 35 Pe uYesu ahabhabhuzya, "Uluhozyo welulipo peka nimwe umundumundi. Bhalaji pemulinawo uluhozyo, inga kuti ahisi hatahinze habhawezye awene. Awene wakubhala kuhisi atakumanya kwa kubhala. 36 We muli nawo uluhozyo, mulwitihaje ulwo ingampate kubha mwe bhana bhaluhozyo." U Yesu ahagalonga iga na awinza ahabhala kwubha bhatamulole. 37 Ingale uYesu abhombile iishara inyinji inamna iyo palongolela yabho, pope bhatamwitishile 38 ingelitimile izwi lya muloli uIsaya, lyalonjile: "Mwene, wunanu wazyitishile imbembe zyitu? Ni nyobhe ya mwene yigumbuliliwe wunanu?" 40 Kwe kunungwa ye abhene bhatitishile, maana uIsaya alonjile iga, 39 "Abhambubhizizye amiso, na agabhombile uwugomu amoyo gabho; batahinze bhalole kumiso gabho na kumanya kumoyo gabho, na bhahitiha nine ihabhaponya." 41 U Isaya alonjile iga kubha awulolile uwupiti wa Yesu na ahalonga imbembu zyakwe. 42 Ilelo, abhasongo abhinji bhahamwitiha uYesu; ile kunongwa ya Bhafarisayo, bhatahitiha inge bhatahatengwe na bhasinagogi. 43 Bhayiganile imbalo izya bhanadamu kuliko imbala zyezikufuma kwa Mulungu. 44 U Yesu ahavwisya izi na kuti, "Uwene wakunitiha ine, atakunitiha ine basi yoli na wene wasondelezizye ine, 45 wope wakundola ine akumulola wene wasondelezizye. 46 47 Ine ininzile ngati luhozyo ulya mnsi inga kila mundu wakunitiha ine atihalaje muhisi. Inga umundu wowondi atitejelezye amazwi gani ile atagaleme, ine indakumulonga, maana indinzile kuti imbulonje uwulimwengu, yoli imbuposhe uwulimwengu. 48 Awene wakuhana inena watakugitiha amazwi gani, alinabho wakumulonga: izwi ilyo lyenalilonga lyelinilyo lihayimulonga isiku ilya kumbelela. 49 Maana ine indalonjile kunafsi yani bhulo. Yoli wu Tata wadwalile, awene wuyo andajizizye gihayigalonga na gindigalonje. 50 Nine imanyile kuti indajizyo zyakwe ni uwupuma uwawila; pe igo gingulonga ine - inza vwe Utata vwambizizye, shingulonga kukwabho."