Isura iya kumi na moja

1 Basi umundu weka itawa lyakwe wu Lazaro ali mubhinu. Afumiye ku Bethania, ishijiji isha Mariamu nu dada wakwe uMartha. 2 Ali wu Mariamu wuwule wamuposhila Umwene Amarhamu na kumpupula ivinama vwakwe ku nsisi zyakwe, wuuholo wakwe uLazaro ali mubhinu. 3 Pe wadada ibha bhahasondelezya uwujumbe kwa Yesu na kuti, "Mwene yenya wa wumuganile akubhina." 4 U Yesu wayivwa atili, "Uwubhinu unu tewa wufwe, ile, badala yakwe kwajili ya lupalo wa Mulungu inga kuti Umwana wa Mulungu apate kupalwa kuwubhinu uwo." 5 U Yesu amuganile uMartha nu dada wakwe nu Lazaro. 6 Wayivwa kuti uLazaro mubhinu, uYesu ayihaye insiku zibhili zaidi ya peamili. 7 Pe badala ahabhabuzya abhamanyili bhakwe, "Sali ku Uyahudi awinza." 8 Abhamanyili bhahamubhuzya, "Rabi, Abhayahudi bhahalingaga kukohoma amawe, aniwe ukwanza kuduga kukwowinza?" 9 U Yesu ahajibu, "Isalaziya samusanya tezya kumi na mbili? Umundu wakujenda samusanya atangapunushila, kwa sababu akulola kulohozyo ulya samusanya. 10 Sheshisho, ingajenda uwusiku, atapunushile kwa sababu ulohozyo nalumu mukasi yakwe." 11 U Yesu ahalonga amambo iga, na baada ya mambo iga, ahabhabhuzya, "Umanyani witu agonile, ile ingubhala inga kuti imudamusye kufuma kutolo." 12 Pe abhamanyili bhahamubhuzya, "Mwene, inge agonile, atidamushe. 13 Ahabhalilo iha uYesu ahalonjelaga ihabali izya wufwe wa Lazaro, ile bhene bhasibhile kuti akulonjela juu ya kugona utulo. 14 Pe uYesu ahalonga nabho apazeru, "U Lazaro afuye. 15 Ishiye kwajili yinyu, kuti indalipo kula inga kuti mpate kwitiha. Sali kukwakwe." 16 Basi uTomaso, wakubhilishilwa Mapasa, ahabhabhuzya abhamanyili abhamwabho, "Natwe salibhulo tufwe peka nu Yesu." 17 Ahabhalilo hu Yesu ayinza, ahaga kuti uLazaro tayari aperile alimwikaburi insikuzine. 18 Yope i Bethania yali pa pipi ni Yerusalemu kama ikilometa alubaini na tano ishi. 19 Abhinji kati ya Bhayahudi bhahinza kwa Martha nu Mariamu kubhajinjizya kwajili ya holo wabho. 20 Pe uMartha wayiwa kuti uYesu akwinza, ahabhala kuhomana nawo, ilelo uMariamu ayendeleye kwihala pahaya. 21 Pe uMartha ahamubhuzya uYesu, "Mwene, ingawalipo ipa, ukaka witu hanatafuye. 22 Hata tishi, imanyile kuti lyolyondi lyutilabhe kufuma kwa Mulungu, atikupe." 23 U Yesu ahamubhuzya, ukaka waho atizyushe winza." 24 U Martha ahamubhuzya, imanyile kuti ahayizyuha kuwuzyusyo uwisiku ilya kumbelela." 25 U Yesu ahamubhuzya, "Ine ne wuzyusyo nu uwupuma; uwene wakunitiha, ile atifwe, sheshisho atibhe akudila(akwihala); 26 awene wakudila na kunitiha ine teafwe. Ukwitiha ili?" 27 Ahamubhuzya, "Ena, Mwene ingwitiha kuti iwe we Kilisiti, Umwana wa Mulungu, awene wakwinza mnsi." 28 Wamala kulonga ili, ahabhala na kumubhilishila udada wakwe uMariamu kuwufiso. Ahati, "Umumanyizyi alipo ipa na akukwita." 29 U Mariamu wayii wa iga, ahabhuha lubhilo na kubhala kwa Yesu. 30 Wope uYesu ashili kwinza mkasi mu shijiji, yoli alibhulo pehomanile uMartha. 31 Pe Abhayahudi bhebhali nu Mariamu munyumba na bhala bhebhali kumujinjizya webhamulola akubhuha lubhilo n akufuma kunzi, bhahamulandata; bhahasibha kuti akubhara kumbipa ingalile kunukwo. 32 Pe uMariamu, wafiha pale uYesu wamulola na ahagwa pasi pavinama vwakwe n akumubhuzya, "Mwene ingawalipo ipa, uholo wani hani atafuye." 33 U Yesu wamulola kulila, na Abhayahudi bhebhinzile peka nawo bhahalilaga bhope bhulo, ahaombelezya mumupepu na ahazugumile; 34 ahati, "Mumugonizye kwino? Bhahata Mwene nzaga uyenye." 35 U Yesu ahalila. 36 Pe Abhayahudi bhahati, "Yenya vwamuganile uLazaro!" 37 Ile bhamu kati yabho bhahati, "Te wuyo, umundu wamufumbuye amiso gawula weamile wumbubhile, atawezizye kumubhomba umundu unu atafwe?" 38 Pe uYesu, weakuyilumbuzya mnafisi yakwe awinza ahabhala kumbipa. Ishi lyabha lipango, niwe lyabhishilwe pamwanya yakwe. 39 U Yesu ahati, "Lyefwe iwe." U Martha udada wakwe nu Lazaro, wene wafunye, ahamubhuzya uUYesu, "Mwene, kumdunu, umubhili hodeye wubholile, kwa sababu apelile mufwe kunsiku zini." 40 U Yesu ahati, "Ine indobhabhuzizye kuti, inga witiha, utuwulola uwupiti wa Mulungu?" 41 Kwa hiyo bhahefwa iwe. U Yesu ahabhuzya amiso gakwe kumwanya nakuti, "Tata, ingukusalifwa puukundejelezya. 42 Nimanyile kuti ukundejelezya kuzyondi, ile kunoongwa yalubhungano lwelwiniliye kuzyungula kuti indonje iga, ingakuti bhapate kwitiha kuti iwe unsondelezizye." 43 Baada ya kul;onga iga, ahaliga kwizi ipiti, "Lazaro, fuma kunzi!" 44 Umufwe ahafuma kunzi apinyilwe inyobhe ni vinama kwigolole ilya kusyilila, na kumiso kwakwe kwa pinyilwe nishitambala." U Yesu ahabhabhuzya, "Msatuli mumulashezye abhalaje." 45 Pe Abhayahudi abhinji bhebhinzile kwa Mariamu na kulola uYesu habhoma bhahamwitiha; 46 iIelo baadhi yabho bhahabhala bha Bhafarisayo kubhabhuzya amambo gabhombile uYesu. 47 Pe abhasongo abha Makuhani na Bhafarisayo bhahabhungana peka mwibaraza nakuti, "Tutibhombe ahoni? Umundu unu akubhomba iishara inyinji. 48 Ingetumuleha shinishi amwene, bhondi bhatimwitishe; Abharumi bhatiyinze na kwega vwondi papitunitaifa lyitu." 49 Sheshisho, umundu weka kati yabho, uKayafa, wamali wukuhani umusongo umwaha uyo, ahati, "Mtamanyile hohondi kabisa. 50 Mtakukwina kuti yikwanziwa kwajili yinyu kuti umundu weka yikwanziwa kufwa kwajili ya bhandu kuliko itaifa kwangamila." 51 Inga atagalonjile kunongwa yakwe awene, badala yakwe, kukuti aliwu kuhani musongo umwaha ula, alolile kuti uYesu ahayifwa kwajili yitaifa; 52 nate kwitaifa lyene hala, yoli uYesu apate shishila kubhabhunganya abhana bha Mulungu bhebhasatanile mu sehemu mbali mbali. 53 Kwa hiyo kwandila isiku ilyo na kwendelela bhahapanga inamna iya kumugoga uYesu. 54 U Yesu atahajenda awinza apazeru mu Bhayahudi, yoli ahasogola ipo na kubhala insi yeyili papipi nijangwa munsi yeyikubhilishilwa Efraimu. Ipo ayihaye nabhamanyili. 55 Pe iPasaka ya Bhayahudi yali papipi, na abhinji bhahazubha kubhala ku Yerusalemu panzi yinsi we iPasaka yishili ingabhapate kuyozya bhibho. 56 Bhahamwanzaga uYesu na kulonga kila weka pebhimiliye pashibhanza, "Mukukwinanasi? Kuti tutinzile kusikukuu?" 57 Ahabhalilo iha abhasongo abha bhakuhani na Bhafarisayo bhafumwizye iamri kuti inge weka amanya uYesu pali, akwanziwa kufumwa itarifainga kuti bhapate kumulema.