Isura iya kumi

1 Yitishi, yitishi ingubhabhuzya, ula watakwinjila kushilila umulyango uwa shibhiji ishingole, ile akuzubha kwidala ilya mwabho, umundu uyo mwibha na mufyuli. 2 Uwene wakwinjila pamulyango mudimi uwingole. 3 Kukwakwe umulindi uwa mulyango akumwingulila. Ingole ingazyivwa izilyakwe akuzyita ingole zyakwe kumatawa gabho na kuzifumwa kunzi. 4 Wazifumwa kunzi bhope bhebakwe, bhakutangulila, ningole zikumulandata, kunongwa ye bhalimanyile izilyakwe. 5 Tebhamulandate umjeni ilelo badala yakwe tibhamwepushe kunongwa bhataga manyile amazi iga bhajeni." 6 U Yesu alonjile ishiholanyo ishi kukwabho, ileo bhatagahagelewa amambo iga gahalongaga kukwabho. 7 U Yesu ahalonga nabho winza, "Yitishi, yitishi, ingubhabhuzya, Ine ne mulyango uwingole. 8 Bhondi bhebhandanguliye na bhafyuli, ilelo zitabhatejelezizye. 9 Inene mulyango. Wowondi wakwinjila kushilila kukwani, ahayiposhilwa; atiyinjile na kufuma wope atiyipate umulyo. 10 Umwibha atakwinza yoli, kugoga, na kwangamizya. Ininzile inga kuti bhapate uwupuma nabhabhe nawo uwinji. 11 Ine ne mudimi umwinza. Umudimi umwinza akuwufumwa uwumi wakwe kwa ajili yingole. 12 Umubhombi waajiliwiwe, nate mudimi, we ingole te mali yakwe, akuzilola imbwa izya mwilala zikwinza na akuzileha na kuzishimbila ingole. 13 Ni mbwa izya mwilala zikuzilema na kuzisatanya. Akishimbila kwa sababu mubhombi wa ayajiliwe na naatakuzisajila ingole. 14 Ine ne mudimi umwinza, na imbamanyile bhebhani, bhope bhebhani bhamanyile ine. 15 Utata amanyile, nine imumanyile Utata, nine ingu wufumwa uwumi wani kwajili yingole. Indiningole izya mwabho zyete zyamshibhiji ishi. 16 Zyope bhulo, ingwanziwa kubhaleta, bhope bhatiyitejelezye izi lyani inga kutipabhe ni kundi lyeka nu mudimi weka. 17 Ini ye nongwa Utata anganile: Imbufumwa uwumi wani halafu imbulete winza. 18 Numo wakuwega kufuma kukwani, ilelo ine inguwufumwa nunene. Indi na mulaka iga kuwufumwa, indina mamulaka iga kuwuleta bhulo. Imbolesheleye indajizyo ini kufuma kwa Tata." 19 Umusatano awinza wuhafumila kati yabhayahudi kwa sababu iya mazwi iga. 20 Abhinji bhabho bhahati, "Ani pepu na washipena. Honi hemukumutejelezya?" 21 Bhamu bhahati, "Ingatemazwi gamundu wapenelwa ni pepu. Ipepu liwezizye kwingula amiso gambubhila?" 22 Peyihinza ihambepu iya kubhiha uwakfu ku Yerusalemu. 23 Hali habhalilo ihambepu, nu Yesu ahajendaga mushibhanza kuwukumbi uwa Selemani. 24 Pe Abhayahudi webhamuzungula na kumubhuzya, "Mbaka lino utitubhishe mumashaka? ingiwe we Kilisiti, tubhuzye wazi. 25 U Yesu ahajibu, "Imbelile imbabhuzizye ile mutakwitiha. Imbombo zingu zibhomba kwitawa lya Tata wani, izyo zikushudila juu yani. 26 Sheshinisho mutakwitiha kwa sababu imwe temwengole zyani. 27 Ingole zyani zikwivwa izi lyani; Inzimanyile, bhope bhakundandata ine. 28 Imbapiye uwupuma uwa wila; tebhahateje nalumo, na numo hata weka watahabhabhusye kufuma munyobhe zyani. 29 Utata wani, wambiye ibho mupiti kuliko abhanji bhondi, numo hata weka wali nu wuwezyo uwa kubhega kufuma munyobhe zya Tata. 30 Ine nu Tata tuli peka." 31 Bhahapimba amawe inga bhamuhome awinza. 32 U Yesu ahajibu, "Imbalanjile imbombo inyingi inyinza kufuma kwa Tata. Ku mbombo zilikwi kati yizyo mukwanza kuhoma amawe?" 33 Abhayahudi bhahamjibu, ,"Tutakukuhoma amawe kumbombo yoyondi yenyinza, ile kwa kukufuru, kwa sababu iwe, we mundu, ukuyifanya kuti we Mulungu." 34 U Yesu ahajibu, "Yitasimbiwe mu sheria zyinyu, 'Natili, "Imwe mwe miungu"'?" 35 Ingeawitile miungu, kubhala bhe izwi lya Mulungu lyabhinziye (na maandiho gatangawezya kuvunza), 36 mukulonga juu ya wula we Utata amufumizye na kumusondelezya pansi, 'Ukukufuru,' kwa sababu nalonjile natili, 'une ne Mwana wa Mmulungu'? 37 Inge inda kubhomba imboimbo izya Tata wani, mutanitihaje. 38 Sheshisho inge inguzibhomba, inga pope mutakunitiha, zyitihaji imbombo inga kuti muwezye kumanya nakuti Utata alimkasi yani nine indi mukasi ya Tata." 39 Bhahalinga winza kumulema uYesu, ile ahabhala izyakwe kufuma munyobhe zyabho. 40 U Yesu ahabhala izyakwe awinza ishila ilya Yordani isehemu ye uYohani kuwandilo, na ahihala ukwo. 41 Abhandu abhinji bhahinza kwa Yesu. Bhahendelea kuti, uYohani yoli atabhombile iishara yoyondi, ile amambo gondi gagalonjile uYohani juu ya mundu unu gana yoli." 42 Abhandu abhinji bhahamwitiha uYesu ipo.