Isura iya tisa

1 Ahabhalilo, inge uYesu akushila, amulolile umundu umbubhila kufuma kupapwa kwakwe. 2 Abhamanyili bhakwe bhahamubhuzilizya, "Rabi, wunanu weabhombile mbibhi, umundu unu au abhapapi bhakwe, mbaka apapiwe umbubhila?" 3 U Yesu ahajibu ahajibu, "Nte unu umundu wala abhapapi bhakwe bhebha bhombile imbibhi, yoli imbombo zya Mulungu zipate kwigubuliwa kushilila kukwakwe. 4 Tukwanziwa kubhomba imbombo zyakwe awene wasondelezizye ahabhalilo hashili shashamusanya uwusiku wukwinza ahabhalilo henumo watiwezye kubhomba imbombo. 5 Ahabhalilo hindipo mnsi, inene luhozyo ulwa mnsi." 6 Baada ya Yesu kulonga amazwi iga, ahaswila pansi, abhombile itope na mati, ahamupaha umundu ule mumiso ni tope lila. 7 Ahamubhuzya, bhalaga hageze kushisima isha Siloam (Yeyi kutafasiliwa kuti 'umusondelezye')." Kwa hiyo umundu uyo ahabhala, ahanawa, na ahagaluha, akwenya. 8 Abhapalamani wa mundu ula na bhala bhebhamuwenyi kuwandilo kuma mulabha bhahati, Je! tewuwuyo umundu wa wahihalaga na kulabha?" abhamwabho bhahati, "Wuyo." 9 Na bhamwabho bhahati, "Hala, yoli aholine nawo." Ile ahaongaga kuti, "Nene." 10 Bhahamubhuzya, "Ishi amiso gaho giguliwa bhuli?" 11 Ahajibu, umundu wakubhilishilwa wu Yesu ahagomba itope na kupata amiso ganina kumbuzya, 'Bhalaga ku Siloam hanawe.' Kwa hiyo nabhalile, naihanawa, na ihapata kulola awinza." 12 Bhahamubhuzya, "Ali kwino?" Ajibile, "Manyi." 13 Bhahamutwala umundu ula umawayile kubha wumbubhila ku Bhafarisayo. 14 Yope yalilisiku ilyi Sabato ahabhalilo hu Yesu wahagomba itope na kugafumbula amiso gakwe. 15 Pewinza Abhafalisayo bhahamubhuzilizya apatilibhili kwenya. Ahabhabhuzya, "Abhishile itope mumiso goni, ihanawa nishi inguwezya kulola." 16 Baadhi ya Bhafalisayo bhahati, "Umundu unu atafumile kwa Mulungu kwa sababu atakuyilema iSabato." Bhamu bhahati," Yikuwezehana bhuli umundu uwi mbibhi kubhomba iishara izizi?" Kwa hiyo kuhabha numu satana kati yabho. 17 Pe bhahamubhuzilizya umbubhila ulawinza, "Utibhuli juu yakwe kwa sababu ajiguye amiso gaho?" Umbubhila ahati, "Muloli." 18 Paka ahabhalilo iha Abhayahudi bhatamwitishile kuti ali wumbubhila wope apatile kwenye mbaka we bhabhita abhapafi bhakwe wene wapatile kwenya. 19 Bhahabhabhuzilizya abhapofi, Je, unu mwana winyu we mukuti apapiwe wumbubhila? Awezizye bhuli ishi kwenya?" 20 Isho abhapafi bhakwe bhahamujibu, "Tumanyile kuti unu mwana witu na kuti apapiwe wumbubhila. 21 Honi he ishi akwenya, tutamanyile, nawe amufumbuye amiso gakwe, tutamumanyile. Mubhuzilizye wene. Mundu msongo. Awezizye kujelezya wuyo." 22 Abhapafi bhakwe bhalonjile amambo iga, kwa sababui bhabhogopile Abhayahudi. Kwa vile Abhayahudi bhitihanile tayali kuti, ingawowondi atiyitishe kuti uYesu wu Kilisiti, atitengwe ni Sinagogi. 23 Ku sababu ini, abhapafi bhakwe bhatili, "Mundu musongo, mubhuzilizyaje wuyo." 24 Kwa hiyo ku mara iya wubhili, bhahamubhilishila umundu ula wamaliwumbubhili na kumubhuzya, "Mpe Umulungu uwupalo. Tumanyile kuti umundu unu wimbibhi." 25 Pe umundu ula ahajibu, "Abhe wimbibhi ine indamanyile ahandu heka hihamanyile: amile ne mbubhila, ishi ingulola." 26 Pe bhahamubhuzya, "Akubhombile ahoni? Agafumbuye bhuli amiso gaho?" 27 Ahajibu, "Imbabhuzizye tayali, nimwe mutatejelezizye! Honi mukwanza kutejelezya winza? Nimwe muta kwanza kubha mwebhamanyili bhakwe bhulo, bhuli? 28 Bhamuliga na kuti, "Iwe we mumanyili wakwe, ilelo itwe twebhamanyili bha Mose. 29 Tumanyile kuti Umulungu alonjile nu Mose, ilelo kwa kwa mundu unu, tutamanyile kula kwa kufuma." 30 Umundu ula ahajibu na kubhabhuzya, "Honi, ili lijambo ilya kuswijizya, kuti mutamanyile kwa kufuma na kuti afumbuye amiso gani. 31 Tumanyile kuti Umulungu atakubhatejelezya abhimbibhi, ilelo inga mundu wowondi akumwimiha Umulungu na kubhomba amapenzi gakwe Umulungu akumtejelezya. 32 Tangu kwanda kuwulimwengu yitawayile nalumo kuvwiha kuti wowondi agafumbuye amiso ga mundu wapapiwe wumbubhila. 33 Inga umundu unu atafumile kwa Mulungu, hani atabhombile hohondi." 34 Bhajibu na kumubhuzya, "Wapapiwe mumbibhi ahani, "Niwe utumanyizya itwe?" Pe bhahamubhinga kufuma ku sinagogi. 35 U Yesu ayivuye kuti bhamwefizye ku sinagogi. Ahamwaga na kumubhuzya, "Ukumwitiha Umwana wa Mundu?" 36 Ahajibu na kuti, "Wunanu , Mwene, inge nani imbate kumwitiha?" 37 U Yesu ahamubhuzya, "Wamulola, wope wukulonga nawope wuyo." 38 Umundu ula ahati, "Mwene, ingwitiha." Pe ahamwimiha. 39 U Yesu ahati, "Kuwulonji ininzile munsi ini inga kuti bhala bhebhatakulola bhapate kulola na bhala bhebhakulola bhabhe bhabhambubhila." 40 Baadhi ya Bhafarisayo bhebhali peka nawo bhahivwa amazwi iga na kumubhuzilizya, "Nitwe bhulo twebhambubhila?" 41 U Yesu ahabhabhuzya, "Inga mwamile mwebhambubhila, "Hani mutali ni mbibhi. Sheshinisho, ishi mukuti, 'Tukulola,' imbibhi yinyu yikwihala."