1 Je, twandile kujipala tunitwe iwinza tutakwa ikalata agalwavwo lwinyu awekufuma kufuma kukwinyu, inga baadhi ya bhandu, je tukwanza? 2 Imwe murumwe mwe makalata gitu aga lwavwo gegasimbilwe mumoyo gitu, gegamanyishile na kubhazwa na bhandu bhondi. 3 Na mukulolesha kuti imwe mwemakalata kufuma kwa Kilisti, gegafumile kulitwe. Gasimbilwe te kuwino yoli kwa mpepu wa Mulungu we mwuni. Gatasimbililwe pamwanya pavibao ivwa mawe. Yoli pamwa pavibao ivwa moyo ga bhanadamu. 4 Niga gemaha gulinago kwa Mulungu kushilila kwa Kilisti. 5 Tukayitiha tunetwe kwa kudai shoshondi inza kuma kukwitu. Badala yakwe, kuyiha kwitu kufuma kwa Mulungu. 6 Wu Mulungu we atubhombile tuwezye kubha bhabhombi ibha agano ipwa. Ili agano telyamakalata lya Mpepu. Pekuti amakalata gakugoga ingale Umpepu yikwefwa uwuni. 7 Inshi imbombo iya bhufwe yabhiziwe kuhelufi pamwanya ya mawe yizi kunamna iya winza kuti abhandu abhaku Iziraeli bhatenyizye yeka kwa yeka pamiso pa Mose. Ini kwa sababu ya winza wa pa miso pakwe, uwiza we wuhafwifwilaga. 8 Je, imbombo iya Mpepu yitali nu winza ihani? 9 Pe kubhaingeihuduma iya bhulonji yali nu winza, ni mara zilinga inhaniihuduma iya yoli yikwonjela hani kuwinza! 10 Ye yoli kuti, shila sheshigombilwe uwinza insuti shitali nuwinza habhili kulutiniho ulu, kwa sababu ya lutiniho twelwonjeye. 11 Pe kuti shila sheshihashilaga kwali nu winza, ku kiasi shoni ihani shila mandi shilibhanu winza! 12 Pe kuti tukuyitiha insho tukuyigomwa inhani. 13 Tutali inza uMose, we abhishili iuwa pamwanya pamiso gakwe, inga kuti abhandu bhaku Iziraeli bhatahawezye kwenya moja kwa moja kubhusilila wa winza uwo wewuhepaga. 14 Ilelo kumanya kwabho zyali zyigaliwe. Mpaka isalizi kwaziwa kukura wulishewukusyala pamwanya iya lubhazyo ulwa agano ilya mandi. Yitabhishilwe pauzelu, kwasababu kukwa Kilisiti imwene yikwefwelwa kubhutali. 15 Pe ni lelo, ahabhalilo hohondi uMose vwakusomwa, kwanza kukwiha pamwanya ya moyo gabho. 16 Pe umundu akugaluhana kwa mwene kwanza kukwepelwa. 17 Insalizi Utata Mpepu. Pepali nu Mpepu uwa Tata, kuli nubhusatushe. 18 Insalizi itwe twendi, na pamiso pepatabhishilwe iuwa, kulola uwinza kwa Tata. Tukubadiliswa mkasi ya kulolehana kukula ukwa winza kufuma shahada yeka iya winza kubhala kuyamwabho, inza vwe yili kufuma kwa Tata, wewu Mupepu.