1 I namuye kusehemu yani nunene kuti halinda manyile habhili kukwinyu kwa kulemewa. 2 Inge nabhasababisizye kubhabhilwa, ghunanuwe hali akwisha nine, pelelo ghughula weavwalazizwe peka nine? 3 Nasimbile inzo vwe ingubhomba ingakuti ahabhalilo luingwiza kukwinyu indahavwalazwe na bhala bhehali bhahabhomba ninshi. Indi nu kuyula kubhandu bhondi kuti kwisha kwani kukula inza vwe mwishiye mubhandu mwendi. 4 Inshi penabhasimbiye imwe kufumilana na mayimba amapiti, namalabha gamoyo na kumasonzi aminji. Indahanzaga kubhasababishizya imwe kubhabhilwa. Badala yakwe, ihanzaga mumanye ulugano ulwa maha lwe indinalwo kwajili yinyu. 5 Inga alipo wowondi asababisizye kubhabhilwa, atasababisizye kukwani bhulo pekushipimilo shimo - bilkubhiha ubhuhali ihani - kukwinyu mwendi imwe. 6 Ini kulongwa kwa mundu uyo kubhinji yikwanile. 7 Kulilyo lelo kwa kulongwa, mukwaziwa kumuhobhoshela nukumjinjizya. Mubhombaje inshi ingekuti atahapotwe nukusangama kwekwanjeye. 8 Insi ingubhapa umoyo kuzibitisya ulugano lwinyu pauzelu naghuyo. 9 Ini yesababu nasimbile ingebhawezye kubhalingakumanya kuti bhakunyisha kubhandu bhondi. 10 Inge mwamuhobhoshela wowondi, inani ingumuhobhoshila umundu uyo. Shila sheishihobhosheye - inge ishihobhosheyo shoshondi-shihobhoshelilwe kwa kupa kwinu kwakubha kwa Kilisti. 11 Inga kuti usetani atahatubhombela kuhopezwa. Pekuti intwetentwe bhalema kumapangwi gakwe. 12 Umulyango huhiguliwa kukwani numwene penizile musi iya Troa kulumbilila amazwi ga Kilisti pala. 13 Pelelo, indalinulutengano ulwa mwoyo, peindamwajile uholo wani papala pa Tito. Inshi nabhaleshile nu kugaluha ku Makedonia. 14 Ilelo apatwaje Umulungu, ghula we uKilisti insiku zyondi akutulongozya itwe kwa kutola. Kushilila itwe akushizya umusi umwinza uwanjele yakwe popondi pala. 15 Pe itwe Mulungu, twe munusi umwinza uwa Kilisti, bhondi na bhala bhebhataposhililwe. 16 Kubhandu bhebhataposhililwe, wemunusi kufuma kubhufwe na kubhufwe. Kubhalabhaposhililwe munusi umwinza kuwumi na kuwumi. Ghunanu weakwaziwa ivindu ivwo? 17 Pekuti itwe tutoliinza abhandu abhinji bhebhakukazya inzwi lya Mulungu kwa kuwina, Badala yakwe, kuwinza widala, tukulonga kufuma kwa Kilisti, inza vwetukusondelezwa kufuma kwa Mulungu, kwilongolela kwa Mulungu.