sura ya 1

1 U Paulo, umusondelezya wa Kilisiti uYesu kwilongolela lya Mulungu, nu Timoti uholo witu, kushibanza sha Mulungu shishili ku Korintho, nakubhebhitishila bhondi bhebhali musi ya Akaya. 2 Ulwiza bhubhe kukwinyu nululengano kufuma kwa Mulungu Utata witu nu mwene witu uYesu Kristi. 3 Apalwaje Umulungu Utata umwene uYesu Killisti. Wuyo wu Tata uwawinza nu Mulungu uwakujinjizya kwondi. 4 Umulungu akutujinjizya kumalabha gitu gondi, inga tubhapanje kujijizya bhala bhabhali mumayimba tuhubhajinjizya abhamwabho kwiha lilila lya Mulungu alibhombeye kutujinjizya. 5 Pakuti imalelo amayimba iga Kilisiti ga kwonjela ku tunetwe, sheshinisho kujinjizya kwitu kukwonjera kushilila uKilisiti. 6 Ingalelo tukulabhiwa, mmunemwe kujinjinza kwinyuna kuposhilwa kwinyu ingetukujinjizwa vwe mmunemwe kujijizya kwinyu. Kujinjizya kwinyu kukubhomba imbombo ihinza pemukwavwana mmalabha kwakujimbilila inzitwe vwe tukulabha. 7 Na kugoma kwitu pamwanya yinu he hinzo. Tumanyili kuti inzashila shemukwavwana amayimba shishila mukwavwana kujinjizya. 8 Pe kuti tutakwanza imwemubhe mwebhalema, nholo, kumanyimba getwali inago ukwo ku Aisa. Yoli twali nukulonga kwa kwabhufye pamwanhya yitu. 9 Ililo iyo yaliyakubhomba intwe tutahabhishe isubhilo pamwanya yitu. Badala yakwe tubhishe isubhilo kwa Mulungu, wakuzyusha abhafwe. 10 Atwokoye itwe kufuma kumaafa agakuti, tufwe na alitwokola habhili. Tubhishe kuyigomwa kwitu kubhe kwa wene pakuti alitwokola habhili. 11 Alibhomba inshi imimwe iwinza vwe mukutwavwa kwakuputa kwinu. Insho abhinji bhalifumwa insalifwo kuniaba yitu na munemwe kulunganilo ulwa winza lwebhatupiye intwe kushilila ku mbuto inza bhinji. 12 Tukuyila nili: kuyibhuzya kusibho yitu. Pekuti kwidala ilyiza nuwinza wa Mulungu kutitwabhalile tunetwe munsi. Tubhombile inshi ihani nimwe, na tekuwolowezyu uwabhamunsi, ililo badala yakwe kuwinza wa Mulungu. 13 Tutakubhasimbila shoshondi shemtangawezya kushishoma nukumanya. 14 Kuti kulimo mwinze mwamanya na inguyula pakuti isiku lyamwene uYesu tuhayibha twe sababu yinyu mumunemwe kumaluli ginyu, inza shila shemulibha kukwitu. 15 Pe kuti nalinukunyula kulili, ihanzaga kumanya ku kwinyu insuti, ingakuti muwezye kuposhela kupata kujendelwa mara zibhili. 16 Ihasibhaga kubhajendelela kuhabhalilo ahakubhala ku Makedonia. Iwinza ihanzaga kubhajendelela iwinza kuhabhalilo ihakugaluha kufuma ku Makedonia, na habhili imwe kusondelezya inne kuhabhalilo ahakubhalila ku Uyahudi. 17 Pehasibhaga kulili, je, nalikuhajilizya? Je ingupanga amambo kubhalilana ni viwango vwabhandu, ingakuti indoje "Ina, ina" na "Hala, hala" kuhabhalilo heka? 18 Ilelo inza shila Umulungu sheayilishile, tutakulonga vwondi "Ina" na "Hala." 19 Pekuti umwana wa Mulungu, uYesu Kilisiti, we Silvano, Timoti na nunene twamwenyizye peka na mubhamu, te "Ena" na Hala." Badala yakwe ahabhalilo hondi "Ina." 20 Pe kuti insubhilo zyonti izya Mulungu "Yoli" kumwene. Insho habhili kushilila umwene tukuti "Amina" kwakuwinza wa Mulungu. 21 Insalizi ghu Mulungu akutusibilisya intwe peka nimwe kwa Kilisti, na atusondelezizye intwe. 22 Abhishile ishimanyiho pamwanya yitu naatupiye Umpepu kumoyo gitu ngati hobhoshelo ya shila she angatupa shamandi. 23 Badala yakwe, ingumulabha Umulungu kumbuzya ine kuti isababu yeyagombile indahize ku Kolintho kwekuti indahabhamwamile imwe. 24 Ini tesababu tukulinga kwejera vwe kwitiha kwinya kulibha. Badala yakwe, tukubhomba peka nimwe mumunemwe kwisha kwinyu, inza vwemkwimilila kwa kwitiha kwinyu.