1 Pe lelo, ni mbombo ini, na ima sha tuyiposheleye inyinza tutakulita haa. 2 Badala yakwe, tuhanile amadala gondi igisoni na gegubhile. Tutakudili kubhubhibhi, natutakulibhombola habhibhi inzwi lya Mulungu. Kwa kufisya yeyoli, tukuyilolesya tunetwe kugetulinago kila mundu mwilongolela mwa Mulungu. 3 Ilelo inga indumbililo yitu yifisilwe, yifisilwe ku bhala bhulo bhebhataposhile. 4 Kubhachaguzi wabho, umulungu uwa munsi umuabhagojile kumanya kwabho kwekutakwitiha. Amatokeo gakwe, bhatangalola uluhozyo ulwa indumbilili iya wiza uwa Kilisiti, we shilinganyo sha Mulungu. 5 Pekuti tutakuyitangazya yunetwe, yoli uKilisiti uYesu inza umwene, nitwe tunetwe inga twebhaputi bhinyu kwajili ya uYesu. 6 Pe kuti Umulungu we alonjile, "Uluhozyo lilihozya kufuma kuhisi." Atuhozizye mumoyo gitu, kufuma uluhozyo ulwinjele iya winza wa Mulungu kwa kubha kwa Yesu uKilisiti. 7 Ilelo luti nulubhiho ulu kuvililo ivya lusuto, inga kuti yimanyishe kuti maha amapiti insalizi ga Mulungu nante gitu. 8 Tukulabhiwa kukila hali, ilelo tutakutingwa. Tukulola iwasiwasi ilelo tutakwonjela kulito. 9 Tukuyimba ilelo bhatatuleshile. Tukutagwa pansi ilelo tukuposhilwa. 10 Isiku zyondu tukupimba kumubhili witu ubhufwe wa Yesu, inga kuti uwumi wa Yesu bhulole hane namumabhili gitu. 11 Itwe tubhumi isiku zyondi twokoliwe kubhufwe na wu Yesu, inga kuti uwumi wa Yesu bhulohane kumabhili gitu agashibhandu. 12 Kwa sababu ini, ubhufwe bhukubhomba imbombo mkansi mu mwitu, yoli uwumi bhukubhomba imbombo mkansi mumwitu. 13 Ilelo tuli nu mpepu wuwula uwa kwitiha kubhalilana na shila sheshisimbilwe: "Nitishile, nisho shuhalonga." Itwe yoli tukwitiha, nisho yoli shetukulonga. 14 Tumanyile kuti wula weamuzyusyizye umwene uYesu yoli alituzyusya intwe peka nawo. Tumanyile kuti alituleta intwe peka nimwekwakubha kwakwe. 15 Kila shindu kumumunemwe ingakuti, inza uwinza vwe bhukusanta kubhandu abhinji, kupara kubhanje kwinji kuwinza wa Mulungu. 16 Insho tutakulita. Pekwakunzi kukula, kwa mukuka tukugombwa bhupwa isiku ni siku. 17 Kushipindi inshi ishifupi, amayimba iga amapupunsu gatugula intwe kwajili ya uwinza wa hali ubhupiti uwawinza wewukwonjela kuvipimilo vwondi. 18 Kuti tutakwenya kuvinda uwevikuloleha, yoli kuvindu vwevitakuloleho. Ivindu vwetungavilo vwamda ibhulo, yoli ivindu vwevita kuloleha vwevwa wila.