1 Ni lazima injili ilelo nashimo sheshitakwola nilyo. Yoli indiyendelela kundolesyo nagegakwiguliwa kufuma kwa Mwene. 2 Imumanyile umundu weka kwa Kilisti weamaha kumi na gani gegashilile ge---kubha kumubhili, au kuzi iya mubhili, ine indamanyile, Umulungu amanyile--- ahanyakuliwa pamwanya kumwanya iya bhutatu. 3 Na imanyile kuti umundu uyo---ingayabha kumubhili au kuzi kuzi kumubhili, ine indamanyile, Umulungu amanyile-- 4 ahegwa kumwanya hadi ku paradiso na kwivwa amambo aminza ihani kwa mundu wowondi kugalonga. 5 Badala ya mundu inza uyo indiyila. Ilelo kubadala yani nunene ntehayile. Lyoli kuti ubhubhinu wani. 6 Inge nanza kuyila, ingakuti umulema, pekuti hali nali ingulonga iyoli. Ilelo indileshe kuyila, ingekuti atabhanje wowondi wealisibhilila ihani ya gigo kuliko sheshikuloleha mkasi mumwani au kuvwi kufuma kukwani. 7 Indayilile iwulo kusababu yigo amigu lwo agianaiya ajabu. Isho, she indalatilwe na maluli, umwivwa wabhishilwe mkasi mumubhili wani, izwi lya setani kushambulila ine inge indahagaluhane kubha inza weakuyila. 8 Mara zitatu ihamulabha Umwene kulili, inga uwene kuwefu kufuma kuhwani. 9 Iwope ahambuzya, "Uwinza wani bhukwanile kuwanewe, pekuti amaha gakubhombwa ihinza kubhudeganu. Isho haliniganile ihani kuyila ihani kubhude ganu wani, inga kuti kuwezya kwa Kilisiti bhuwezye kwihala pamwanya yani. 10 Ilelo yikwanile kwajili ya Kilisiti, kubhudeganu, kundigo, kushida, kumayimba, kwa kuswiga. Ilelo ahabhalilo ingenabha mdeganu, iwinza indinamaha. 11 Ine nabha nemulema! imwe muhalazimiswa kulili pekuti inganafulililwe inimwe, ililo indasiliwe ihani kubhibho bhetukubhita bhasondelezya-- abhiza, inga pope ine nte shindi. 12 Ivilosyo viyoli ivwabhasondelezya zihabhombe pakasi yinyu kwa kujimbilila, ishilolesyo na gegakwogofwa gegakubhombwa amapiti. 13 Kunamna yoni mwalibhakwaziwa bhapasi kushila ivibhaza vwevisyalile, isipokuwa kuti inda bhamwamiye? Mhobhoshele kukosa ili! 14 Yenya! ine indi tayari kwinza kukwinyu kumara iya bhutatu. Ntehabhamwamila, pekuti indakwanza ishindu sheshinyu. Ingubhaza imwe. Pekuti abhana bhatakwaziwa kubhiha akiba kwaji ya abhazazi. Badala yakwe, abhazazi bhakwaziwa kubhiha akiba kwajili ya bhana. 15 Indiyisha ihani kubhombela na kubhombilwa kwajili ya nafasi zyinya inga imbaganile ihani ingwaziwa kuganwa hunsi? 16 Ilelo inga vweyili, indabhamwamiye imwe. Ilelo pekuti ine ingumanya ihani, ine ne ghula weabhalemile imwe nizenabha ghula weahabhaga kumalenga. 17 Je, nejili kwakuyibhombela kupata kuwowo ndiwe namusondelezizye kukwinyu? 18 Ihamulabha uTito kwinza kukwinu, naihamusondelezya uholo uwamwabho peka nawo. Je, uTito abhabhombeye kupaka imwe? Je, tutajendile kwidala lilila? Je, tujendile kunyayo zizila? 19 Mkusibha kumuda unu wondi tulikuyititila intwe turutwe kukwinyu? Mwilongolela mwa Mulungu, na kwa kwa Kilisiti, tulikulonga kila handu kwa kubhagomwa imwe. 20 Pe indi nu woga kuti ingeninza imbezizye indahabhaje imwe inza vwe ingusunguha. Ingwopela kuti kungawezya kubha nagakulonga, umwone, kwaha kumalaha kuyigana iwene, amaholo, amaluli nu bhuyazi. 21 Ingwogopa kuti ingenagaluha iwinza, Umulungu wani angawezya kunisya mwilongolela yinyu. Ingwogopa kuti ningawezya kuswijiswa na bhinji bhebhabhile imbibhi kabla ya salizi, na bhebhatakwitiha ubhunyali, nukulungana na mambo gakugana gebhakugabhomba.