Sura ya 13

1 Ini mara ya bhutatu kuti ikwinza kukwinyu. "Kila kulonjela lazima kuzengwe nubhusibitisyo wa bhandu bhabhili au bhatatu." 2 Indonjile kubhibho bhebhabhombile imbibhi yazila nakubhamu bhondi kuhabhalilo penali ukwo kumala iya bhubhili, na ingulonga iwinza: Inganabhaniza awinza, ntehabhajimbilile. 3 Ingubhabhuzya imwe ili kunongwa ye mkwanza ubhushahidi kuti uKilisiti akulonga kushilila ine. Uuwenenta mdeganu kukwinyu, badala yakwe, uwene wa maha mkasi yinyu. 4 Pekuti asulubiwe kubhudeganu ilelo mwumi kumaha ga Mulungu. Pekuti intwe iwulo ntwe bhadeganu mkasi yakwe, ilelo tulidila nawo kumaha ga Mulungu mumoyo ginyu. 5 Myilinjizyaje murumwe mulole inga mli kulwitiho. Yipimaje munemwe. Mtakumanya kuti uYesu Kilisiti ali mkasi yinyu? Uwene alipo, bhangainga mtayenyizye. 6 Na inguyigoniwa kuti imwe mulimanya kuti intwe tutahanilwe. 7 Ilelo tukulabha kwa Mulungu kuti mutahawezye kubhomba shoshondi ishibhibhi. Indakulabha kuti intwe tuwezye kulolehana tupotile indingo. 8 Pekuti intwe tutangawezya kubhomba lyolyondi lyelitakubhalilana ni yoli, ilelo kwajili ya yoli iwulo. 9 Pekuti tukwisha kuhabhalilo hetukubha bhadeganu inimwe ingemwabha na maha. Tukulabha iwulo kuti muwezye kugombwa bhiyoli. 10 Ingugasimba amambo iga ahabhalilo ngenabha kubhutali nimwe, inga kuti inga nabha peka nimwe indakwanza kubhalolesya ubhuhaliimwe. Indakwanza kutumila kwa mula umwene kwe ambiye ine imbazenje na nte kubhananganya pasi. 11 Kumwisho, bhaholo bhashisahala na bhashandanda, mwishaje! mubhombaje imbombo kwajili ya lugalusyo, mubhihwe umwoyo, mwivwanaje munemwe kwa munemwe, mudile kulutengano. Na Umulungu uwa lugano nulutengano atibhe peka nimwe. 12 Lamuhanaji kila weka kwa kufipana ukwinza. 13 Bhebhitishile bhondi bhakubhalamuha. 14 Uwiza wa mwene uYesu Kilisiti, ulugano lwa Mulungu, nubhushilika uwa Mpepu Umfinjile bhubhe peka nimwe mwendi.