Sura ya 11

1 Ingusibha kuti halimwajimbililanga inine kuhamu igawulema. Ilelo kuyoli mkujimbililana inine. Pekuti newamwone kuhusu imwe. 2 Indi numwone uwa Mulungu kwa munemwe, kufuma penabhabhuzizye imwe kwakwega kwa msahala weka nalonjile kubholeta imwe kwa Kilisiti inza ubikira umwinza. 3 Ilelo ingwogopa kuti kunamu yimo, inza injoha vweyamhopeye u Eva kwilenga lyakwe, isibho zyinu zingawezya kutezwa kubhutali kufuma kuluhohomano lwelulwo nu winza kwa Kilisiti. 4 Pekuti kwa kuholana kuti umundu wumo ayinza nukutangazya uYesu uwa mwabho wetewuyo na wula wetwabhalumbiliye. Au kwa kuholana kuti wakuposhela umpepu uwamwabho wetewayo na wula wemwamposheleya. Au kwakuholanya kuti weakuposhela indumbilili iya mwabho yeteyiyo yemwa yiposheliye. Mhajimbilila amambo iga inhinza yikwanile! 5 Pekuti ingusibha ine nte peka na bhala bhebhasililwe hubhibho bhetukubhita abhasondelezya-abhapiti. 6 Ilelo inga ipope ine indamanyizizwe kwa kulonga, indali insho kunjere. Kwa kila namna na ku mambo gondi tulibhombile litakumanyihana ku kwinyu. 7 Je, nabhombile imbibhi kwa kuyisya nunene inga imwe muwezye kwinuliwa? Pekuti nalumbiliye kulusatuho indumbili iya Mulungu kukwinyu. 8 Nafwulile ivibanza ivwamwabho kwa kuposhela ulwavwo kufuma kukwabho inga kuti halina wezizye kubhabhombela imwe. 9 Ahabhalilo henali inimwe nali kukwanza inda mumwamiye nawumo, ileoolo kukwaza kwani kuhayikwana na bhaholo bhebhizile kufuma ku Makedonia. Kukila shindu injidindile nunene pakuti inda habhamwalili, na indiyendelela kubhomba insho. 10 Inza iyoli iya Kilisiti vweyili mkasi mumwani, uku kuyipala kwani, ntekuhapumilizwe kusehemu izya Akaya. 11 Shoni? Kusababu indabhaganile? Umulungu amanyile imbaganile. 12 Ilelo shila sheingubhomba, ihayibhomba iwinza. Indishibhomba ingakuti imbwezye kudinda inafasi ya bhala bhebhakusunguha inafasi iyakubha inza vwetuli kushishila shebhakuyilila. 13 Ilelo abhandu bhala bhasondelezya bhilenga na bhabhomba mbombo bhamalenga. Bhakuyigalulanya bhubhongati bhasondelezya bha Kilisiti. 14 Ni ili litakuswijisho, pe nusetani akuyigalulanya wuyo ngati bhahabhizya bha kuluhozyo. 15 Ini yitali nukuswiga ukupiti inga abhaputi bhakwe ibhulo kuyigalulanya bhubho inza abhaputi ibhiyoli. Imbelelo yabho yihayibha inza gebhakubhomba bhubho vwegakwaziwa. 16 Ingulonga iwinza: Yakwana na atabhanje umundu wowndi weakusibha ine nemulema. Ilelo ingemwabhomba, mboshelaji ine ngati ne mulema inga imbwezye kujipala hansi. 17 Shila sheingulonga kuti uku kuyamini kwa kuyila kutakulongwa nu Mwene, ilelo ingulonga ngati ne mulema. 18 Pe abhandu abhinji bhakuyila kwa njinsi iya mubhili, indiyila ibhulo. 19 Pe mwejelanile kwa kwisha na bhalema, imwemunemwe muli nulutinisho! 20 Pekuti mkwejela nu mundu inga akubhiha mu bhufungwa, inga akusababisya kulehana kati yinyu, inga abhabombela imwe kwa kupata kwakwe, inga ayibhiha kumwanya kumbepu au ingabhaboma kumiso. 21 Indilonga kwa kwogopa kwitu kuti intwe ingetwa bha bhadeganu ihani kubhomba isho. Na tushiinga wowondi akuyila-- ingulonga inza umulema-- ine iwulo indiyila. 22 Je, abhene Bhayahudi? Inine shishinisho. Je, abhene Bhaizilaeli? Inine shishinisho. Je, abhene bhupapo wa uAburahamu? Inine shishinisho. 23 Je, abhene bhaputi abha Kilisiti? {Ingulonga ngati zyatomoshile injele zyani.} Ine nonjeye. Indi pope mumbo ingomu ihani, kubhutali ihani iya kubha mubhupinywe, kwakuhomwa kushilila ivipomo kwakubili ihatari inyinji izya bhufwe. 24 Kufuma ku Bhayahudi imboshelile mara zisanu "amahomo arobaini kwefwa yeka." 25 Mara zitatu ihahomwa ihahomwa kuviboko. Mara yeka ihahoma ku mawe. Mara zitatu ihanu suliha mumeli. Indumiye ubhusiku numsanya kusumbi inyazi. 26 Indimusafali izya mara kwa mara, kuhatali izya nyinzi, kuhatali izya bhibha, kuhatali izya kufuma kubhandu bhani nunene, kuhatali kufuma ku bhandu ibha musi, kuhatali iya mumuji, kuhatali iyo mung'alang'azu kuhatali iya sumbi, kuhatali iya kufuma kubhaholo ibhilenga. 27 Indi mumbombo ingomu na kudila ukugomu, kubhusiku umwinji uwakutokugona, kuzala nukwumilwa imara inyinji kwa kupinya, kwa ku mbepu nishitali. 28 Kubhutali na kila shindu ishamwabho, kuli nu bhubushilo uwa kila lisiku pamwanya yani kwogopa kwani kwajili ya vibhaza. 29 Unanu we mubhinu, inine nte ne mubhinu? Wu nanu asababisizye uwamwabho kugwa mumbimbi, inine indakupwa mkasi? 30 Inga lazima kuyila, indiyila kuti shila she ingulolesya kubhina kwani. 31 Umulungu nu Tata uwa Mwene uYesu, wuyo weakupalwa wila, amanyile kuti ine indakuhopezya. 32 Kula ku Dameski, usongo wa mkoa pasi ya mwene Areta alikuwalinda umuji uwa Dameski inga kundema. 33 Ilelo nabhishilwe mshikapa, kushilila mwidilisha kwa kulubhumba ihanusuliha kwepo munyobhe zyakwe.