Sura ya 10

1 Ne Paulo, nu nene ingubhalabha kwa kwiha nu bhupole uwa Kilisiti. Ne mupole ahabhalilo vweindi kwilongolela yinyu, Ilelo inguyigomwa kukwinu ahabhalilo ingenabha kubhutali inimwe. 2 Ingubhalabha imwe kuti, ahabhalilo ingenabha peka nimwe, nteihanze kuyigomwa na kuyamini kwani nunene. Ilelo ingusibha ingwanza kuyigomwa ahabhalilo heingubhahana bhala bhebhakuti tukudila kujinsi ya mubhili. 3 Ilelo ingapope tukujenda kumubhili, tutakulwa ubhulugu kujinsi ya mubhili. 4 Ilelo isilaha zyetu kutumila kulwila nte zyashimubhili. Badala yakwe, zili na maha iga shiungu igakunangaya ingome. Zikwefwa ihanizyezikulongwa zyezikutezya. 5 Iwinza, tukunanganya vyondi vwe vikwamula sheshikuyizuvwa kwonjera kunjere ya Mulungu. Twabhombile kulema kila sibho kwa kwitiha kwa Kilisiti. 6 Na tukuyago ubhutayali uwa kulonga kugondi gegakubhomba getegakwitiha, iwinza iwulo kwitiha kwinyu pekukubha kamili. 7 Yenya shila sheshiliwazi mwilongolela mwinyu inga wowondi akwitihana umwene wewa Kilisiti, awe ayikusye umwene wuyo kuti inza iwulo vweali wa Kilisiti, inshoshe intwe iwulo vwe tuli insho. 8 Ilelo inga nayila hasi kwonjera pakuti kwa mula kwitu, ye umwene afumwizye kutunetwe kubhazenga imwe na nte kubhananganya, ntehogope. 9 Indakwanza ili lilolehana kuti ingubhogofwa imwe kunyaraka zyani. 10 Kushila bhamu abhadu bhakulonga, "Inyalaka zyakwe hali na zilina maha, ilelo kumubhili uwene mdeganu. Amazwi gakwe gatakwaziwa kutijelivwa." 11 Awe abhandu inza ibho bhelewe kutishila shetulilonga kuwalaka ahambalilo ingelwabha kubhutali, inza shila vwe tulibhomba ahabhalilo ingetwabha pala. 12 Tutakubhala kubhutali ihani inza kuyibhunganya tunetwe kuyilinganisya tunetwe na bhala bhabhakuyipala bhubho. Lakini wanapojipima wenyewe na kila mmoja wao, hawana akili. 13 Intwe, inzisho tetuhayipale kushilila imbaho. Badala yakwe, hayimbomba isho iwulo mkasi mumbaho ye Umulungu atupimiye intwe, imbaho yeyikufiha uwutali inza uwinya vwebhuli. 14 Ilelo tutayonjezizye tunetwe petwabhafishile imwe. Twali bhaku wandilo kufiha kuwutali inza uwinyu kwakwa Kilisiti. 15 Tutayilile kushilila imbaho pakuti imbo ya bhamwabho. Badala yake, tukugulila inza ulwitiho lwinyu vwelukwonjera kuti ieneo lyitu ilya mbombo lilitanuliwa ihani nashili mkasi yimbaho imbwa. 16 Tumanyile kulili, inga kuti tuwezye kulumbilila indumbilili na mu mikoa ihani yinyu. Tutayipale kumbombo yeyikubhombwa mumaeneo aga mwabho. 17 "Ilelo wowondi weakuyila, ayile kwa Mwene." 18 Ilelo inte wula weakuyizibitisya wuyo akusibitiswa. Wuwula we Umwene akumusibitisya.