1 Kubhalilana ni mbombo kwajili ya bhaumini, he hinza inhani kukwani kubhasimbila. 2 Imanyile pakuti kwigana kwinyu, genayiliye kubhandu abha ku Makedonia. Nabhabhizizye kuti Akaya yabha tayari kufuma umwaha wewashilile. Kwigana kwinyu kubhapiye umwoyo abhinji bhabho kubhomba. 3 Iisalizi imbasondelezizye abhaholo ingakuti kuyila kwitu pakuti imwe gatahabhe gabhulo, na ingakuti mngabha tayari, inza vwebalanjile mungabha. 4 Kuvwamwabho, inga umundu wowondi uwa ku Makedonia ingaayiza peka inine na kubhaga mtali tayali, halitulolile iga --- indakulonga shoshondi pakuti imwe kwa kuyigomwa inhani kunimwe. 5 Insha nalolile yali muhimu kubhalabha bhaholo kwinza kwinyu na kumbomba imipango yanzila kwajili ya zawadi zye mwaahidile. Ini vweyili kuti zibhe tayari inza isayo, na nte inza ishindu sheshamuliwe. 6 Iwanzo ili: umundu weakuwala ivinsi aliyebhela ivinsi, na wowondi weakuwala kwilengo ilya lusayo awinza ahayiyebhela ulusayo. 7 Kuyiye kila weka afumwe inza vwe apangile mumwoyo wakwe. Kuyiye iwope atahafumwe kushisa au kwa kumaha. Ingalilo Umulungu akumugana wula weakufumwa kwa kwisha. 8 Nu Mulungu awezizye kwonjezya isayo zyondi kumunemwe, inga kuti, kuhabhalilo, kumambo gondi, muwezye kugaga gondi, gemukwanza ili lilibha ingamuwezye kwenjezya kila tendo ilyiza. 9 Inza vwe yisimbilwe: "Ananginye ubhudumbwe wakwe na kubhufumwa kumupina. Iyoli yakwe yikwendelela kuwila." 10 Iwope weakufumwa imbeyu kwa wakuwala nu mukati kwajili ya shakulya, iwulo alifumwa nu kwonjezya imbeyu yinyu kwajili ya kuwala. Wuyo aliyonjezya amavuno giyoli yinyu. 11 Mulidumbwiga kwakila namna inga muwezye kubha bhakalimu. Ini yilileta isalifwo kwa Mulungu kushilila intwe. 12 Kwa kubhomba imbombo ini nte iwulo yikupalamasya hehakwaziwa kubhaumini. Iwinza kwonjezya ku matendo aminji igisalifwo kwa Mulungu. 13 Kulinilyo kwa kupimwa kwinyu na kusibitiswa kumbombo ini, iwinza myayimpala Umulungu kwa kwitiha kwinyu indumbilili ya Kilisiti. Iwinza mlimupala Umulungu kubhukalimu uwa ishikunjirwa shinyu kukwabho na kwa kila weka. 14 Bhakubhasunguha, na bhakubhalabha mumunemwe. Wabhomba inshi kusababu iya winza ubhupiti uwa Mulungu wewuli pamwanya yinyu. 15 Imbalizyo zibhe kwa Mulungu kushikunjirwa shakwe sheteshakwelezya!