1 Ani looeema in kah wa lo' lama a kahaaka' asma ar lo' un kah nar baraa' Kristo muunoo'ee' nee qeeruu' hhoohhoo' a aleekalaa/uuse dinkwa nee ani. 2 Gidaaba' gurhaamir yaariir ar lo' wa sla hha'eemiis a koo'm baraa' muunoo'eene umoo'qo siiwaro. 3 Geeraaulo ani ngiwa slaa' alo moso' tin afu's nee tiwa taraatli dir Kristowo, idoori ibir ma'k alee/isee' huba dir hhaee'eene kwadoo' tlahhay'ee'. 4 Inooin a mu'k Israeli kina harafadiit tawa na/aa' Mungu', inooin xirfuu' Mungu' nguna arii sla'mi Mungu' ngina alqadooro's i hariis nee hara'eyaaro, nee dabaa' saaliingw doo Mungu' kina amo'r in i hariis nee alaxweesantaa Mungu'. 5 Inooin a loqoolo'r baabi' iidoo' aa'ng, nee Kristo dir dahhi xwayla'r slaqwato a baraa' tlahhay'in ino's a Mungu' moroo' slee'meero- ino's i xifuu't ay alhe'eesaywasle. Amina. 6 Ala a gidaaba heeka' al'axweesantaa Mungu' ina warqee'r asma mu'k xooro'r Israeli slee'meero a mu'k Israeli oo kil'eeka'. 7 Nee sla'mi a gidaabaheeka xwayla'r Abrahamu slee'meero a na/aa' Abrahamu asma kaa gooin gidaaba' "Na/aa' Isaka an kwada' ta babay na/iiwo'k." 8 Ti gidaaba'ro's idooriye a ti tlahhee' hee hee ngu na/ee' Mungu' tlahhika' ala na/iida' ta laqwaal nar al'axweesanta' Mungu' kwada an Na/aa Abrahamu. 9 Asma /aymuudoo' al'axweesani a kwi "Ani ni kii/ kurko qooma'r idoorihe, Sara na/ee' garma ngu laqwa'l. 10 Ala idooria kilooseka' Rebeka daaqa'y tsa'r ngu'na a lawa'l dir hhawaatoo' wa'k wa ale ino's an Isaka /aaboo're'n. 11 Qooma'r daaqaywi kwa wa laqwaalika, qooma'r ga'r hhoo' laqaa' ga'r tlaakwar taa tleeh iwa ka'hh as idooda' Mungu' a slaa' nee idooda' a tsawaa'r an idooda' warqawaaka' asma tsawadito'r Mungu' ga'r digir delit a tlehhimi'ii mu kooka' ala a /aka'amo'r Mungu'. 12 Kaa gooin gidaaba' "Garmaa' u'r garmaa' niina'w ngu asgadiyuu's." 13 Idooda' kaar gooin gidaaba' "Ani Yakobo una slaa' ala Ebaa una aa'hh." 14 Ala gawaa' dandoo' tihe ga'r ta ooaam a mila? Mungu' ur tlehhiiti a tadae' gar'amuu' koomaaakaahe? Aaxa'a'y a idoosiyeeka. 15 Asma Mungu' Musa nguaa bay "Ani hee bur gurtleemuu' wa slaa' u gurtla'w nee kwada' guroo ee' wa tlatlay u gurtla'w. 16 Gawaa' idoorihe gurtleemuu' Mungu a umoo' gidaaba heeka' kun slaslay nar idooda' hee slai lawaa' nar ilakaaharuu' qwatlako's kun slaslay nar idooda' Mungu' slai dandoo' heewo, Mungu'da' gurtlaamuu' harmiis. 17 Asma gooir Mungu' i dir Farao i kat gidaaba' ani kuu'ng ga'r usa waawutmoo' wa qaa's a ti gidaaba' /uuruu'ee' nguwa gawaawo'k i laqaam as ii digooee' kuwa alki/iiti baraa' yaamu slee'meerowo. 18 Idoorihe, Mungu' abar hee ngu gurtleemuu' slaa' nguqoo' gurtla'y ala abar ngu muuna gawdeesa'r slaa' nguqoo muuna gawdees. 19 Ani ngiwa ga/a'w kuu'ng a yaahasa'r sla' gidaaba' "Bar idoosi Mungu' idoor kaahi gidaaa' dakwuu's amo'r da'hh a amo'r hee asma hee' sla'aarir Mungu' ilaa/aro ngi aleesla'w a ma'a? 20 Ala kuu'ng oo hee kuu'ng a ma'a tiwa talaampa'aamisa' nee Mungu'? Xooslmo taa tlee'hh tleehharusmoowo's nguqoo laya'ng gidaaba' "Ani misa idoorir tle'hh?" 21 Ihaii tlee'usmo i aleesleemuu' ko'n ke gawaa' tleeiro tam baraa /aarmoo' wa'k oo tleeiro xooslmoo' wa'k ngure tleehh oo gadiyee'r quuts nee oo hatla' oo gadiyeer' dimbay ar deeloslee'm? 22 A idoola Mungu' br dihheewo's ngu laqaama'r wa slaa' nee alees/eemuuwo's nguwa laqa'n, ala Mungu dihheewo's nguna alqiitl ala ale, nee xooslaada' taa qwanay wa tlee'hh ngina ma'y ala ale nr qitlko' yaariir as mingaa hhitin. 23 A idoola' Mungu idoor ngina tlee'hh as xooslaada' gurtleemuu' slaw ngiwa xirfuuwo's oo yaariir i geehhooeesi koka' an kwada aa amohhe'ee's as xirfu kuwa sla'y? 24 Ate'n sleeme tina /akaa' tawa xoosla'ar ido'r ti ala mu'k ta /akaa a har mu'k Yahudi kilooseeka' a mu'k xoorduu' hatla' sleeme. 25 Ti a tada ' Mungu' aa oo' baraa' kitaa'bu' aarusmo hoseawo gidaaba' " Mukda" aa'ng a kwe'eeneeka' un baw kuu'nga " a muk'ee nee /ameenida' aa'ng na sii an baw sla'aaruso'or 'ee'. 26 Nee diida' aa'ng inooin kawa ba'y gidaaba' kuunga a mukeeeneeka' dida'r kitae kin bay kuunga' a na/aa' Mungu' kwada slaaf." 27 Nee aarusmo Isaya ina axwee's sleeme daandoo' mu'k Israeliwo ire tsee' ire oo mu'k Israeli tam ku ala yaariir ido'r hhasangw baraa' afee tlawi ala baraaine mu'k ba/a'm ku niina'w. 28 Asma idooda Mungu' aa oo' gidaaba' ngi tleehh, ino's idooda' ngi tleehh nar gaans/aay ino's idooda' baraa yaamuuwo ngi boo/ee's. 29 Nee sleeme Isaya anga qaroo' geera wa oo' gidaaba' "Aakoo' slaqwara, aleesleemuusmo abra geera xwayla nga meetisiika' amoore'n i ale' ate'n geera a ido'r Sodoma geera ta alqoomees nee Gomora. 30 Ga'r ta ooaan a mila ala gwaa tihe? Mukdoo' xoorduu' hatla' oo gar'amuu' ngwa leelehhitiiika'' dir Munguhe inooin kaa bar'amuu' i harafaa'r nar hartlintaao. 31 Ala mu'k Israeli har'eya kana leelehhit as gar'amuu' kuwa slay ala inooin kaa gan'amuu' i harafaariika'. 32 Asma mila ma's idoodiyeeka? Asma gan'amuu kuna /eelehhit nar tlehhiti'ii nar hartlintaaoorooka' inooin kire gentlaaraa'/ gawaa' tlaa/anoodoo' gentlaaraa/a. 33 Idooda' kaar gooin gidaaba' "Qaytsiit ani tlaa/anoo' gentlaaraa/a' u qaa's baraa' Sayuni nee tlaa/ar muu ngu geetaap ala umoo'qo heewo oo ino's ngwa haratlintii' ku muruu tiisiika'.