Tsufa'y Dakaa't

1 Gawaa' idoorihe askwasleema i ka'hh dir mu'kda' baraa' Kristo i diriia. 2 Asma hara'eyaada'r qeeruu' Mungu' an tada'r slafingw huwahuu'w nar baraa' Yesu Kristo, ani ina gwe't dir baraa' bara'eyaada'r tlakweemaawo nee dir gwa'araaro. 3 Asma morooda' har'eya aleesleeraaka' tlehhimooko' morooda' Mungu' nguna tlee'hh asma har'eya i /uuruu' koondaaka' nee idooda' slaqoore'n iwa tlakeema slaiya tlehhimooko' Mungu' Garmaawo's oo kila' nguna ya/aa'w oo slaqwa nga sla'y slaqa's nee tada'r mu'k tlakweemaa koo'm gawaa' idoorihe Mungu tlakweema ngire askwasleemuu't baraa' slaqoore'n koka' slakweema kooma. 4 Mungu' idoori ngina /iis as marooda hara'eya hara'eyiyiin iwa boo/i baraare'n wa ale, asma ate'n ti as waawuti'iinaka' nee heeuuma'r tlakweemaa' koo'm, ala nee qeera. 5 Asma muktada' ta as waawuti'ii'in nee heeuuma'rin ar tlakweema inooin moroota digi'r deliti a moroo slaqwa, nee mukda' ta as waawuti'ii'in nee qeeru, inooin moroo ta digi'r delete a qeeru. 6 Asma norooda' hee slai baraa' heeuumarose ga'r huuwi a gwa'ara nee morooda qeeru slai ga'r huuwi a slafiingw nee wayda. 7 Asma hee' heeuumaro's ar tlakweema ngi digir deliit ino's nee Mungu' a wakaari asma heeuumaro's hara'eyar' Mungu' nga ii a lookemisiika nee sla'mi ngi aleeslayka' ii a looeesaro. 8 Mukda heeuumar'in ar tlakweema ngi digir delita inooin Mungu sla'atisaro ku bo/oo' aleeslayka'. 9 Nee al idoodiye, ala kuunga' tunda as waawuti'iinaka nee heeuuma'r tlakweema ala nee qeeru, abarqoo'lo'e gidaaba' qeeruu' /iis Mungu' i braahu'ng wa hoot. Heeda' qeeruu' Kristo ngu koomaaka' ino's a hee Kristo wooka'. 10 Abar Kristo i baraahu'ng wa hoot, daqada slaqwtahu'ng aa gwa " as tlakweema ala qeeruuhu'ng i slaaf asma kuunga' tunda gari'amuu' i harafaa'r. 11 Mungu' Yesu Kristo ngwa wasloo/atiis baraa' muk a hha'n wa ale nar qeeruuwo's nee Qeeruuwo's bir baraahu'ng wa hoot ino's slaqoohu'ng sleeme kwadoo' gwa'ara ngi waloo/ atiis nar Qeeruuda' baraahu'ng wa hoot nar idooda' Kristo ngwar was/oo/atiis. 12 Gawaa' idoorihe hhaee'ee' heeuumara'n ar slaqwa ga'r ate'n tiwatlatiis i ka'hh nee ate'n ga'r kawa digir delitaa'n i ka'hh baraa' slafingwrene. 13 Asma kuunga' abara digir dele' kuunga a hhanda' ala kuunga abar tlehhemi'iida tlakw oo slaqwa ika tsu/e' nar qeeruu' Mungu' kuunga' daqade' a slafa. 14 Asma mukda slee'meero ta qeeraharahari nee qeeruu' Mungu' inooin a na/aa' Mungu'. 15 Asma kuunga'qeeruu' lawaali'iima ukwa sleeri'iika' ala qeeruu' taa sleere' an kwadoo' muunoo' na/uuma gawaa' idoorihe ate'n an tseeimiimaa'n "Baaba' Baaba!." 16 Qeeru i aleekala/a'n dinkwa nee qeeruure'n gidaaba' ate'n a na/aa' Mungu'. 17 Nee ate'n abarqoo' na/ii ate'n a aluuse ate'n a aluuser Mungu' ate'n a aluuse dinkwa nee Kristo, abarqoo' lo' gidaaba' a slahhaahaa'aa'n dinkwa nee ino's.Daqada ate'n xirfu' u slawaa'n sleeme dinkwa nee ino's. 18 Asma slahha'amaaye'r qoomaari ar hinti a ba'r i fadiitaaka' ka baa/ nee xirfuuda' tindi amoore'n i geehhooeesi qoomaadae. 19 Asma moroo' slee'meero kwada Mungu' aa tlee'hh ka daamaara'n nar haraxu'uti gidaaba na/aa Mungu' ki geehhooeesi baraa' xirfuu' wa ale. 20 Asma moroo' slee'meero sleeme kuna baraa' hhitira'uuma'r i qaa's idoosi a umoo'gidaaba heeka inooin kana slaa' tam ala idoosiye harxu'uti i deer. 21 Asma moroo' sleemeero kwada' Mungu' aa tlee'hh ku gwee'r baraa' lawaali'iima'r hhitiru'uumaro, inooin amohhooa ngire slaya' qooma'ada' na/aa Mungu' xirfuuin bur nga slaye'. 22 Asma ate'n a xu'aa'n gidaaba' tam ay hinti moroo' sleemeero kwada ta tlee'hh i ininii' asma slahha'amaaye'r wa ale ido'r /ameenir aslte' xwayla nga da/. 23 A tisi ki/ooseka' ala tam aate'n sleema a ininii aa'n baraa' muneerene, ate'n koka qeeru agwa slawaan qeeru ino's an /aamuu' qeera oo Mungu' ani oorene , ate'n sleeme a lo' wa haraxuaa'n qoomaada' Mungu' ate'n tiwa na/iiwo's oo kila' tleehh, slaqoore'n kiwa gweeri baraa' lawadi'iimaro. 24 Asma ate'n ana ba/ama'n nar baraa' haraxu'uti, ala ga'r ta harxuaa'n abara araa'n gidaaba' ka boo/ee's gada' daqadae a harxu'uti rooka'. Asma hee ga'r ga/ay ido'r ngi haraxui? 25 Ala abar haraxuaa'n ga'r ta ba/aawanaaka' bada an daamaaramaa'n nar qitla. 26 Idoori an idooda' qeeru ate'n tio alee/iimi si asma te'n ga'r ta sleeslawaan ika'hh, asma ate'n gar'r ta firimaan axuanaaka' ar ate'n wa hariim firooro ala qeeru ino's oo kila' ate'n ti aleefiriirin dir Munguhe nar inini'ee ure'n kwada' ooaro ta aleeslayka'. 27 Nee Mungu' kwad mune'r muu ngi xuuxu'uum ino's ngi tsaa'hh gidaaba' ga'r qeeru slai a mila asma morooda' qeeru firiirin as mu'k hhohho' oo Mungu' ti slasla'y nee sla'aarir Mungu'. 28 Ate'n a xuaa'n gidaaba' dir mukda Mungu' slaa' moroo sleemeero ti alee/iimiis as mukda' nguwa moroo hho' i sla'y mukwi a kwada Mungu atee't nar sla'aariro's ar kila'. 29 Asma iimir aa'ng qooma'r inooin kwa tleehhiika Mungu' inooin ngina qarooxuu' nee sleeme ngina qaroo tsawaa'r as tawa slaqamis nee garmaawo's gawaa' idoorihe alo moso' garmaawo's an garmaa barisimay' dir hhaeewo's oo yaariir. 30 Nee kwada iimi'r aange' aa qaroo'tsawa'r ngire /akaa nee kwada aaqaroo' /akaa' ngire gar'amuu' i harfaa'r. Nee kwada' aagar'amuu' i harfaa'r ngire xirfee's. 31 Ma ooaa'n ala gawaa' dandoo' tihe? Mungu' bir bartare'n i dirii ate'n hee' tundu tlaampa'aa's a ma'? 32 Mungu' tam garmaawo's ngwa ilaa/iika nguna hariis iwa gwaai as ate'n sleemeero, ala Munguwi moroo' sleemeero ngu ate'n i hariisiike' dinkwa nee ino's. 33 Hee' mukda' Mungu' aa tsawaa'r ngu askwasleemuu't a ma'a? Mungu' an kwada' ngi gar'amuu' i harafadiit. 34 Gawaa' idoorihe hee' inooin ngi askwasleemuu't a ma'a? Yesu Kristo ino's ina gwaa' nee ti kilooseki ino's inawaas/oo/ baraa mu'k aa haa'n wa ale ino' hinti i dakoo' /uya'y oo Mungu' i ate'n aleefirirrin. 35 Hee' ate'n ti Paraa'tl dir sla'aarir Kristowo a ma'a? Ga'r paraatlaro tundu aleesla'w a slahha'amaayee'ro? Laqaa' a da'ayeero? Laqaa' a gasisiingo? Nee qwarko laqaa' a leetla kweero? Laqaa' wa ba/a/aa'ng tsaxwaa'wo, laqaa' tsu/uta'r paangaro? 36 Idooda' kaar gooin gidaaba' "Ate'n tin tsuu/ umoo'qo siiwaro as kuu'ng tin harafadiit ido'r bee/a'ng tsa/uta." 37 Ala tabaa' moroowi sleemeero harba/ati a lo' wa slawaa'n as kwada' ate'n taa slaa. 38 Asma ani a lo' wa xuu' gidaaba' ga'r ani paraatlaro di'r sla'aarir Munguhe i ka'hh gwa'ara paraatlaro i aleesleeraako' laqaa' slafiingw laqaa' malaykadu' tam kwada' aleesleemuu' kooma' tam morooda' da'w laqaa' tam morooda' xa'w wa alu' laqaa' tam kwada /uuruu' kooma, 39 laqaa' morooda' gawti'i dirii laqaa' kwadoo' baraa' guroo' yaamu laqaa' umoo'qo di'r sla'aarir Munguhe tada'r baraa' Yesu Kristo Aakoore'n.