Tsufa'y Faanqw

1 Kuunga' hhaee'ee "" a asqwadaa' (astianka'h dir mu'k hara'eya'r cuu") gi'daaba' har'eya in aleesleemuu' koo'n daandoo' heewo qooma'r hee bir slaaf. 2 Asma /ameeri'r taaduu'x ino's kaa tseeg' nee hara'eya dir hhawaatoo' i ale' qoomar hhawaata bir slaaf, hhawaata bira gwaa' ino's daqade' kaa gwee'r baraa' har'eyaada' ino's nga tse'g dir hhawaatoowo. 3 Gawaa' idoorihe ino's barka o'h dir hhawaatoo' hatla qooma'r haawaatoowo's bir slaaf ino's daqade' ka bay a /ameenir tsaatuso'o sla abar haawaatoowo's aa gwaa' ino's daqadee ka gwee'r baraa' har'eyaro nee ino's tam ka duuxi meeriika' digi'r delaro' tsaatuso'o. 4 Idooriha' hhaee'ee " kuunga' sleeme an idoosi asma idooda' Kristo ar gwa' kuunga" sleeme ana hhaaande" nee hinti kuunga' a baraa' waawuti'iima'r hara'eya'r i dir a'aaka' kuunga' a mu'k hee hatla' kwada' naa waasloo'/ baraa' mu'k a hha'n wa ale. Gawaa'' idoorihe tlehhe'mi'ii hhohho' in tleehhaa'n Mungu' kuwa qwal/asaan. 5 Asma qooma'r ate'n tawa warqawaniika' ilatleerir tlakweema tada' taa tleemisi nee hara'eya ina gadiyu's baraa' tlaqoore'n wa ale ate'n tlehhimi'ii gwa'ara'r huwahuwa' kire tleehhaa'n. 6 Ala hinti ate'n tuna gww'r baraa' hara'eyaaro asma ate'n ka hhamaa'n dir hara'eyaada' ate'n taa tsegi. Hinti ala ate'n Mungu' un asgadiyuusaa'n nar uruuwa'r /aben gidaaba' ar Qeeruu' hhoohhoo' a umuwa'r aangeeka' tada'r haraeyaada' taa gooin kawa digirdeela'n. 7 Ate'n ga'r taa ooaan a mila ala? Aara'eya ar tlakweemaa'wo? Aasla'a'y a tlakweemaawooka'. Ani geeraawo tlakweema i aleeslawaaka' tsaahharo hara'eya bir ka'hh, ani geeraawo ilatleeri a tsaahhaka hara'eya bira betiika' "ma ilatleeruusaar." 8 Ala tlakweema pa/aa'ngw nguna tlaye' nar har'eya ilatleerir dimbaaba'y ngire tleesii' braaee' wa ale asma tlakeema aaa gwaai'ii hara'eya bir ka'hh. 9 Ani aange' a slaa'f niwa hara'eya'r koomaaka hara'eya nawa harda't tlakweema nire slafii' ani nire gwaa'. 10 Hara'eyaada' geera tlafiingw ngu huuw, dir' eene ga'r naa hu'p tare gwa'ara. 11 Asma tlakweema pa/aa'ngw nguna slaye' hara'eya nawa harda't ani ire al/ayiye' ire gaasii' nar hara'eyaada'. 12 Gawaa' idoorihe hara'eya'r Musa ka hhoohhoo', na hara'eya sleeme ka hhoohhoo' nee i gana' nee ka hhoo. 13 Idoorihe hara'eyaari hhoo' gwa'ara ngina dir'ee' i hu'bi? Aasla'ay a idooriheeha'. A tlakweema gwa'ara ngina huuwi' tlakweema ina gadiyuusii nar hara'eyaada' hhoo' ani ire gaasii. Hara'eya tlakweema ngina laqaa'n gidaaba' a ga'r tlaakw lo' wa ale. 14 Asma ate'n a xuua'n gidaaba' hara'eya uruuwaro's a ar baraa' qeeru ala ani a hee' slaqwa tina weeruis ido'r lawaalmoo' tlakweema. 15 Asma ani ar ni tlehhahhiit a tsatsahhaamaaka' morooda' ni slaa' tlehhimako u tleehhaaka' ala moroodu na aa'hh an kwada ni tlehhiit. 16 Ala ani abar morooda' ni sla'aaka' un tlehhiit' ani an ya/a /aa'm gidaaba' hara'eya ka hhoo'. 17 Idoorihe hee' moroowi tlehhahhiit a aniyeeka' a tlakweemaada baraa ee' ala hoota'. 18 Asma ani aka xuu' gidaaba' ba'r hhoo' hoo't wa baraa ee i ha'hh gidaaba' baraa' slagwate'ee' tada hhoo' ngiwa tleehh a slaa' ala tlehhimooko' a aleesawaaka'. 19 Asma tada hhoo' ni tlehimoko' slaa' a tlehhitaaka' nee tada' tlaakw tlehhimokoo' ni sla'aaka' an tada ni tlehhiit. 20 Ala hinti tada ni tlehhimokoo' wa sla'aaka bar an tada ni tlehhit, hee' ngi tlehhiit a aniheeka' ala a tlakweemaada' baraa ee' hoota. 21 Gawaa idoorihe ani aka tsaa'hh gidaaba' hara'eyaari an in as waawuti'ii'in gidaab' tada hhoo' a slaa' tlehhimooko' ala ga'r hardarah amo'r i ale a tada' tlaakw. 22 Asma ani har'eya'r Mungu' an as qwalalaa'/ baraa' muunoo' eene. 23 Ala baraa' slaqwate'eene ga'r na ar a hara'eya'r hatla' hara'eyari in slaqw nee hara'eyaala baraa' muuno' ee "i dirii' as hara'eya'r tlakweema i gadiyuu's baraa' slaqwate'ee' wa ale ani ire tseg. 24 Ani gawa idoorihe a hee' leetlakusmo idor'ee' ti ka lo wa gawit hee' ani ba/aamis dir slaqwata'r gwa'araaro a ma'a? 25 Mungu' i xirfuu'ti ba/amusmo u koo'n Yesu Kristo Aakoore'n, yaukaa' idoorihe ani kwi oo kila' hara'eya'r Mungu ana as gadiyuu's nar muunoo'ee' nee hara'eya'r tlakweema ana as gadiyuu's baraa' slaqwate'eene.