Tsufa'y Lahhoo

1 Ga'r ta ooaan ala? An koomiita'ng baraa' tlakweema as gurtleemu iwa ak doogin. 2 Aasla'ay a idoosiyeka' ate'n kooka' aka hhamaan dir tlakweemaawo ala ido'r ate'n tar male' hootaan baraa' tlakweemaa' wa ale' a idoola? 3 Kaangwi kuunga' xua' aa'ke gidaaba qooma'r at'en tawa baatimiis as tawa aldinku'uusaa'n nee Kristo a tina baatimiis as tawa aldiku'uusaan nee gwa'araaro's. 4 Ate'n tina baatimiis as tiwa haragaaasi nee Kristo nee gwa'araaro's kawa aldinku'uusaan tina al tool nee ino's gwa'ara'r ino's ar gwaa' ana toore'n as ate'n tawa hootaan nar slatingw /abe' ido'r Kristo kuunga'r was/oo/atis baraa' gwa'ara'r wa ale nar aleesleemuu' Mungu' nee xirfuuwo's. 5 Asma idooda at'en ta hargaasaa'n nee ino's qooma'r tawa hhamaa'n nar idooda' ino's ar gwaa' ate'n tiqo male' maragaasaa'n nee ino tawa was/oo/aan sleeme idooda' ino's ar was/oo/. 6 Ate'n a xu'aa'n gidaaba' mune ere'n tada'r aaing ka kikii' dinkwa nee Kristo gawaa' msalaa'ba'r i ala idoori ga'r aa as tleehharu't a gidaaba' /uuruudoo tlekweema baarate'n i dirii alo moso' kuwa sihitin ate' makaa male' lawaale'r tlakweema tleehhitaa'n. 7 Hee' aa gwaa' kwaa gwee'r baraa' lawaali'iima'r tlakweemaawo. 8 Ala ate'n abara alhhamaa'n dinkwa nee Kristo a haratlintatiaa'n gidaaba' ate'n a slafaa'n dinkwa nee ino's sleeme. 9 Nee sla'mi a xu'aa'n gidaaba' Kristo aluu' waslo/oowose ino's i male gwaaiika' ala ino's /uuruu' gwa'ara i bo/oo' baa/iinaka' gawaawose male ale. 10 Asma ino's gwa'ara'r argwaa' inagwaa' sagaa'wa wa'k wa ale as daandoo tlakweema nee slafinwda hinti ir slafi a in slaafi as Mungu' wa ale. 11 Gawaa' idoorihe kuunga' sleeme alo moso' tin harafadita' tawa mu'k a hha'n dir tlakweemaawo nee tawa mu'k slaaf dir Munguhe baraa Kristo Yesuwo. 12 Gawaa' idoorihe kuunga' ma ya/aamara' tlakweema slaqoohu'ng koha hhama ngiwa baaliya nee ilatleerir slaqwa kawa digir delita. 13 Nee sla'mi kuunga slaqoohu'ng mi harmiisarakiwar gadiyuusi nee tlakweema tawa idor xoosla'ar ganaa'aaka', kuunga' ti kiloohu'ng harisee' dir gadiyer Mungu' i ale as kuunga Mungu' kuwa as gadiyuusa' nar slaqoohu'ng tawa ido'r xoosla'ar tlehhemi'ii gamaa'a. 14 Ma ya/aamara' kuunga' tlakweema tundu wa as waawuti'ii'ina' asma kuunga, a baraa' waawuti'iima'r har'eyarooka' as kuunga' a baraa' waawuti'iima'r gurtleemu. 15 A mila ala ti gidaaba'ro's? a gidaaba'he tlakweema kiwa tleehhaan as idooda ate'n tawa baraa' waawuti'iima'r hara'eyarooka' ala as tawa baraa' waawuti'iima'r gurtleema Aasla'ay a idoosiyeeka. 16 Kaangwi' kuuna u xua'aake gidaaba' kuunga ' gir ta killohu'ng harisee' dir aakookoo kuwa ar gadiyuusa nee kuwo ii alooeemisa kuunga daqadaa a lawaale'r heeda' ta iialooeemisa' kuunga' bar lawaale'r tlakweema, lawaali'iima'r ga'r hu'p a gwa'ara ala abar lawaale'r iialooemis lawaali'iima'r ga'r hup a gar'amu. 17 Ala Mungu' ku xirfeesi asma kuunga aa'ng a laaxaale'r tlakweema ala hinti intsaahhasada' ta ila ote' aka iialooese' lo' wa ale na'r mune slee'meero. 18 Hinti kuunga' tunda gwee'r baraa' lawaali'iima'r tlakweemaa' wa ale nee alkwi'i kuunga a lawaale'r gar'amu. 19 Ti an ka'h as slaqasa'y slafingw muu asma kuunga kawa tsatsahhaandaaaka kuunga aa'ng slaqoohu'ng ina harise' kiwar gadiyuusi nee slasla/aaru'uume nee deef/aamaaye tlehhemi'ii idoori dee/aamaaye ngire hu'wi baraa' slafingwhunge. Ala hinti kuunga' slaqoohu'ng hariisaak kiwar gadiyuusi nee gar'amu, tlehhemi'ii idoori ga'r huu'wiyaa hhoohhooeesa. 20 Asma kunga' qoomar tawa lawaale'r tlekweema kuunga qoomaadaa' tundu saa'w dir gar'amuuwo. 21 Ga'r ta sleere a mila qoomaadaa? Ga'r ta sleere a moroowi hinti ta as marumita' aake ala alhhe'eesa'y moroowi a gwa'ara. 22 Ala hinti kuunga' bar tunda gwee'r baraa laqaali'iima'r tlakweemaawo, nee tundure lawaale'r Mungu' tlee'hh ga'r ta sleera' a morooda' hhoohhoo eesa'r huwaahuu'w nee a lhhe'eesaywo's a slafingw alhho'eesay wa'sl un sleera. 23 Asma Bu'utuu' tlakweema a gwa'ara ala Mungu' ate'n tir qay a slatingw alhho'eesay wa'sl baraa' Kristo Yesu Aakoore'n.