Tsufa'y Kooa'n

1 Asma hinti ate'n tundaa hhe'ee'r gar'amuu' i harafaarooro nar uruu'wa'r haratlintaao, idoorihe ate'n a waydoo' koomaa'n dir Munguhe nar baraa Aakoore'n Yesu Kristo. 2 Gawaa' Yesu Kristowo ate'n sleeme Pa/aangw uxa slawaa'n oo tawa hardahaam di'r gurtleemuuwi. Hinti ate'n an iwiwiitaa'n wa baraa gurtleemuuwi, nee sla'mi ate'n ana qwalala/aa'n as haraxu'utire'n tada' ta koomaar ar xirfuu' Mungu kuwa slawaan. 3 A ti kilooseka ala an qwalala/aa'n tam baraa' slahha'amaayeero sleeme ' asma a xuua'n gidaaba' slahha'amaaye ga'r huwaahu'p a qiqliingw. 4 Nee qiqtliing ga'r huwaahuwi a munaa gawdu, nee muna gawdu gar huwaahuwi a haraxu'uti. 5 Haraxu'utir ate'n ti da'aye tsatataka asma sla'aarir Mungu' kinga qaroo' ku'us baraa' muneeren i de' nee Qeeruu' hhoohhoo' kwada tinda amoore'n i hariis. 6 Asma qooma'r ate'n tawa mu'k tlakuuse qoomaada' Mungu' aaqaa's awa harda't Kristo ire gwaa' as gawaa' mu'k tlakuuse. 7 Asma a ga'r lo' wa gawit lo' wa ale aar hee' iwa gwaa' i asma gawaa dandoo hee gan'amuu' koo'm ala dooqa hee ngi aleesla'y iwa qiitli gwaa'qaaro as hee' hoo. 8 Mungu' ino's oo kila sla'aariro's ngina laqa'n dire'n i ale' asma Kristo ma gwaa' as ate'n qooma'r ate'n tawa tlakuuse. 9 Ala hinti ate'n taa gar'amuu' i harafaa'r har tseereero's gwaa' idoorihe ate'n a lo' wa xu'aan gidaaba tawa ba/ama'n nar ino's dir askwasleema'r Munguhe. 10 Asma qooma'r ate'n tawa wakuuse dir Munguhe ate'n tire haraki/is diro's i ala' nar tseere'r Garmaawo's, ate'n a haraxu'aan idoorihe lo' wa ale' gidaabaa' haraki/isaare'n awa bu'ut ate'n ti ba/amis nar slafiingo's. 11 A idoori kilooseka' ala ate'n Mungu' un as qwalala/aa'n sleeme baraa' Aakoore'n Yesu Kristo kwad' ate'n taa haraaki/is dir Mungu' i ale. 12 Gawaa idoorihe tlakweema nina dahii baraa yaamuu' i ale' nar uruuwa'r hee' wa'k. Nee tlakweemaada' gwa'ara ngire huuwii aluwoo gwa'ara ire harda't dir muu slee'meero asma muu slee'meero tlakweema nga tlee'hh. 13 Asma tam qooma'r hara'eya'r Musa kinga qa hariisiika tlakeema i qaroo' daadaaya' baraa yaamuuwo ala dir hara eya i wa kahh tlakweema ki harfaariika. 14 Tam ala idoodiye, gwa'ata ina baaliin iimir qoomar Adamu ey qooma'r Musa gawaa muu slee'meero tam gawaa kwada aa dakuu sii'ika nar idooda'r Adamu ar dakuu's hara' eya'r wa'k ngawo ma'y digirdeelaro ino's an laqsa'y kwada' xa'w wa alu. 15 Adoorihe tlakweemaada' Adamu aa tlee'hh nee gurtleemuuda' Mungu naaharu's dimbaaba'y lo' wa ale' . Ala tam heewi wa'k Adamu ino's gwa'ara tim nga ala huwi dir mu'k yaamiir i ale ma tlakweemaawo's, ala heewi wa'k Yesu Kristo gurtleemuu' yaarii'r oo Mungu nguna ak lo' wa huu'w dir mu'k yaariir i ale nar uruuwa'r tsuuqa Mungu. 16 Gurtleemuuda' Mungu' naa hariis nae tada' tlakweemaa wa'k naa kuuwii' aa slaqaseeki. Asma tlakweemaada wa'k gar naa huuwii' a askwasleemar Mungu' gurtleemuu Mungu' kwad' Mungu' naa hariis as tlakweemaa' mu'k yaariir gurtleemuuwi gar tlakweemaa mu'k yaariir gurtleemuwi gar naa huu'w aamuu kuwa gar'amuu' i harafaari. 17 Asma gwa'ara Pa/aa'ngw nguna slee'r oo ir waawu ti' ii' un as heeda' wa'k asma ino's inahuu' baraa' tlakweema i ale' idoorihe mukda gurtleemu ngwa sla'y in ak slaaf nee iwa waawati' ii in nar uruuwa'r kwadi wa'k Yesu Kristo as kawa gar'amuu' i harafaar as gurtleemeuud' lo' wa ki oo Mungu. 18 Gawaa' idoorihe tlakweemaa' hee wa'k askwasleema ngina kuwii' gawaa' muu slee'meero, nee tlehhmuu' gari'amuu' koo'm oo hee' wak ga'r naa hu'uw aa muu kuwa gari'amuu' i harafaari nee slatiingw kuwa sla'y. 19 Asma dee/aamuuta'r hee' wa'k mu'k yaariir nguna tlakuuse tlee'hh idoorihe sleeme as gar'amuu' hee' wa'k mu'k yaariir kuna gar'amuu' i harafaa'r as iialooeesa'r heeda' wa'k. 20 Hara'eya nina harda't as dakuusada iwa doogiib ak ale' talkweema nawa tlahhii gurtleemuu' Mungu' ina ak lo' wa doogin' sleeme. 21 Idoorihe, idooda tlakweema nar baaline' nar uruuwa'r gwa'ara idoori an ido'r gurtleemuu' ir baalin nar kruu'wa'r gar'amuu, slafingw alhe'eesay wa'sl ngure huu'w nar uruu'wa'r Yesu Kristo, Aakoore'n.