1 Ga'r ta ooaan amila ala gawaa' Abrahamuwo baaboo'ren oo baraa' tlahhay ga'r ino's a sla'y a mila? 2 Asma bara Abrahamu kuna gar'amuu' i harfaa'r as tlehhemi'iiwo's, ino's i hariin tiwa xirfeemisi, ala a dir geera' Munguhe ga'r ti as xirfeemisi i ka'hh. 3 Gooi ga'r kat a mila? Abrahamu Mungu' nguna haratlinti tlaratlintaaooro's kare gar'amuu' harafaa'r amooro's i ale. 4 Ala dir hee' gadiye'r tleehhiita bu'utuuwo's kwada kwa harafaariika tawa qeemuu' tawo, asma a hariimaaro's. 5 Ala, hee tlehhimi'ii koomaakahe, ala ga'a ko'n a Mungu' nguna haratlintii' Mungu kwada hee tlakusmo ngwa gar'amuu' i harafaar hee idoori kwa gar'amuu' i harafaar as haratlintaaooro's. 6 Daudi sleeme anga oo' gidaaba hee' umoohho a kwada Mungu 'aa gariamuu' i harafaa'r nar tlehhimi'iiwoka'. 7 Kaa Isuu'q kwad' dakwisa'r in ta gurtla'y nee tlakweemaain ta tutuik. 8 Hee ta isuu'q nee Aako ku tlakeemaa i harafadutiika. 9 Xay tsuuqari dir ka i ka'h a dir mukda taa al/utlin kilooine, laqaa' tam dir mukda taa al/utlinika/ sleeme? Asma idooda gooi kat ana qaroo' ooaa'n gidaaba' ? Abrahamu Mungu' nguna haratlintii haratlintaaooro's kaae gariamuu' i harafaa'r amoro's i ale. 10 Ido'r kwaar harfaa'r gana'muu i ale a idoola? A qoomar ino's kwawa al/utlii" Laqaa' qooma'r ino's kwawa al/utliika? Abrahamu kuna gar'amuu' i harafaa'r qooma'r kwawa al/utkika/ a aluu al/utlooooka. 11 Abrahamu kuna aluu' wa l/uu'tl, Al/utlooro's a laya'r taa hariis nee Mungu gidaaba ino's kwa gar'amuu' i harafaa'r asma hartliataa ooda' ko'n iimir kwa wa al/utliika' idoorihe Abrahamu ino's ire baaboo' in tleehhhiit kwada sleemeero taa al/utlinika' kwada hartlintaatiia asma inooin sleeme kiwa gariamuu' i harafaa'r timka ala al/utliniika laya. 12 Sla'mi ino's Abrahamu a male' baaboo mukda' taa al/utlin, ala a an al/utloo kilooseka' asma inooin karaa slafingw'ine haratlintaaooda'r Abrahamu ngaa digir delii', tada Abrahamu ko'n iimir ino's kwa wa al/utliika'. 13 Asma Abrahamu kwa al'axweesanti i haruusiika nee Mungu' nar har'eya nga wa digir deel, Mungu alxweesani ngine hariis dir Abrahamu nee xwaylaro's gidaaba inooin a aahuuse'r yaamu ngina hariis as idooda Abrahamu kwargan'amuu' i harafaa'r as hartlintaao. 14 Asma mukda' har'eya'r digir deliit bara inooin ana aaluuse, dagadi haratlintaaoo gaaro's i ka'hh nee al'axweesanta' Mungu ka hengee's. 15 Asma har'eya askwasleema'r Mungu ngin huwaaahu'p ala dir har'eya iwa ka'hh dakuu's sleeme i ka'hh. 16 Gawaa' idoorihe morooda' Mungu' a axwee's dir Abrahamu i ale slee'meero ga'r ga/ay a hratlintaaoo tlee gir hatlintaao'r ko'n Mngu' moroowi ngu qoo tawo hariis. Al'axweesanti a dir xwayla'r Abrahamu sleemeero, a dir kwada; hara'eyar Musa kooma' kilooineeka' ala tam dir kwada haratlintaao'r Abrahamu kooma' sleeme, asma Abrahamu dir ate'n slee'meero a baaba. 17 Idooda' kaar gooin gidaaba' "ani kuu'ng a qaa's tawa baaboo' xoorduu' yaariir." Gawaa' idoorihe ino's Abrahamu an baaboo' xoordauu' yaariir geera' xunguhe, Mungu ino's a haratlintii,muagu'da' mu'k a hha'n ngu slatingw i harimiis nee morooda sleemero ka'hh ngu /akakaa' tawa idor moroo da'w. 18 Ti tam ala mawaana qoomar haraxu'uti iwa ka'hh ino's ina hratlintii nar harxu'uti gidaaba ino's a baaboo' xoorduu' yaariir tlehhiit idooda' kwar idabay' idoori an ido'r xwaylaro'k ir yaaruur." 19 Abrahamu slaqwato's ngina alqaytsiit gidaaba' a nakaa'/ gwa' araaro, kareeriwo's aa naxaa/ii tsiiruu' wake nee sla'mi xwaylo'r Sara a tsatiit. Ala tam idoorihe Abrahamu a mune si'iika baraa haratlintaaoorose. 20 Abrahamu al'axweesanta' Mungu' nga xure'r i qaasika' bo/ooo' ale hartlintaaoro's ngina /uuruu' i doo'g Mungu' ngure xirfeemiis. 21 Nee al'axweesanta Mungu ngire haraxuu' gidaaba' Mungu' ngi aleesla'y tleehhimooro tada sleeme a diro's i al'axwee's. 22 Gawaa' idoorihe haratlantaaooro's kare gar'amuu' i harafaa'r amooro's. 23 Gooi i kaat gidaaba' Axweesanaywi kwaa gooinika /akakaa' ateetiim as ino's kilo's. 24 Ala axweesanaywi kuna gooin as ate'n sleeme gawa tamu ate'n sleeme tin gariamuu' i harafaa'r as hartlintaao, as ate'n Mungu un haratlintaatiaa'n kwada Yesu Aakoore'n ngwa waslooatis baraa' mu'k aa haa'n waale. 25 Yesu'wi an kwad' ta hariis iwa gwaai as tlakweemaare'n nee ku ngure wasloolatiis as ate'n tiwa gari'amuu' i harafaari.