1 Gawaa' idoorihe hee Yahudi gar quu'ts ak koo'n a mila? nee al/utlo gar bu' a mila? 2 Ga'r bu i lo' wa deer umoo'qo barto, ga'r geera a Mungu' aaxweesanto's ngina dir mu'k Yahudi i saayin. 3 Ala baraaine bar bahhale i inserehhimoo' koona idooraa idoola daqade? a umoo' gidaaba'he insreehhimooin insreehhi wasle Mungu ngun kahha's? 4 Aasla'ay' a doosiyeeka ga'r warqeesaroo ya/aamaaka i ti gidaaba Mungu i ino's baraa yaamuuwo tam lamusmoowo asma ka gooin gidaaba, "kuung bar axwe's axweesangaywo'k alo moso' ku tsaahhi gidaaba' a axweesanay ganaa nee kuu'ng tawa baaliin baraa' kwasleemaro." 5 Ala bar tlakweemaare'n gan'amuu' Mungu' ngun geehhooeemisiya' ate'n ga'r taooaan a nuta? A umoo' gidaaba'he Mungu' gariami konka' asma askwasleemero's ngawa huu'w daandeemaare'n i ale? Ti an axwees nar idooda muu'r axweemaamisi. 6 Aasla'ay ido'r Mungu muu' askwasleemuuti a idoola abar geera an gari amusmoo wooka? 7 Ala lante'ee ibir looeemaa' Mungu laqaqaan ino's kure xirfee's as lamte'ee ani daqade ga'r tis askwasleemuuti tlakweemaa' wa ale. 8 Ala idoosiye an ooa'na tlakweema i tleehhaa'n as hhooeema iwa hardaluya mukda ate'n ti daandeema'a axwee's bahhiale ka ka'h gidaaba' ate'n ti an intsaahhhatimisaan, inooin ki askwasleemuut nar askwasleemar hariim. 9 A mila ala? Ate'n tin alseekalaa/aana kiloote'n? Aasla'ay asma aka qaroo ooaa'n gidaaba muu sleemeero bar mu'k Yahudi laqaa' muk Yunani slee'meero i baraa' waawuti'iimar tlakweemaa' i diri'iya. 10 Idooda kaar gooin gidaaba' Heee' ganaa' i kaahh tam oo wa'k. 11 Hee' sagalooa'r koo'm i kaahh nee sleeme hee' Mungu' leeleehhiit i kaahh. 12 Muu' sleemeero a Paasl baraa' uruuwa'r Munguhe slee'meero naa qwaarii. Hee' hhooeemaa' tlehhiit i kaahh tam oo wa'k. 13 Hhehhuuin a ido'r ba'ar ta tipiika' tsifreeri'in ga'r axwe's a al/ymo. Gar ti imiit baraa' afii'ine a qarko' amaatoo/i. 14 Afii'in ninaa hatsin' lo'oola' nee qarqaraay. 15 Ya'aain i mutlimiitiya' as tseerduu' muu ku'umis. 16 Hhiitaa nee slahha'amaaye i baraa' urduuine kwada inooin ar waarahhii. 17 Mukwi usuuwa'r wayda inooin ka xu iika. 18 Dir'ine ilaiwa/ame'r Mungu kuwa ilaiwawa/i i kahh. 19 Hinti a xuua'n gidaaba' axweesanayda' sleemeero hara'eya kat kwaa oo' dir mukda sleemeero oo baraa' waawuti'uma'r hara'eyar wa hoot. Axweesanaywa' oo hara'eya gar kwa as oo' a alo moso' umoo'qo heewo kuwa xasltisi nee muu sleemeero kuwa askwasleemauuti nee Mungu'. 20 Gidaaba'r ti kat a gidaaba hee' ta gariamuu' i harafaari i kaahh dir geera Munguhe as tlehhemi'ii hara'eya asma hara'eya ga'r bu' dir heewo a tlakweemaawo's ngiwa laqaaqaa'n ar ngiwa tsaahhi. 21 Ala hinti uruuwa'r hatla' ar Mungu' hee nguwa gan amuu' i harafaari ka geehhooe's garamuu wiku slayka' nar har'eya, gariamuuwi an kwada Musa nee Aaruuse'r aang naa aleekal/ane. 22 Gariamuuwi kun harmiis nee Mungu dir umoo'qo heewo oo Yesu Kristo ngwa haratlitii kun harmiis dir umoo'qo heewo as haratlintaao as amaahatli i ka'hh. 23 Asma muu sleemeero tlakweema nga tlee'hh nee xirfuu' ta ko'n i kaahh dir geera Munguhe. 24 Mungu' muu nguna tawo gari amuu' i harafaa'r nar gurtleemuuwo's ti inaa tleehharuu't nar gadiye'r gweerimo tada' Yesu Kristo a tlee'hh. 25 Asma Mungu Yesu nguna hariis as gurtleemuu' tlakweema, ino's ngiwa mu'k i sla'y nar tleerero's, gurtleemuuwi hee ngun sla'y bar Yesu ngwa haratlintii, Mungu' idori ngina tlee'hh as usuuwa ngiwa laqan ar hee nguwa gar' amuu' i harafaari. Asma aa'ng Mungu tlakweemaa' muu ngina as qiqtlin baraa qarteda'aa waarahhi. 26 Ala hintihe Mungu aruuwaro's ngin laaama'r wa sla' ar hee nguwa gari'amuu i harafaari ino's ga'r slai a kun tsaahh iwa gari'amuu' ko'n nee hee' Yesu Kristo ngwa hara tlintii, nguwa gari'amuu' i harfaari. 27 Ga'r ta as daara/aamaan a mil ala? i ka'hh gar ta as daara/aamaar, a hara'eya gala ar idori ngi laqaaqaam? Ar tlehhemi'iiwo? Aasla'ay, ido'r ga'r ngi laqaaqaam a hara'eya'r haratlintaao. 28 Idoorihe a tsatsahhamaa'n gidaaba' hee kun gar'amuu i harafaar nar haratlintaao, ala tlehhei'ii hara'eyarooka'. 29 Laq ii Mungu' a Mungu' mu'k Yahudi kolo'se? Ihu' a Mungu' mu'k xoorduu' hatla eekahe sleeme? Ee ino's a Mungu' mu'k xoorduu' hatla' sleeme. 30 Asma Mungu' a wak ino's a Mungu' Yahudi kwada ta al/utlin ngun gar'amuu' i harafadiit as haratlintaaor'in nee mu'k xoorduu' ngin gar'amuu' i harafediit nar uruu' wa'r haratlintaaor'in. 31 Ate'n idoorihe hara'eya an warqeemisaa na nar haratlintaaoori? Aasla'ay a warqeemisaanaaka' sla an /atleemisaa'n.