Tsufa'y Tsa'r

1 Gawaa idoorihe kuunga gar ta tlank i ka'hh kuung kwasi mu'k hatla' askwaasleemeet asma kuung moroo ta tlehhit a kuwadoo kita kuung ta aslawas;ee,i t odpproso aqpp kilo'k tinsakwasleemu't. 2 Ala at'en sleeme a xuaa'n gidaaba' Mungu idor' askwasleemaaro's a lo' gawaa daandoo mu'k tle hhemi'iika tlahhaahhiita. 3 Ti alqay tsiiteek gidaaba kuung mu'k tlehhe mui ika ngi tlehhaahhiit ur askwasleemiit kuu'ng oo kila tlehhemu iika in tlehhaahhit kuu'ng kawa xu askwasleemar Mungu a baqa? 4 Laqaa' kuu'ng hhooa'r Mungu' tada yaariir nee qiqtliingo's nee daamaaraango's in waqaaqa' a? A xu'aka'he gidaaba hhooa'r Mungu kuung un uuruxuun as tawa hho' i in. 5 Kuu'ng munoowo'k nu gawit sla'mi munoowo'k hho i ungw ngu slaiika idoorihe kuung dihhay Mungu un gawaawo'k i tlahhamis ay bo/oo askwasleemar Mungu' bo/ooda' askwasleema'r Mungu' ar ganaa' kawa geehhoees. 6 Asma Mungu ino's umoqo heewo ngu buu'nar hariima'r tlehhemi iiwo's. 7 Dir mukda tlehhemi ii hho' nga leeleehhi nee xirfu na ilaiwa/ame nee hhitiruuta waslay Mungu' slafingw al/ihe'eesay wasl ngu hariis dir mu'k idoori. 8 Ala dir kwada oo qahamuuse nee looeem nga si ii moor ganaa aaka' ngwa digir deelii Mungu buhhaawo's nee dihhee'wo's ngu ku'u's gawaa inooin i ale. 9 Mungu slahha'amaaye ngi kuwa gawaa umoo'qo heewo' kwada' tlakweema' tlakweemaa' tlehhaahhiita' muk Yahudi ana mu'k giiriim tare mu'k Yunani sleeme. 10 Ala xirfuu' nee ilaiwa/ame nee wayda Mungu' ngi hariis dir umoo'qo heewo' kwada' hhooee maa tlehhahhiita mu'k Yahudi a mu'k giiriim tgare muk Yunani sleeme. 11 Asma amaakatli i kahh dir Munguhe. 12 Gawaa' idoorihe mu'k yaariir kwada' hara'eya'r Musa ngi xu'aaka' ala tare dakuumiis ki askwasleemuut tim ki alaa xu'aawasle nee kwad hara'eya'r Musa ngi xuu' tare dakuumiis ki askwasleemuut sleeme nar har'eyada' xu'iiya. 13 Asma dir geera Munguhe mu'k ta gari amuu' i harafaari a kwa'eka hara eyaa nga axaasi ala a kwada nga axaar nee idooda hara'eya kat nga tleehhii. 14 Asma mu'k xoordu hatla' kwad hara'eya'r Musa ngi kooma'aaka nee inooin baraa tlehhemi' ii ine ar ta tleehhit a tada hara'eyar Musa kat inooin idoosiye a har'eya tlehhiitii kilooin ale, timungi alkona'aka. 15 Gawaa' tihe ga'r ti laqaaqa'm i gidaaba' tlehhemi'ii i sla'amuutiya' nee ka gooin baraa muner'in i ale haslor'in ngi laqaaqan gidaaba munerin nee haslor'ine ngi shwasleemu't laqaa' ngin alekala/a'n. 16 Nee sleeme idoorihe in tlehharuu't bo/oor Mungu hu/aara'y baraa' muner muu bur ngu askwasleemuut mar baraa Yesu Kristo, ti a tada ni alki/iit ngr baraa' ya/abto'r. 17 An ooa'n kuung an daara/aan asma tawa hee Yahudi a idoo/a? Slaimi kuung tawa kat kwaa hee Mungu' oo aa tliintii baraa hhara eya'r Musa. 18 Idooda Mungu ino's slai tsaahheek asma intsaahhatismisoo' hara'eyar Musa iikaa slee'r moroo tlakw nee oo hho kuwa awa gwed. 19 Kuung ti kilok xu tawa geeraharusmoo taampu nee gwa.atemaa mu'k baraa imibo/ir i dirii. 20 Geera harumoo mu'k gar xu'aaka nee intsaa hhatusmoo na/aa ninakw asma kuunga imibo/a xu'uti sleemeero nee looeemaawo i koo'n baraa haraera'r Musawo. 21 Ala kuung kwisi oo kila mu'k hatla intsaa hhatimiis kuunga misti instsaahhatimiska kuung kwada ' mu'k hatla intsaahhatimiis gidaaba, "Ga'r hee' ma fiisaar" Ala kuung oo kila mas fisisiin? 22 Kuung kwisi ka'h gidaaba mafuquusaar bare kuung oo killa a fuqu's? Kuung oo kila Munguii hatla watla waaqaqaa' sla kuung oo kila mas fisisiin baraa maray'in wa ala. 23 Kuu'ng tiwa kilo'k xirfeemis as hara'eya'r Musa, ala kuung kwisoo kila hara eyar' Musa mas digir deltaka? 24 Asma umoo Mungu kuu waaqaaqaa' nee xoorda hatla as kuunga. 25 Asma al/utloo in gidaaba'r koo'n dirooge aba'r hara eya'r Musa aka iia looes ala kuunga bar hara'eya'r Musa aka iialooesika al/utlooro'k ga'r bu i ka'hh. 26 Ala idoorihe hee ta al/utliika oo xooror hatla bar haraeya nga digir deel kwi kwa harafaa'r gidaaba kwa l/uu'tl tam kwa al/utlii kahe. 27 Gawaa' idoorihe kuung hee Yahudi tu asakwasleemuut nee muk xoorduu hatla' asma kuung haraeya tam ala koonda baraa gooiro nee tam taa al/uu'tl ala hara'eya aka digir delika asma inooin haraeya ka ii a loo ee miis, tim ka ala al/utlimiika. 28 Asma hee abar hee' Yahusi baraa' tlehhemi'ii slaqwa kilo's ino's a hee Yahudir kileeka nee al/utlooda' ta tleehh gawaa' slaqwa a al/utla'r kileeka. 29 Hee' Yahudi oo kila a kwada Yadudi ii maro's baraa munoo i dirii al/utla'r kila' a tadar baraa' muna al/utloori ka tleehh nee Qeeruu hhoohhoo ka tleehhiika nar hara'e ya xirfuu hee' idoori amo'r dahhi a amo'r mukooka ala a amo'r Mungu.