1 Hhaee'ee' ga'r ani ni slaa' nar muunoo'ee sleemeero nee ga'r nitiririim dir Munguhe as inooin a gidaaba'alo' moso' inooin kin ba/amiis. 2 Asma ani a aleeka/aa/aam gidaaba' inooin ila kaaharu ngu lo' wa kona' as Mungu' ala xu'uti ngi ko'na'aaka'. 3 Asma inooin gan'muudoo' amo'r Mungu' daa'hh ngu xu'aaka' inooin gan'amuu'in ngun kilooin leelehhiitiya'. Gawaa' idoorihe inooin qaasi'iika baraa' gan'amuuda' amo'r Mungu' daa'hh. 4 Asma Kristo har'eya ngin boo/eemiis, gawaa' idoorihe umoo'qo heewo oo ngwa hartlintii kuu gan'amuu i harafaa'r. 5 Asma Musa ina gooin gawaa' gan'amuuda ta slaslay nar hara'eya kawa digir deliti ire oo' "Hee idooda' hara'eya kat nga tlehhiit ino's i hoot nar idooda'." 6 Ala gan'amuu' ta slaslay nar haratlintaao ga'r kaahi a ti kuu'ng baraa' muunoo'woge ma kaahaar gidaaba' hee' tsa/a'm gawaa' dawri a ma'a? (aidaaba'ro's Kristo kunguwa baraa' yaamuu' i huuwi). 7 Laqaa' ma kahaar "Hee awee'r amo'r mu'k aa hha'n i ale' a ma'a? (Gidaabaro's a Kristo kunguwa huuwi gawti' i ale baraa' aa hha'n wa ale). 8 Ala gan'amuuda' ga'r kaahi a mila? A ti "axweesani ka diro'k i tseew , i gawaa'afko'k axweesanti an axweesantada'r haratlintaao tada' ate'n ta alki/iitaan. 9 Asma kuu'ng Yesu bura ya/aa'n nar afko'k gidaaba' ino's a Aako nee baraa' haratlintii nar muunoo'wo'k gidaaba' inos kuna wasloo/atis nee Mungu baraa' mu'k aa hha'n wa ale daqade' kuun'gn a ba/aa'n. 10 Asma hee ina haratlintaatii' nar muuna kure gar'amuu' i harafaa'r dir geera' Munguhe, nee afkose ire ya/a'n tam ba/ama ngire sla'y. 11 Asma gooin i kat gidaaba' hee' ino's ngwa haratlintii ku murutisiika'. 12 Asma baraa' kaangwihe hatloo i ka'hh dir hee' Yahudi nee dir hee' Yunaniro. Asma slee'meero Aakooin a wa'k nee daari'iimaro's i buu't dir umoo'qo heewo kwada' ino's ngu /akaaka. 13 Asma " Umoo'qo heewo kwada' umoo' Aako ngu /akaaka' i ba/ain." 14 Ala ido'r kur /akaai kwada' inooin ta haratlinti'iika? Nee ido'r kur haratlinti'ii kwada inooin iidaifoowo's taa axaasiika? Nee iidigoowo's ido'r kur axaasi bar hee' ngu alki/iit i kaahh? 15 Nee sla'mi hee ido'r ngur alki/iiti burkwa ya/aawika'? Asma gooin i kat gidaaba' " Iwaa hhoohhooa'aya'a ya'aa mukda' iidigoo qwala/ nee moroo hho' alki/iit!" 16 Ala a mukda a slee'meeroka oo ya/abtooda' nga iialooees, asma Isaya i kaah' "Aa hee ya/abtooda' inooin naa axaasii' wa diire'n nga haratlintii a ma'a'?" 17 Gawaa' idoorihe haratlintaao ga'r ngi huwa huuw a ya/abtooda' ta axaa's ya/abtooda baraa axweesanta Kristo ngin da'hh. 18 Ala ani an yahaamii's gidaaba' "Inooin ya/abtooda" kaa axaasiikahe? Aa sla'a'y inooin kaa axaa's asma gooii kat' "Afor'in kaa axaa's baraa' yaamu slee'meerowo nee axweesanay in aa harda'h ay alhhe'eesaa'y yaamu." 19 Ani a mele' komiit yaahaasaro gidaaba' dooqa mu'k Israeli ya/abtooda' ngina tsaahhiika tam qooma'r aa'ing ar Musawo Mungu' ina qaroo' oo' "kuunga itsi/ayi tundu ee'r as mu'k xooro'r hatla mukda' kuunga ta harafadita' aaka' gidaaba tawa mu'k kila' kuunga tare kuhha dir mu'k xu'utir koomaa'ka' as as ani hee' idoori nga tlee'hh a ani." 20 Nee Isaya ino's aa qiitl/ayme'eeriika ngawa oo' "mu'k ani /ee/ehhiitaaka ani aina sla'y nee mu'k ani yaahamiisaaka' ani tina geehhooee'ssa dir in i ale." 21 Ala daandoo' mu'k Israeliwo i kaahi " Deeloosleem ani dabaaee' ina tumuu's dir mu'k iialooeemisaaka' nee sagiigawde'n."