Tsufa'y Mibaa'neewa'k

1 Ga'r ani ni yaahamiis gawaa' idoorihe ti "Mungu' muko's nguna sii' i?" Aasla'a'y asma tam ani oo kila a hee' Israeli oo baraa' xwayla'r Abrahamu oo tlahha'y Benyamini. 2 Mungu' muko's kwada' aa qaroo' tsawaa'r iimir aa'ng wa ale ngwa sii'ika, iku kuunga a xua'aakahe idooda' gooi kat gawaa' Eliyawo qooma'r ino's iwa sihhiit dir geera' Mungu' ale as mu'k Israeli nguwa as kwasleemuuti. 3 Ire oo' "Aako, inooin aaruuseero'k kaa tsuu'/ nee meesaduuwo'k oo ilahhooa kaa fee'/ hee' aa meet a ani kilooee' nee hinti inooin ani i gaasa'r wa slaiya." 4 Ala Mungu' ga'r ino's ngwa ba'y a mila? Nguna ba'y "Ani mu'k kume'r faanqw koo'm tam hinti oo baali nga i guruungureeiimi'itiika." 5 Nee al idoorihe tam hinti qoomaarihe mu'k niina'w a meet kwada' Mungu' a tsawaari as gurtleemuuwo's. 6 Ala abar Mungu' inooin ngina tsawaa'r as gurtleemu' ala a gidaabaheeka as tlehemi'ii na tleehhiiti' as abar geera ngina tsawaa'r as tlehhemi'i geera gurtleemu gaaro's i ka'hh. 7 A mila ala? Gada mu'k Israeli aa leelehhiit nga slayika ala muka ' taa tsawaa'r nga sla'y oo hatla' kire mune yawdees. 8 Idooda' kaar gooin gidaaba' Mungu' muner'in ngire iilooee's ilaain ngire kaampu'y nee inooin ngire iiawas/ee's, nee idoori an idooda inooin ti i dirii i tam ay hinti. 9 Daudi sleeme i kaahi "Moroo' /aymar'in alo moso' in hhaamu' tleehhii amo'ine nee geentlaara/amo as inooin kiwa geentlaraa/i nee /umaamir'ine ngire slaya'. 10 Ilaa'in i giiwiye' as gidaaba' matawa gaa a'r nee daandeemooine i loongaagooiye' as alhe'eesa'y slafingw'ine." 11 Ani idoorihe an yaahamuu's gidaaba' inooin kina geentlaraa/i tare paa'hh? Aasla'a'y ba/ama ire harda't amo'r mu'k xoorduu' hatla idoori ina tleehharu't as alo'moso' mu'k Israeli tloomu nguwa ariya. 12 Ala huu'umaa' mu'k Israeli bar tsuuqaa' yaariir ngina huuwi' dir mu'k baraa' yaamu slee'meerowo nee as idooda' mu'k israeli ar narkuu't mu'k xoorduu' harla' tsuuqaa' daaqari'iima ngire sla'y ala gawaa' idoorihe faaro'r mu'k Israeli bira bo'/ tsuuqa' daqadae' ki ak ur lo' ua ale. 13 Ani alkwi'i an axwee's nee kuunga' mu'k xoorduu' hatla' ani a ya/abusmoo' Mungu' amo'r mu'k xoorduu' hatla ani ila kaa haru un tlehhiit baraa' gadiye'r ee' tihe. 14 Dooqa mu'k xoordor'ee' tloomu ngu ariya as dooqa i ba/amisaa'n bahha'ale. 15 Asma inooin qooma'r kiwa sii' muu slee'meero kuna haraki/is dir Mungu' i ale, ala qooma'r inooin birka ya/a'n nee Mungu idoor ga'r ni hupa mila? Bar ni hup a slafiingoo'ke dir mukda'a hhanii? 16 Muka teedoo' oo geera bara kun hhoohhoo' as kwa wa hariis amor Mungu' i ale idoonge tam puuruuda sleeme ta mikatea'r tleehh kw hhoohhoo nee dee/aroo' xa'ano ubur ku hhoohhoo' alema sleeme ki hhoohho. 17 Ala hinti idoorihe mu'k Yahudi an ido'r aleeemaa' xa'anoo mseituni oo tar dahaa's kire tlaaq nee mu'k xoorduu' hatla' an ido'r xa'a mseituni oo baraa' sla/a taa dahaasika nee haee kire haatl baraa mseituni kwada ta dahaa's i ala nee di/ita xa'anooda taa dahaa's ngire /ayii' kuunga' a do'r aleemida' taa haa'tl. 18 Kuung' miti xirfeenisaa'r dir aleemaawo' asma ibir ti xirfeemis ala xu'ee'k kuung deelaroo' xa'amo u gagariindaaka' kuung' tun gagarin nee dee/aroo xa'amo. 19 Kuu'ng a oo' gidaaba' "Aleemaada' kina tsaa't as ani tiwa hatli diida i ale." 20 A lo gidaaba' inooin kin tlaaq asma har tlantaaoowasle'in kuu'ng a gawaa' xa'amooda taa dakaa's i diri as hartlintaao, idoorihe kuu'ng ma daara/aamar alo' moso' kuu'ng an da'ayumit. 21 Asma Mungu' abar aleemaa' xa'awoodoo' kila' nga mayika' tsatato, ka xu'kun maya'ng tsatato? 22 Akaa araa'n idoorihe gidaaba' Mungu' ka dihh nee sleeme ku hho Mungu kudihh dir mukda' oo Yahudi aa kwi' baraa' tlakweema. Ala diroge ku hhoo' abar komaamit baraa' hhooeemaawo's wa ale. Ala abr komaamitka kuu'ng sleeme ta tsaa't ido'r aleemaada ara ale. 23 Nee sleeme inooin oo mu'k Yahudi haratlintaaoowasle'in bar kwa may inooin ki ki/is diida kawa tlaa's. Asma Mungu ngi aleesla'y lo wa ale ngi wa roale hatli. 24 Asma kuungoo' xoorduu' hatla tunduna tsaa't gawaa' xa'amoo' sla/a wa ale, tundure haa'tl gawaa' xa'anoo taa dahaas i ala mu'k Yahudi inooin tawa aleemaaloo' xa'amoo kila kwada' taa dahaa's aga'r inslaahh aleemida' taa tsaa't kawa ki/isi gawaa xa'anooda' dahhiya' aleemaa xa'amoo' sla/a bo/ati. 25 Hha ee'ee' ga'r ana ni slaa' kawa xua' a ti gidaaba' la/aaraywi xu'aa'k uunga' miti kiloohu'ng xirfeenisaara' as sagalooarhu'ng la/aara'y a gidaaba' mu'k Yahudi bahh' ale muner'in aa gawduuduu'r har qooma'r niina'w wa ale ay dir mu'k xoordu' i dahi kwada a ba/a'n. 26 Idoorihe daqade' mu'k Israeli slee'meero i ba/a'n asma ka gooin gidaaba' "Ba/amusmo naa harda'h amo'r dahhi a amo'r Sayuni, ino's dee/anu'uma slee'eero ngi hengees dir xwayla'r yahobowo. 27 Ti an alqadooda ani ni tleehh nee inooin qooma'r alakweemaa in ngiwa hengees. 28 Mu'k Israeli a wakuuser Mungu asma ya/abtor hhoo kawa sii as kuunga' kwisi oo xoordu'. Ala mu'k Yahudi kina tsawaa'r nee Mungu' gawaa' idoorihe ki slaa' nee Mungu' as baabi'ii'in. 29 Asma Mungu' gurtleemuu' a hariis ngu alki/iika' aee hee' bur ngwa tsawaa'r ngu si'iika wa ali. 30 Asma kuungoo' mu'k xoordu aange' a dee/aanuse dir Munguhe ala hinti gurtleemuu' Mungu' u kwa sleere' as idooda' ruit Yahudi iwa alee/aanu't. 31 Idoosa'r kilae' muk Yahudi sleeme wa dee/aamuuti' kuu'nga' tare gurtleemuu' sleere' ti ina tleehharu't asma inooin sleeme gurtlee mu kuwa sla'y aluuwo. 32 Asma Mungu' muu slee'meero ngina ma'y kiwa tseegiti baraa' dee/aamu'uuma'r i ale as daqada' ino's slee'meero ngiwa gurtlay. 33 Daqaari'iima'r Mungu' ido'r kar u'r nee Saqalooaro's nee xu'utiro, hee' askwasleemaro's tsaahharo ngi aleesla'w a mo'a? Hee' urduuwo's leelehhitoowo ngi aleesla'w ma'a? 34 Asma gooin i kat hee' hhaslo'r Aako ngi xuu' a ma'a? Hee' ino's ngu hara'eyiiyiim a ma'a? 35 Laqaa' hee' ino's ngwa ga'r i hariis a ma'a as ino's kuwa bai alkuwo? 36 Asma ino's moroo' slee'meero nguna tlee'hh nee slaimi i komiit as aleesleemuuwo's nee i deer as ino's, ino's i xirfuuti ay alhhe'eesay wasle. Amina.