1 Gawaa' idoorihe hhaee'ee' ani kuunga' tundu harhheehhee'ees as gurtleemuu' Mungu' slaqoohu'ng harisaak iwa ilahhooa'r sla'f tleehhitiya' tada hhoohhoo' Mungu' fu qwal/amiis. Ti an sluufimisoohu'ng kwada' gidaaba'r koo'm. 2 Kuunga' baraa' slafingwahu'nge ma hootara' nar idooda' mu'k baraa' yaamu ir hooti, ala alo' moso' kuunga tundun waqee's baraa' hhaslo'r hunge nee hhaslarhu'ng kawa /aneemisi as kawa tsahha' ga'r Mungu' slai a mila as ga'r slai a tada hhoo' tada ino's ngu qwal/amiis nee tada' qoom. 3 Asma am an ka'h gidaaba' Mungu' ani ina aleesleemuu' i hariis oo kuunga tundu wa baba'w gidaaba' umoo'qo heewo dir hunge mitaa kilo's harafadiit tawa hee' gidaaba'r koo'm idooda' i dirii ngiwa ba/i. Ala ino's alomoso' tin ga/a'y nar harqooma'y haratlintaaorda ta hariis nee Mungu dir umoo'qo heewo idoori alo'moso' umoo' heewo ngin insla sla'y nar fuqwraango's. 4 Asma baraa slaqwato diqiyaa' yariir i koomaa'n slaqwa tam ala wak, unoodigitoo i gadiyeero's ar dimba'y koo'n. 5 Gawaa' idoorihe ate'n slee'meero a ido'r slaqwata baraarene a diqta' koqoo' hatla' slee'meero. 6 Ate'n aleesleemuu qeeru oo dimbaa'ba'y koomaa'n nar harqooma'r tsuugaada Mungu' na hariis idoorihe hee aleesleemu ngu kawa alki/iiti amo'r mak i ale, ino's ngi alki/iiti nar harqoomaydoo' haratlintaaooro's. 7 Hee abar aleesleemuu' ko'n an oo muu alee/ sleemuu' intsaahhatimis ngu koo'm i intsaahhatimisi. 8 Hee aleesleemuu' gurtu'uungw ngu koo'm muu ngu gurbu'uu. Hee' moroowo's harmils ngu harmiisi nar muunoo' /awaa'ka. Hee' mu'k hatla' sageesihhimiit muu nga sageesihhimiiti nar ilakaaharu. Hee' gurtleemuu' koo'm muu ngu guatlatlay nar qwala'/. 9 Sla'aari alo'moso' in hhafiifiingw koondaaka' tada' tlakw aahhak tada' hhoo digir deelaak nee /atleesaak. 10 Kuu'nga' kiloohu'ng ti lo' wa sla'aaslae' nar sla'aarir hhae nee tiwa koloohu'ng ilaiwa'wa/a' nar i la iwa/ame'r ur. 11 Gawaa' ila kaaharuuwo, gaddiyee't tleetiaak munuu/u' mawaak. Alo'moso' kuu'nga' an mu'k ilakaaharuu' koo'm baraa' munerhunge, Aako na asgadiyuusaak. 12 Kuunga' qwalala/e baraa' hraxu'utiro qiitle' baraa' slahha'amaayerhunge, komiite bamaa firooro. 13 Mu'k hhoohho' oo Mungu' kwada oo /eetlakuuse alee/iimisaak kuunga sleeme nee muu kwahhamiisaak umoo'qo siiwaro. 14 Mu'kda kuunga tundu gusisiim tsuuqumaat kuunga tsuuqume ala mi afuumisaara. 15 Qwalala/i inkwa nee mukda qwalalalaa/ /aa/amiime dinkwa nee mukda /aa/amiim. 16 Kuunga' ti axweesanii slesleere' kiloohu'ng kuunga miti baka suusara' alo'moso' tin baraa iki/iimisa uraywo. Kuunga' miti kiloohu'ng sagalooa'r hrafadiitara' tawa ido'r muk sagiiloosn. 17 Tlakwema mi koqa'r bu'uumara' tada hho na tleehhaak dir geera' muu slee'meero. 18 Kuunga' umoo'qo idoori ya/aamu't tawa hota' nee muu slee'meero nar wayda, leelehhi' taak, idooda kuunga kar aleeseera. 19 Sla'aaruus er'ee' muhaay mu bu'uumara' ala bu'utuu' muhaay dir Mungu' i mawaak asma kaa gooin gidaaba' "Muhaay a gawaa'ee' Aako i kaahi ani muhaay a buu." 20 Ala gooi i male' kat gidaaba' "Wakuusmoowo'k bir qwariit /aymiiseek nee bir waxiit, wahaaseek asma idoori baraa tle'hh daqade' kuung' gilo' aka gawaa' sago's i hatsiis. 21 Kuunga tlakweema ma harda/ii' ala kuunga tlakweema na harba/eek nar hhooa.