Tsuafa'y Mibaa' Nee Ta'm

1 Umoo'qo heewo mu'k aleesleemu' koo'm ngu ila i wawa/i asma aleesleemuu' amo'r Mungu' dahhaaka' i kaahh nee aleesleemu kwada da'w kuna ya/a'n nee Mungu'. 2 Gawaa' idoorihe hee' heeda' aleesleemuu' koo'm ngu waqaaqaa' hara'eya'r Mungu' ngi siaasii' nee kwada' siaasii ti askwasleemar i slay. 3 Asma waawita' ku da'ayuumitiika nee mukda' tleehhomi'ii hho' ala mu'kda' tlehhemi'ii tlakw tlehhiit ta daayuumiit wa lo' dir waawitahe. Xay kuu'ng a sla'a hee' aleesleemuu' koo'm kuwa ata'ayuumitla? Gimi' kuu'ng hhooeema na tleehheek, alaqade kuung ila iwa/ame a slee'r dirose. 4 Asma ino's a sagadiyuusmoo' Mungu' as hhooa ngiwa kuu'ng i tleehhi. Ala abar tlakweemaa' tleehhit, da'a yuu't paa'nga' ngi tawo Konka a asma tawa sagadiyuusmoo Mungu' oo muha'y bu'uu'm dir mukda' moroo' tla'kw tlehhiita. 5 Idoorihe ilaiwa/ame i hariin as muhaa'y kolo's da'ayumitaaka' ala as afooda' baraa munerhu'ng wa axwees. 6 Gaari an ga'r kuunga' ta as koo'dir bu'uunda' asma mukda aleesleemuu' koo'm a asgadiyyuse'r Mungu' qooma'r hariima'r gadiyer' in kawa boo/eemisi. 7 Umoo'qo heewo tada ino's wa hariim harisaat hee koodi-koodir i hariisaak hee oheme ohimer i hariisaak kwada da'ayer wa dariim da'ayuumitaaka, kwada' ilaiwa/amer wa hariim ilaiwa wa/aak. 8 Hee ma tlatuu's tam ga'r wake ala ga'r uwa tlatuusi aqo' har sla'aari kilo's, asma hee' heeqa slaa' hara'eya nga boo/ee's. 9 Asma kuunga tuquusaka, a tsu/utaka a fisiindaaka a ila tleerusaka as sla'aari asma hara'eyari nee hara'eyar hatla slee'meero kama haragaa's baraa' hara'eya'r wa'k gidaaba' "inslaamumoowo'k slaeek idooda kuu'ng tir kolo'k sla." 10 Sla'aari inslaawomoo ngu ga'r tlaakw i tlehhaka' gawaa' idoorihe sla'aari a boo/eemisoo' hara'eya. 11 Idoorihe axu'a' kuunga' as gidaaba' qooma a xee'r ar kuunga tawa tleera baraa' guu'tee/o asma ba/amare'n hinti na nakaa/ii diire'n i lae' qoomaadir hartlintaao. Kawa iimu/uuma'n ba/ati. 12 Asma na harafaakii' tlatla/a ang naa' haranaka/, idoorihe tlehhemi'iida' oo giwiti ki mawaa'n nee xoosluda slaqwara gwa/aata ki dahasaa'n. 13 Alo' moso' ate'n an hoota'm nar idooda hariim ido'r qooma'r tlaatla/angw wa ale. A xufoo, laqaa' nar tsaatu'uuna nee nar ilatleerir ta boloomayka' nee nar boota' as foolaay nee da/i. 14 Ala ate'n Aako Yesu Kristo ku oo haan tawa xooslimoore'n oo baqamwo' pa/aang mukaa hariisaa'n dir saqooren i ale nee ilaatleerir slaqwa makaa tleemisaa'n.