Tsufa'y Mibaa Nee Tsiya'hh

1 Hee' haratlintaao nimaw ale/isaak, ala mu askwasleemuu taara' ashhaslooroos tada. 2 Dirhaaro heeko i haratlintaao'r ko'n tam moroo' sleemeero nguwa /aay. Ala kwada' hartlintaao'r niinaw ngi koo'm ga'r /ayi a naamu' kilo's. 3 Ala hee' moroo' slee'meero ngu /aay kwada' moroo' sleemeero ngu/ayaaka' Mungu' waqaaqaa' Laqaa tam heeda moroo sleemeero ngu /ayaaka' kwad moroo' slee'meero ngu /aa'y mungaa askwasleemuu't. As kwada' moroo sleemeero ngu /aay kwa ya/a'n nee Mungu'. 4 Kuunga a ido'r ma'a tawa asgadiyyusmoo' hee hatla askwasleemuu't? Asma asgadiyuusmooda bira kuu' laqaa' bira huusika haangwi a gawaa' sgadiyusmooda' nee daqaarmoowo's. Ala asgadiyuusmooda' asma Aako alesleemu ngu ko'n oo asgadiyuusmooda iwa komiiti sihhitinooro. 5 Dir heekoawo deelorka dirose a deelo'r gidaaba' koo'm deelo'r hatla' ba/ati, ala dir kookoowo deelo sle'meero a ga'r wa'k aso' umoo'qo heewo haraxu'uti ngi ko'n gidaaba idooda' ino's xui anar lo. 6 Asma heeda deelor' /atleemiis idoosi ngin tlehhit asma Aako, nee heeda' moroo' slee'meero ngu /aa'y ngun /ay as Aako asma i Mungu' sluufimiis. Nee kwada /ayiimaaka /ayma nga ma'y asma Aako nee ino's sleeme i Mungu sluufimiis. 7 Asmo hee' hoot as ino's kilo's i kaahh, laqaa' hee' gwaa' as ino's kilo's i kaahh sleeme. 8 Asma ate'n bar hootaa'n an hootaa'n as Aako nee abar hhamaa'n an hhamaa'n as Aako, ala ate'n bar hotaa'n laqaa' bar hhamaa'n ate'n a mu'k Aako. 9 Gaari an ga'r Kristo as gwaa' nee ire waas/oo'/ an iwa Aakoo' mu'k aa hha'n tleehhiti nee oo kwada 'slaa'f sleeme. 10 Ihii ala kuung mas hhiyaawo'k askwasleemu't? Nee kuu'ng mas hhiyaawo'k waaqaqa? Asma ate'n sleemeero sihhotaa'n dir geera kilaa'ngwadoo askwasleema oo Mungu'. 11 Asma gooin i kat "Aako i kaahi adooda' ani nir slaaf umoo'qo heewo i geeraaee' i gurunguuree'iit, nee umoo'qo tsifiraango Mungu ngu xirfee's." 12 Gawaa' idoorihe umoo'qo heewo diireene iidigoo' slafinago's ngu alki/iit dir geera Mungu i ale. 13 Gawaa' idoorihe ate'n mita wa slakwasleemuutaa'n kiloote'n alo'moso' ate'n an ista'ii tsataa'n gidaaba' hee hhiyaawo's Mungaa' geentlaaraa'l laqaaa' Mungaa' daa'hh baraa' tlakweemaa' i ale. 14 Ani a xuu' nee sleeme taa xu'utiis walo' nee Aako gidaaba ga'r slasla/aar i ka'hh baraa tleehhamoorose, ala dir kwada ngi ga/aawa gidaaba gaari ka slaslwaar dirose ka qoo' slas/a/aar ala. 15 Kuu'ng bar moroo '/aymaaro'k hhihaaro'k ngwa gurhaamir a'y, idoosiye ku a baraa sla'aariri wa hotka moroo /aymaaro'k Mungaa' qwaaree's asma Yesu ina gwaa' as hhiyaawo'k. 16 Idoosiye tlehhimee'rhu'ng ar hhohho' waqaa'ama Mungaa qaa's dirhunge tundu wa biibisin. 17 Asma waawuti'iima'r Mungu a /ayma nee wahaangooka' ala a gari'amu nee wayda nee qwala/ kwad' amor qeeruu' hhoohhoo' da'ahh. 18 Asma heeda' Kristo ngu asgadiyuu's nar idoori ino's Mungu' ngu qwal/amiis nee sleeme ino's ku xirfees nee muu. 19 Ala idoosiye ga'r dirree'ne hariim taa tleehha'n an tada' waydoo' huwaahuw diire'n nee tada' haratlintaao'r umoo'qo heewo ngi kwa/amiis. 20 Gadiyer Mungu' ma hhitiimaar as moroo /ayma looee'maawo moroo' sleemee ku hhohho'. Ala morooda' hee bar ngwa /aay ino's ido'r tlakw ngi tleehh abar morodoo /ayma aa geentlaaraa/amo tleehhiit. 21 Idoorihe tsini fu'unaay bira mee'r /aymaaro laqaa' difaai baraa mee'r wahaango, laqaa' umoo'qo gaaro ar hhiyaawo'k ngu geentlaaraa/. 22 Kuung' hartlintaaooro'k a koo'n gawaa' moroowihe, haratlintaaooro'k tisi kilo'k nee koomeek dir geera Munguhe. Hee amohhoo' a kwada ti kilo's askwasleemuu't baraa muunoo'wose gawaa' morooda tsawaa'r tleehharo. 23 Hee xuree'n ko'm gawaa' gada /ayi ino's kwa askwasleemuuu't asma nga /ayiika' nar hartlintaao umoo'qo gaaro ar baraa' hartlintaaor dahhaaka'a tlakweema.