Tsufa'y Mibaa' Nee Kooa'n

1 Ate'n koka' /uumu' kooma' baraa' haratlintaaooro ga'r harii'ne a mukda ' haratlintaao nii'naw u aleeliimisaa'n slakwekee haratlintaaor'in kuwa gagaaraa'n a gidaaba' heeka' ate'n tin koote'n harhheehhe'eemisaa'n. 2 Umoo'qo heewo tla/angwrene alo'mos' inslaawmoowo's ngun sla'atimiis as tawa ga'r hhoo' gidaaba' iwa kwa/i baraa' haratlintaaoorose. 3 Asma tam kristosleeme ino's ta kilo's sla'atisiika ino's gooi ngina boo/ee's teda ka "Niqayda' kuu'ng tar niquu's nee muu ani una sla'w." 4 Gooi slee'meero tada taa qa gooin kana gooin as ate'n tiwa intsaahhatimis, asma qitla nee gurkwa/amis ate'n u slaslawaa'n baraa' gooiro idoorihe a gawduu waa'n baraa' haraxu'utirene. 5 Qitla nee gurka/amis amo'r Mungu' ngi daahh idoorihe Mungu' kuunga' tundu alee/iisi tawa hota' nar muunoo' wa'k ar Yesu Kristo kuwa digirdelita' mar idooda ino's ar hoo't. 6 Kuunga' daqade' a aleesleera' Mungu' Baaboo' Aakore'n Yesu Kristo kuwa xirfeemisa nar muunoo' wa'k nee nar afo'r wa'k. 7 Gawaa' idoorihe kuunga' ti kwahhamise' kiloohu'ng ale' idooda' Kristo ate'n tar kwahha's as Mungu' iwa xirfuu'ti. 8 Ani ga'r ni ka'h dirhunge a gidaaba' Kristo ano's ina asgadiyuusmo' mu'k Yahudi tleehhiit as ngiwa laqaa'n gidaaba' morooda' Mungu' aa oo' oo' lo' al'axweesantada' aa oo' dir baabi'iite'n nga boo/ees. 9 Kristo sleeme nire harda'h dir mu'k xoorduu' hatla' Mungu nguwa xirfeesi as gurtleemuuwo's as ka gooin gidaaba' "Gawaa' idoorihe ani kuung' u sluufimiis tla/a'ngw mu'k xoorduu' wa ale, ani muuwo'k u as daa." 10 Nee sleeme gooin i male' kat "kuunga' mu'k xoorduu' hatla' qwalala/e' dinkwa nee mu'k Mungu'." 11 Nee male ale "Kuu'nga' mu'k xoordu slee'meero Aako xirfeemisaaka, kuunga' mu'k tlahhi'i slee'meero ino's xirfeemisaak'." 12 Nee sla'mi aarusmo Isaya i kaahi gidaaba' "Hee' baraa' tlahha'y Yese daa'hh in harda'h , ino's i sihhiit as xoordu slee'meero ngiwa aswaawuti'ii'in xoordu harafaaro'r kona' gawaa' ino'se." 13 Munguda' haraxu'uti slee'meero i diri kuunga' tundu hafsiisi qwala/ slee'meero nee wayda nar uruuwa'r haratlintaao, ar haraxu'utirhu'ng iwa lo' wa dooqiin nar baraa' /uuruu' qeeruu' hhoohhoo'. 14 Hhaee'ee' ani a xuu' ar gidaaba' kuunga' a hatsa hhooeemaawo' nee kunga' xu'uti slee'meero a koonda' nee koloohu'ng ti wa gurbu'uunda a leesleera'. 15 Ala kuunga' tunduna barwari i gooim nar dihhay bartakaaro asma tunduwa inslaw tis gawaa'iidigooda' taa qaroo' gooin ta axasi' idoori ana tlee'hh as aleeslee muuda' ani na slaiv wa dir Mungu'. 16 Asma ani Mungu in geeragarusmoo' saalii ngw tlee'hh dir mu'k xoorduu' hatla' gadiyee'ri ar geeraharusmoo' saaliingw an tlehhit nar ya/abto'r hho' ar ' ng'iwa alki/iit dir xoorduu' hatla inooin tawa ila hhooa tleehhiti tada' Mungu' a ya/a'n ta hhoohhooee's nar qeeruu' hhooohhoo'. 17 Gawaa' idoorihe qwalo/ooee' an gawaa' Yesu Kristo nee gadiyee'da'r Mungu' ni tleehhahhiit. 18 Ga'r ooaro ni qiitl gwaa' ga'r hatlae' i ha'hh ala aqo har tada' Kristo a tlee'hh kolo's ani iwa'r gadiyuusi mu'k xoorduu' hatla' nguwa amo'r Mungu' i huuw, gidaaba' Mungu' kuwa iialooeemisi. Ti ani an tleehhiit nar axeesani nee tlehhimi'ii. 19 Gawaa' idoorihe ani alki/iito ya/abto'r hho' ar Yesu Kristo uka hhe'ees iimir Yerusalemu' wa ale nine harweeriim ay dir yaamuu' iliriko, nar laya'r /uuruu' koo'm nee nar tlehhemi'ii waa/oo/omo'r kooma' nee nar /uuruu qeeruu' Mungu'. 20 Gawaa' idoorihe umoo'qo siiwaro ani ga'r ni leelehhit a ya/abto'r hho' ngiwa alki/iit alii ala umoo' Krsito uwa axaasiika asma iimu/u'ngw taa qaa's nee hee' hatla' alo'moso' ani mukaa i tleehhiit. 21 Asma gooi i kat "Mu'kda' iidigoowo's ngure i hardahiika ngu ar nee mukda' iidigoowo's nwa axaasiika' ngu tsaahh." 22 Idoorihe ani tina ilaa'/ qomii yaariire niwa harda'h amorhu'ng i ale. 23 Ala hinti gadiyer'ee' a fa'k baraa' yaamuukae, nee sla'mi ani aka lo' wa slaa' niwa amorhu'ng i harda'h. 24 Idoorihe hinti ani ni waaraa'hh nar dirhu'ng qooma'r ani bar yaamuu' spania'r ka'w asma ani ga'r ni slaa' a kuunga tundun ar baraa hhayuuma'r e'ne, as ani niwa qwalaala/ dinkwa nee kuunga har qoomar niinawe, nee haraxuu' gidaaba' kuunga' ani aleeslisa' niwa komiit baraa' hhayuuma'r'ene'. 25 Ala hinti an a Yerusalemu ka'w ar mukda' hhohho' oo |Mungu nguwa asgadiyuu's. 26 Asma mu'k krishaana'y kwadoo' yaamuu' Makadonia'r i dirii nee oo baraa' yaamuu akaya inooin kaa slaa' ohime kawa ya/aawi as mu'k hhohho oo Mungu' kwadoo' leetlakluuse oo baraa' Yerusalemu i dirii kuwa alee/iis. 27 Idoori inooin kanaal'axwees kilooin nar sla'aari as mukdaoo Yahudi inooin muk xoorduu' hatla' ngina alee/iisii' moroo' baraa qeeruuwo gawaa' idorihe mu'k xoorduu hatla' inooin ga'r kiwa hariim a mu'k Yahudi kun alee/iis sleeme moroo' slaqoowo. 28 Gawaa' idoorihe ani gadiyeeri baraa' hhe'ee's nee peesarislee'meero bar aka hariis tada' taa ohin as inooin ani daqade' a tla'w ay yaamuu' Spania nire waaraa'hh nar amorhu'ngu. 29 Ani a xuu' gidaaba bir na harda'h nin harda'h nar tsuuqa slee'meero kwad yariir oo Kristo. 30 Hhaee'ee' ani kuunga tundu firiim nar baraa' Aakoore'n Yesu Kristo nee nar sla'aarida' amor qeeruu' hhoohhoo' dahh ila kaaham tleehhaak dinkwa nee ani ar iwa aleefiriiriinda' geera Munguhe. 31 Firiirime' gidaaba' ani tiwa bu/amise dir daaba' mukda a haratlinti'iikahe kwada' baraa' yaamuu Yahudir i dirii' nee firiinime' gidaaba' gadiyee'r ee' tada nisa Yerusalaemu'r ka'w ka ya/a'n nee mukda' hhohho' oo Mungu'. 32 Firiirime' ani niwa hardah amorhu'ng i ale nar qwalaa'/ nar baraa' sla'aarir Mungu' nire hungu/uu's dirhu'ng wa ale ti a idoori bira hhooee'r. 33 Munguda' waydoo' harmiis moso' i dinkwa nee kuunga' slee'meero.