1 Hho'oore'n ti ta bay Fibi ngi dabaahu'ng i saayiim ino's a sagadiyyso'or krishaana'y oo yaamuu' kenkrea. 2 Ino's ilaoohaak asma tawa krishaanito'or ido'r kuunga' ilaoohaak nar idooda' mu'k Mungu' wa hariim. Aleeliisaak umoo'qo gar sla'a dirhunge, asma ino's mu'k yaariir ngwa alee/iimaamis tam ani sleeme. 3 Piska nee Akila intsihhiisaak inoin a asgadiyuuse dinkwa nee ani nar baraa' Yesu Kristo. 4 Inooin kina aloo sagii tlaa'q as slafingw'ee' nguwa ba/amisiya' ani inooin sluufimiis ala a ani kilooeeneeka tam krishaaana'y sleemeero dir mu'k xoorduuwo inooin kin sluufimiis. 5 Mu'k krishaana'y kwada' baraa' dooin wa saalaahim intsihhisaak sleeme Epaineto sla'aarusmooee' intsihhiisaak ino's a hee' geera oo Kristo nwa ya/a'n baraa' yaamuu' Asiaro. 6 Mariamu intsihhisaak, ino's ina lo' wa ditsooku's as kuunga. 7 Androniko nee Ynia intsihhiisaak inooin a mu'k Yahudi ido'r ani wa le inooin aa'ng kina tseeg dinkwa nee ani inooin ki' lo' wa xirfe't baraa' ya/abuuseero, nee sla'mi inooin nina giirine' Kristo haratlintaaooro dir'ene'. 8 Ampliato intsihhiisaak, ino's a sla'aarusmooee' baraa' Aakoowo. 9 urbano, intsihhisaak ino's a asgadiyuusmo dinkwa nee ano, baraa' gadiye'r Kristowo nee stalasi sleeme intsihhiisaak. 10 Apele intsihhiisaak kwada' taaa ya/a'n baraa' Kristowo. Aristobulo intsihhiisaak nee mu'k do'owose. 11 Aerodioni intsihhiisaak ino'w a hee' tlahhay'ee'. Nee mu'k doo' narkiso sleeme intsihhiisaak, kwad' Kristo ngwa haratlinti'iye'. 12 Trifaina nee trifosa intsihhiisaak inooin gadiye'r Aako ngina tleehhii nar ila kaaharu persisi intsihhiisaak ino's a sla'aarusmoosee' oo gadiye'r Aako nga lo' wa tleehh. 13 Rufo intsihhiisaak, ino's a hee' taa tsawaa'r baraa' Aakowo, nee aayir'in sleeme, ino's a ido'r aayir'ee' sleeme. 14 Asinkrito intsihhiisaak, nee Flegoni nee Herme, Patroba nee Herma nee heeda' nee inooin dinkwa. 15 Filologo nee Yulia intsihhisaak nee Nerea nee hho'ooro's, nee olimpa nee mu'k hhohho' oo Mungu' slee'meero kwada' dinkwa nee inooin. 16 Kuunga' kiloohu'ng ti intsihhiimine' nar ma'amisoo' hhohho' idooda' mu'k Mungu' oo hhohho' tir ma'amamisi mu'k Krishaana'y slee'meero oo umoo'qo diiro kuunga' tundu intsihhiimis. 17 Hhaee'ee' ani kuunga' tundun harhhee hhe'ees tiwa harmagahha' dir mukda' asfoolita' kwada geetaapiiro'r qamiim asma inooin intsaahhaasada'r haratlintaa o kuunga' taa sleere' kaa sii' kuunga ti paratle' dir ine. 18 Asma mu'k ido'r kwi Aakore'n Yesu Kristo ngu asgadiyuusiika' ala a mu'k xu'uti wasle'n ngun al/aya/ayiya' nar axweesana'y tsatsaa'are'n nee oo sla'atimis. 19 Umoo'qo heewo iidigoohu'ng nguwa axaa's gidaaba' kuunga' a mu'k iialoe'n dir ya/abto'r hhoe, gawaa' idoorihe ani a qwalalaa'/ as kuunga' ala ga'r ani ni slaa' a kuunga' alo' moso' an mu'k sagiloe'n baraa' moroo hhoe, nee an mu'k daktana bara' morooda' tlakwe. 20 Nee Munguda' idaydoo' harmiis ino's kuunga' tundu /uuruu' i hariis oo Neetlaangw kuwa naakea/aruura' nar gaanslaay baraa' tsa/a'aa' ya'aahu'ng i ale Aakoore'n Yesu Kristo kuunga' tundu tsuuqi 21 Timoteo kwada' nee ani algadiyuusa ino's kuunga' tundu intsihhiimiis, nee Luko nee Yasoni, nee Sosipato sleeme tundu intsihhiimisiya' inooin a mu'k tlahha'y'ee'. 22 Ani kwi tertio barwaari naga gooiim tuntu intsihhiimiis nar baraa' Aako. 23 Gayo kuunga' tundu intsihhiimiis sleeme ani a dahhaymoowo's nee mu'k krishaana'y slee'meero in dir do'owo's wa saalaalin, Erasto tundu intsihhiimiis ino's a Pee'sa''r amoohheeemiis oo baraa' gixsari nee hhiyaare'n kwarto sleeme kuunga' tundu intsihhimiis. 24 (Algaytileek, baraa gooida'r geeraawo hhaywi i kaahh qaytsiit dir Rumi. 16:20. "Aakoore'n Yesu Kristo kuunga' tundu tsuuqi. Amin.") 25 Mungu' i xirfuuti ino's ngi aleesla'y kuunga' tundu wa gawaleesi baraa' haratlintaaooro nar ya/abto'r hho' tada'r gawaa' Yesu Kristo, tada' ani ni alki/iit nee ar lu/aarayda' taa /uu'/iimir aa'ng wa ale kuwa geehhooee's. 26 Ala hinti hu/aarayda' kwa geehhooee's nar baraa' gooir aaruuse, nee lu/aarayda' kwaa alki/iit dir mu'k xoordu slee'meero nar hara'eyaada'r Mungudoo' alhheeesay wa'sl as mu'k xoordu slee'meero alo' moso' ya/abtooda' hho' ngi iia looees kawa haratlintii'i. 27 Munguwi ino's kilo's an Mungu' sagalooa'r koo'm, ino's i xirfuuti nar baraa' Yesu Kristo ay alhhe'eesay wasle. Amin.