1 Aluuwo dawri' /aben ngire a'r mee yaamuu' /aben, asma dawri doo geera nee yaamuudoo' geera na waarahhii' nee sla'mi tlawita' da'w i male' ka'hh. 2 Gixsada'` hhoohhoo'` ngire a'r Yerusalemu'r /aben i gawaa dawri wa awdi't amo'r Mungu wa ale. Gixsada' kaa tsiitiis ido'r dasir ta duxuuti ar taa suluguu's as garmaada' du uxuxuu'm. 3 Ani afo'r u'r ngire axaa's a'r baraa' kitangwdoo' aleesleemuu' daahh. Afoori' i kat' Ga/aawaak hota'ngw Mungu' di'r i dirii'i a dir tla/a'ngw muu. Ino's ire hoot tla/a'ngw 'in wa ale. Nee inooin tare muko's nee Mungu' ino's oo kila'' tare dinkwa na inooin. 4 Nee ino's hhirhheeri slee'meero ngi fiits gawaa' ilaaine. Nee sla'mi gwa'ara didae i ka'hh, tam tsuuhuumit; nee tam /aa/ee, nee slahhe'eemis sleeme i kaahh. Asma moroodoo' geera aa qaroo' waaraa'hh. 5 Kwada' aa iwiit gawaa' kitangwdoo' aleesleemu ire oo' Galaaweek ani moroo'slee'meero u /abeemaa` i ki/is' nee ire male'bay gooiimeek asma /ayme'eerika' a lo' nee oo hariima', haratlintaaooro". 6 Nee ino's ani iire bay "Aa tleehharuit ani an Alfa nee Omega, iimu/uungw nee alhhe'eesaay. Hee' waxiit awi u ma'ay slafingw i hariis as ngiwa wahi, sla'mi oo bu'utu wasl. 7 Hee' harba/ati ngi sla'w ino's moroowi slee'meero ngu aal. Daqade' ani tare Mungu'wo's nee ino's tare garmaaee`'. 8 Ala, mukdoo' da'ayuuse nee kwada' naa haratlinti' ii ka' nee kwada`' buhhaabuhha`' nee nuikda`' mu'k tsuu'/ nee mu'k fuquuse,nee da/a luuse nee mu'k mungu'ii' hatla'` haratlinteatii' nee lamuuse slee'meero, di`r'in a baraa' tlawitadi' asla iwa ohahiin ar kibiriti. Gaari an gwa'ara'r tsa'r. 9 Malaykimoo' wa'k ani ire i harda'h ino's an malaykimoo' wa'k baraa' malaykaduuda' faanqwe, kwada' qwaree/iimaa` faanqw ngi kooma', qwareeliimaada' `i' hatsi'ya' diftaada' ''faanqwe ar alhhe'eesaay. Malaykimoowi ire axwee's nee ani' ire oo' ''Qwala'ng amoori ani dasiida'r duuxo ngi /aqaa'm hare'r deelmoo` beeli. 10 Ani ino's ire' ar tla'y nar baraa qeeru ay gawaa' tlooma'r ur tlaarantleer. Gixsa'r Yerusalemu ngire laqa'n, gixaida' hhoohhoo'`l i awdit gawaa' dawri wa ale amo'r Mungu'. 11 Gixsa'r Yerusalemu xirfuu' Mungu' ngu koo'n nee gixsari ire gwa/a't ido'r tlaa/nooda'` lo'' wa gwa/aa't ido'r looa. 12 Gixsada' ku/u'ng ur ngu koo'n oo tlaarar ntleer. Ku/ungi' tsufi' ii ngi ko'n a mibaa' nee tsa'r. Nee maykaduu' mibaa' nee tsa'r tsufi 'iika', ngi`na de' ee`ne`' nee gawaa' afii tsufi' iikae um'ii mibaa' nee tsa'r kaa gooin oo tlahhi'iida' mibaa'nee tsa'r oo mu'k Israeli. 13 Tsufi 'ii ta'm i bahhii da/aa'w i dirii 'ya', nee bahhii /uya tsfi'ii ta'm, bahhii basa tsufi 'ii ta'm nee bahhii /iw tsufi' ii ta'm sleeme. 14 Ku/uu'ngwi gixsa nga harweer kuna ihhaa'f nar tlaa/ee mibaa` nee tsa'r nee gawaa' tla/uka`' mibaa'nee tsa're um' ii ya/abuuseeda' mibaa' nee tsa'r ar deelmoo` bee/i kina gooin. 15 Nee kwada' aa axwee's nee ani' ino's i daair ko'n ar taa tlee'hh nar miinsli ar gixsa ngiwa qoomeesi nar daaida', nee tsufi 'iiwo's nee ku/uu'ngose. 16 Gixsada' tlenango's nee inylaaxweemaawo's a ga'r wa'k. Ino's gixsada' ngire qoomee's nar daair aa'ng. Har qoomaywo's a ido'r kilomeeta'r kume tsa'r nee tsiire tsa'r nee mibeeri tsa'r tlenango's mee intlaaxweemaawo's nee tlena`ngw gawa slee'meero a wa'k. 17 Ku/eero's sleeme nguwa qoomee's ga'r aa sla'y a daba`' tsiiruu' wa'k nee mibeeri tsiya'hh nee tsiya'hh ar har qoomeeda' hee /iisi ir qoomameesi. 18 Nee ku/u'ngda' ga'r kwar tlee'hh aa tla/uuda' hhohho' oo ta babay yaspi, nee gixsada' ga'r kaar tlee'hh a miinsli tada' hhoohhoo'' ar gwa/aa't ido'r ki'oo'r hhoohhoo'`. 19 Nee tla/uuda' kufu'ngw gixsa kafi hhaaf kaa suluguuis nar tla/eeda' tlaxo uren oo dawa'eemaa' dir baba'y, tlaa/ada'r geera ar iihhafiiro a yaspi a'r tsa'r a yaku'ti tada' hurhuur; a'r ta'm a kalkedo'ni, ar tsiya'hha sumaridi. 20 Ar kooa'n a sardoniki ar lahhoo'' a akiki ar faanqw a krisolit, ar dakaa`t a sabarajadi, ar gwalee'l a yaku`ti, fada' qantsaar, ar mibaangw krisopra'so, ar mibaa`nee wa'k a hiakinto, nee ar mibaa` nee tsa'r a ametisto. 21 Nee tsufi 'iidaa mibaa` nee tsa'r a boo/oo duu' mibaa' neetsa'r umoo'qo tsufa'ywo ga'r kwar tleehh a bo/oo'r wa'k nee uruwo'r baraa' gixsada`' ga'r kar tlee'hh a miinsli tada' hhoohhoo' tada' gwa/aat ar ido'r looa. 22 Ala doo' Mungu' oo naa a'r baraa' gixsade i kaahh. Asma Mungu' aleesleemuu' moroo' slee'meero nee deelmoo' beeli inooin an doo' Mungu'. 23 Tsee/ima' nee slihheengw gixsari ga'r ngis qwa/a timiis i ka'hh asma xirfuu' Mungu' i baraada' wa gwa/aat nee tsaa'sto's an deelmoo` bee/i. 24 Mu'k xoordu tare hi' iimiit nar baraa gwa/ateemaa gixsada'' nee waawitoo' baraa' yaamu xirfuuin ngure baraada' i huwahuuw. 25 Nee tsufi 'ii gixsada`' kiboloo' tseegiika' qooma'r tlaa tla/aango asma amsi baraadae i kahhiya'. 26 Xirfuu' mu'k xoorda kungure baraa' gixsada' i huuw nee ilaiwa/amer' in sleeme. 27 Ala ga'r slasla/aar ar baraada', ida'h i ka'hh nee sla`mi hee' moroo slasla/are'n tlehhahhiit nee hee' lamusmo i boloo' dahiika' baraada'` i ale. Alamu'k baraada' i da'h a mukda` umi' ii in taa gooin kilo's baraa' kitaa'buudoo' slafiingw oo deelmoo' beeli.