1 Aluuwu malaykimooda' yaae'r ma'a'y slafingw koom ngire laqa'n. Yaaeeda' ma'aywos i gwa/atiya' ido'r /ooa. Yaaeeri dir da'hh a baraa' kitangwdoo' aleesleemu oo mungu' nee oo deelmoo' beeli. 2 Nee ire waara'hh nar baraa' tla/an'gw uruwa'r gixsaa nee afee' yaaeero bahhii bartaqa'' nee bahhii bartihe xa'anoo' slafiingw i deer, xa'anoowi i laqwalin sagaa'wa mibaa nee tsa'r gawaa' kurko' wake. Naliiwo's ngire hamaareemiis umoo'qo slihheengo. Nee loo/o'r xa'anoowi mu'k xoordu ngu hhooee'mii`s. 3 Ga'r taa afu's nee Mungu` ka boloo' ariika' baraa' gixsarihe. Ala kitangwdoo' aleesleemu oo Mungu nee oo deelmoo beeli i baraa' gixsada'' i dirii'. Nee sagadiyuuseero's ino's ngu sagadiyu's. 4 Inooin gitsee/awo's ngi ga/aya`' nee umoowo's kwaa gawaa' gitsee/uu' in i gooin. 5 Amsi baraadae i kahhiya' gwa/ateemaa' tsaa' ari inooin ga'r kis yahamiisi i kahh, tam gwa/ateemaa' tsee/imasteeme asma aakoo' Mungu' an gwa/ateemaa'in nee inooin tare waawuti' ii' in ay alhhe'eesay wasle. 6 Aluudae malaykimooda' ire bay /ayme'eerika" a oo lo' nee oo hariima' haratlintaaoro, aakoo' Mungu' Mungu' doo' qeeruu' aaruuse ino's malaykimoowo's ngwa ya/aa'w as morooda' harda'h mar ganslaay nguwa dir sagadiyuuseero's i laqa'n. 7 Ga/aaweek, ani ni harda'h nar ganslaay mu'k amohhoo`' a kwada' axweesanaa'y aaru'uuma ngwa o'h kwada' baraa' kitaabuuwi' i dirii'. 8 Ani Yohana moroowi una axaa's nee ngure a'r. Nee moroowi ngwa wa hhe'ee's axaasaro nee arto ani nire guruunguree 'iit dir ya'sa' malaykimooda` moroowi ngwa laqa'n as ino's nguwa sluufimiis. 9 Ala ino's ani ire ba'y ''idoosi ma tlehhiitaar, asma ani sleeme a sagadiyusmo dinkwa nee kuuing nee hhaeewo'k kwadoo' aaruusero, dinkwa nee kwada`' slee'meero oo axweesana'y kitaa'buuwi ngwa oohii', ala kuu'ng Mungu' na sluufimiseek. 10 Ino's ani ire ba'y ''axweesana'y aaru'uuma oo kitaabuuwi muu tseega'r nar kufu'li asma qooma aa naka'/. 11 Hee' haraa/untusmo i komu'ti baraa hara/untsawose. Itee ' slasla/aa'r i komiiti baraaslaslalaruwose. Itee' gan'amuu' tlehhahha iit i komiiti gan'amu nguwa tlehhiiti' nee hhoohhoo'' i komiiti kuwa hhoohhoo'`. 12 Ga/aaweek, ani ni harda'h nar gans/aay nee bu'utuu'ee'` i dinkwa nee ani ar umoo'qo heewo nguwa buu' naridooda'` ar tlehhemuuwo's. 13 Ani an Alfa nee Omega kwadoo'geera nee kwadoo' alhhe'eesaay. Nee sla'mi awi an iimu/uungw nee alhhe'eesay. 14 Mu'k amohhoo' an kwada`' inqwarooin ngu hhuuntsiit. Asma inooin /tiya/aa'ma'ri hariis ar /aamuu' xa'anooda' slafiingw kuwa /ayi nee tawa baraa' gixsada`' i dahi nar tsufi' iiwos'. 15 Amo'r afeenir gixsaro seeaawa i deer nee mu'k dalaluse nee mu'k fuquuse nee tam mukda`' mu'k tsuu'/ nee mu'kda'' nee mungi' ii hatla'` haratlintaatii. nee mu'kda' slee'meero oo axweesanta' lama ngi slaa' nee oo nge axweemamii's. 16 Ani Yesu malaykimoo'ee`' nguna ya/aa'w as moroowi nguwa aleee kal/a'n dirhu'ng i ale kuunga'` mu'k krishaana'y oo baraa' gixsaduu' dimbaba'y, ani a heeda`' baraa' tlahka'y Daudi daahh ani a xwayla'r Daudi ani a tsatsee/ida' gwa/aat ar matlatle ar ta babay haymu. 17 Nee qeerunee dasiida' ta duxuuti ta kaahi ''qwala'ng, nee hee' idooda' nga' axaas i ooi 'qwala'ng'' nee hee' waxiit ni hardalu', nee umoo'qo hee' ma'a'y slafiingw ngi slaa' ngi taataahhi oo bu'utu wa s/. 18 Umoo'qo heewo oo axweesana'y aaruu'ma ngu axaamiis kwada' baraa kitaa'bu uwi i dirii' ani ino's u gurbuu' gidaaba' hee' aba'r garka nga doo'g gawaa' axwee saraywi i ale` daqada' Mungu' diftaada' taa gooin baraa' kitaa'buuwi i ale' ngi huu daandoo' heewi i ale'. 19 Nee hee aba'r garka nga /aaree's dir axweesana'y kitaa'buuwi oo aaru'uuma, daqadi' Mungu' hariima'r heeda'` ngi hengee's baraa' xa'anoo' slafiingo nee baraa' gixsada`' hhoohhooe. Hariimaro's ar ta hengeesi an tada`' iidigoowo's kaa gooin baraa' kitaa'buuwi i ale'. 20 Kwada' moroowi ngu aleekal/aa'm ino's i kaahi, ''reit ani ni harda'h nar ganslaay'' amin, qwala'ng aako Yesu. 21 Aako Yesu kuunga'` slee'meero tundu tsuuqi Amin.