1 Aluuwo malayimoo ngure a'r i awdiit gawaa` dawri` wa ale, malaykimoowi dakose ga'r i kon a gweermo'r bohongwda`' tseree'` nee himoo' muqsli oo u'r diqiyaa' koo`m. 2 Amaatoolida`' u'r ngire o't , amaatoo/ir aa'ng ino's an ibilisi nee neetlaangw. Ngire tse`q kureeri kumoo` wa'k. 3 Ngire kwaa'h baraa` bohon`gw tseree` bahongwda" ngure tsee`g ngure kufu`lir i qaa's as ino's mu'k xoordu mungaa' male' al/aa'y ay dir kureeerida' kumoo' wa'k i boo/iya' ala aluuwo ga'r kawa harii'm a kan gwee'r har qooma'r niinawe. 4 Aluudue kikileerii' aleesleemu ngire a'r nee muu nga i iwiit . Mukwi` kwa aleesleemu i hariis oo sakwasleema kawa tleehhi. Nee sla'mi qeeru ngure a'r oo mukda`' ta sagiitlaa'q ar Yesu kwa wa aleekal/a'n nee ar axweesanta' Mungu'. Mukwi' an kwada' makitoo'oda' nga i guruunguree' iitiika' tam munguwo's kwadae ta dabaa'r tlee`hh, nee sla'mi layaada' kaa ohiika gawaa' gitsee/a'ine, laqaaa' tam baraa' dabaa' ine. Mukwi ire slafingw i kii/ tare waawuti ii' in dikwa nee Kristo kureeri kumoo` wa'k. 5 Nee mu'kaa meet baraa' mukda' aa hha'n i ale' aa mu'k slaa'f tleehhitiika' tam ay dir kureerida' kumoo' wa'k i boo/iya'. Gaari an waas/o/oo` qeeera. 6 Itee' amohhoo`' nee hhoohhoo' a kwada' da'w baraa' waaslo/oo` geeraawo. Gawaa ' mukwhe gwa'ara'r tsa'r i /uuruu' koondaaka' ala inooin in geeraharuuse'r saaliingw tleehhiitiya`' dir Kristowo nee sla'mi inooin tare waawutii' ii in dirkwa nee ino's kureeri`' kumoo' waka. 7 Nee kureerika' kumoo'wa'k ibirnaa faakii' neetlaangw bolooda' ku gweer baraa' tseeginooro's tada', wa ale'. 8 Ino's nire ti' iit as xoordu ngi wa al/ayaa/a'y kwada' baraa' buhheeda' tsiya'hh ar yaamuu' i diriia`' kwada' ta babay Goo`gu nee Magoogu xoorduka' kire burumbuur as slaqwara. Faaror' in a ido'r hhasa'ngw baraa' tlawita' dirii'. 9 Inooin tare tsa/e'n nar baraa' yaanuu slee'meero nee marayda' mu'k hhohho' oo Mungu' kire harwee'r nee tam gixsada' Mungu' i sla'a' an. Ala asla nire gawaa' dawri wa /e't mu'kda' ngure /a'y. 10 Nee tlaangw kwada' muu' ngu al/a/aay ino's kuree kwaad'hh baraa' tlawitada' asla iwa ohahiin ar kibiriti. Dirii an dida' makito'ooda' nee awruusmoodoo' lama sleeme i dirii' iya' inooin kiree slahhe'eemiis tlaatla/aangw ne amsiiwo ay alhhe'eesay wasle. 11 Aluudae kitaangw aleesleemu oo ur oo /awaa'k ngure a'r nee kwada' aa gawaada' i iwiit dawri nee tslaamu gi'tsee/aawo's ngire ilagowii' nee pa/angw' in ire kahhuu't. 12 Mu'k aa hha'n ngure a'r oo ure'n nee oo ninakwe. Inooin taa sihhiit dir geera' kitangwdoo' alees/eemu. Kitaa'buu' hatla`' sleeme kure gwee'r. Kitaa'buuwi a kitaa'buu' slafiingw. Nee mukda`' aa hha'n kure sakwasleemuu't ar har qoomii tlehhemii' ii' in nar idooda' kaar gooiin baraa' kitaabeemaadi' i ale'. 13 Tlawi mu'k a hha'n ngure du'x baraawo's wa ale. Gwa'ara nee dida'r mu'k a hha'n mu'k aa hha'n ngure baraain wa duxuutii' mukwi kure sakwasleemuu't , umoo'qo heewo nar har qoomu' tlehhemi' iiwo's. 14 Gwa' ara nee dida'r mu'k a hha'n kire kwaa'hh baraa' tlawitada' asla iwa ohahiin. Tlawiti asla iwa ohahiin an gwa'ara'r tsa'r. 15 Nee umoo'qo heewo oo umoowo's taa gooiinika' baraa` kitaabuudoo` slafiingw i ale' ino's kure kwaa'hh baraa' tlawitada' asla iwa ohahiin.