1 Aluu' moroowihw afo'r ur ngire axaa's ar ido'r afo'r boo/aay yaariir oo gawaa' dawri afoori ire oo' "Haleluya Ba/ama a ar mungu`re'n nee xirfuu' nee /uuru. 2 Asma sakwas/eemaro's a ar lo' nee i gana' ino's tsaatuso'ooda ' ur tada yaamu nga hhitiin nar tsaatu'uumoro's nga sakwasleemuut Mungu' ino's ngina sakwasleemuu`t asma ino's sagadiyuuse'r Mungu ngina tsu'/. 3 Tare malo' oo' Haleluya quuiro's i gawlti tlatlee'r ay alhhe'eesay wasle. 4 Bariiseeda mibeeri tsa'r nee tsiya'hh nee moroda' slaa'f tsig'ahh tare guruunguree, iimiit dir geera' Mungu' i ale kwada' a iwiit gawaa' kitaa'ngw aleesleemu mungu kura shuufimiis tare ooin Amin Haleluya." 5 Afo'r baraa kitaangw aleesleemu' daahh ire oo' mungu`re'n na iia'tleesaa'k Kuunga' kusiya sleemeero oo sagadiyuuseero's kuunga kusiya Mungu' ilaiwaa/a' mu'k nina'kw nee mu'k uren. 6 Afoori ngire axaas' ar ido'r boo/aa'y yaaru'r nee ido'r afo'r ma'ay yaari ir oo wa/amiima' baraa wa/angw i ale nee sl'ami a idor' afo'r xuuraa ir /uuruu' koo'm. Afoori ire oo' "Haleluya asma aakoo' mungu'rein Aleesleemuu smoo moroo slee'meero ino's waawuti'iima nga sla'y. 7 Gimse' qwalakire baraa/are' Mungu' w xirfuu' i hariisaa'n asma qooma'r duuxo'r deelmoo beeli aa xee'r, nee dasida'r dasida'r duuxo taa qaaro amohhe'es. 8 Nee sla'm Mungu dasida' nga ya/aa'mar i harus kawa tsiitisi nar inqwaraa' /awa'k oo hhohho`' kwada' lo` wa gwa/aa't. Inqwarooda' /awa'k oo hhohho'a tlehhemi' iida' ganaa'a' oo mu'k hhohho' oo Mungu. 9 Malaykimoo'da ino's ani ire bay "Ayme'eerika gooiimeek gidaa`ba. Mu'k amohhoi a kwada' ta kwahha's baraa' duuxo'r deelmo' beeli, ire male' bay Axweesenaywi a axweesanaay lo' oo Mungu." 10 Ani nire guruunguree'iit dir ya'aawo's i ale as ino's nguwa shuufimiis. Ala ino's ani ire bay' idoosi ma tleehhiitaar, asma ani sleeme a sagadiyuusmo dinnkwa nee kuuing nee hhaewoge kwada' sleemeero oo alee kala/a'ngw Yesu ngu kooma' asma alee kala/a'ngw Yesu a qeeruu' aaruuma. 11 Aluuwo dawri ngire a'r na gneemitii nee faraa'sir/awaak ngire baraada' wa a'r Nee faraa'sida nga i tsa/an ku babay kwada insereehhir koomaka' nee loousmo ino's sakwasleema ngi tleehh nee slaqwara nar gana'amu. 12 Ilaawo's a ido'r duuraair asla neegar gawaa' sago's a slam'ii yaariir, ino's kwa umooigooin oo hee ixuuiika' aqo har ino's kilo`s. 13 Ino's kwa tsiitiis nar inqwaarir taa untsu' baraa' tseere mee umoowo's ku babay axweesanta' Mungu. 14 Nee boo/aaa'y gawaa' dawri dirii' ngure digi'r deelii' taa tsa/a'n gawaa' faraa'say /awa'k inoin inqwaroo kaa i tsiitimiis a inqwarooda' /awa'k oo lo' wa hhohho'. 15 Nee paa'nga'r dihh i baraa afko's wa ti' iimiti as ino's mu'k xoordu nguwa daraahhi' nar paa'ngada', ino's inooin ngi sawaawuti in nar hharta muqusli. Nee ino's boho'ngwdoo' na/aa sabi l' bu kiwa tsoo/iti ngu kala/a'n bohongwdoo' waha'ngw buhhaa' Mungu' aleesleemusmoo moroo slee'meero ng koo'm. 16 Nee ino's kwa umoo igooin baraa in qwaarirose nee baraa' afaa/aywose gidaa'ba 'WAAWUTMOO' WAAWITA' NEE AAKOO BARISEE" 17 Aluuwo malaykimoo' wa'k ngure a'r aa sihhiit gawaa looa ino's ire tsee' nar afo'r ur ire oo' dir tsir/o slee'meero ar gawti tlatlaw Qwalaas" dir moroo`/aymaada' ur oo Mungu. 18 Qwalaasi fu'unaay wawita' /ayak nee fu'unee' geeraharuusir askaari nee fu'unee' askaari, nee fu'unee faraa'say' nee mukda' faraa'say i tsa/a/a'n. Nee fu'une' muu slee'meero oo mu'k lawaala, nee mu'k lawaaleerooka' oo mu'k nina'kw nee mu'k ure'n. 19 Aluuwo makito'ooda' ana a'r neewaawito'o baraa' yaamu nee askaa'rir'in inooin tawa burumburiit as tawa s/aqwi nee kwada' gawaa' daadoo' faraa'sir i dirii' nee a /aarirose. 20 Makito'ooda' kare oh dinkwa nee aaruu smoodoo' lama, asruusmoowia kwada' tlehhemiii waa/oo/amo'r kooma' nga tlehhiit geera makito'ooda wa ala. Sla'mi ino's muunguna al/ayaa/aa's nar tlehhemi iiwos' kwada' mu'k taa al/aa'y a kwada' laya'r makito'oo nga ilao'h nee oo mungudata dabaar' tleehh oo makito'ooda' ngwa i nguruunguree'iit. koka' Asarkwawoo kire kwaa'hh slafii ala' baraa' tlawitada' asla iwa ohahhiin ar kibiriti. 21 Nee mukda' a meet kure tsua'/ nar paa`nga'r kwada, aa iwiit gawaa dandoo` faraa'si. Paa'ngari dir i dahha gawaa' afko's nee tsir/o slee'meero ire a'x fu'unay'ire.