Tsufa'y Mibaa'nee Dakaa't

1 Aluu' moroo wihe malaykimoo' hatla' ngure a'r malaykimoowi i awdiit gawaar' dawri wa ale. Ino's aleesleemuu' u'r ngu ko'n yaamu kire gwa/atiis xirfuuwose. 2 Malaykimoowi ire tsee' nar af'or ur ire oo`i "Babelida" ur aa hu' ino's a hotanqw neetlaame'r tlakw tlehhit , nee sla'mi' a mar ir umooqo tsir/ir tlaakw tada' ta ahhiiti. 3 Asma mu'k xoorda slee'meero wahangwdolos' tsaatu' uumaro's ngwa wa'h. Wahangwda' i buhhaa' Mungu' huwahuuw. Nee waawutoo' baraa' yaamu aa fuquu's nee ino's nee halaanu' uuma'r tlehhiit baraa' yaamuuwo aa daqaari' iis nar daqaari 'iis nar daqaari' ii maro's tada`' ur ar har qoomay wasl. 4 Ani afo'r hatla' ngire axaa's ar gawaa' dawri daahh, afoori i kat. "Mu'k ee', kuunga" ti'iite' baraawose as ma dinku' uu mitaara' nee ino's baraa' tlakweemaawose, nee sla'mi as kuunga' mutuundaa diif nar diftaaro's tada' ino's kawa difi. 5 Asma tlakweemaawo's naa tlahhii' nay hardahii' gawaa' dawri i ale' Nee Mungu' tlakweemaawo's slee'meeronga insla'y. 6 Kuungs' ino's buaak nar idooda' ino's ar bu' uu's ka bua' sagaa'wa tsa'r wa ale ar tlehhemi ' iiwo's kwada' Ino's wahaasaak nar wahaangw oo ido'r kwada' ino's muungwa wahamis, ala dirose doogaak sagaawa tsa'r ale. 7 Slahha'amu nee gurhaami diro's i hariisaaak nar idooda' ino's taar xirfeemis nee ar ho't nar slafingw dihhooa, asma ino's i kat baraa' muunoo'wo's i ale gidaa'ba ani a waawito'o sla'mu a kwaalo'orooka', ani gurhaami a boloo araaka',. 8 Ala as ino's awa idoori kat diftaaro's i baraa' looa'r wa'k i harda't gwa'ara, nee gwhaami nee giyee't , ino's kare xaawu'y nar asla ka'ngw kilae. Asma aakoo' Mungu' oo ino's nga sakwasleemuut , ino's i /uuruu' ko'n. 9 Nee waawitoo' baraa yaamu kwada, naa fuquu'sii nee ino's nee oo naa aldiihhouusii nee ino's inooin tare tsuhuum iit qwir aslta' ino's nga xaawuur bar kaa ar. 10 Inooin tare amo'r saaw sihhiit as tawa da'ayuuniiti slahhe'eemisoowo's kwadae. Tare oo' Gixsada' ur ar Babeli, gixsada' /uuruu' koom hhiintloow'k ka gawit asma gawaa' looa'r wake gakwasleema na harda't.' 11 Nee mukda' halaanu'uumar tlahhiit baraa' yaamuuwo inooin sleeme ta /aa/amin nee ta tsuhuumiis as inoos asma hee' morooin kwada' ngu tlaxuu'm i kaahh alkwi'i. 12 Morooin kwada' ta tlaxwaaxun a kwi miinsli, nee lapiya', tlaa/eeda' tlaxouren nee bo/oduu' tlaxo uren, inqwarooda' /awa'k oo hhohho nee kwado' siira/atin, inqwarooda' natsatsaa' nee kwada da/aten, umoo'qo xa'anoo' xaraangw tsuu' nee umoq'o xooslmoo' taa tlee'hh nar xareemii daawe, umoo'qo xooslmoo' taatlee'hh nar nar xa'anoo' tdaxo u'r nee kwada' taa tlee'hh nar muqsla laqaa' nar muqsla'r da/aten, laqaa' nar tlaa/eeda' tlaxouren oo ta babay marimari. 13 Nee slami qafooda' xa'ana oo xaraangw tsuu' oo taa baraa' di/ita' i qamaamin xwatsooda ta da/a/an oo xaraangw tsuu' nee dilitada'r xaraangw tsuu' nee dilitada' tada' ta da/a/an ar xaraangw tsuu' Nee slam' difaai nee dilita' xa'anooda ta babay miseituni, puuruu'' /awa'k nee bala'ngw angaa'no hikwa nee bee/aangw faraa'say neegaardu lawaale nee tam mu'k hatla' sleeme. 14 Ani kiing i baw na/aa' xaai kwada' muunoowik slai naa ilaawo'k slai naa ilaawo'k wa qwarii' garaardu mutukadu moroow'ok slee`meero kwada' tlaxo ure'n nee kwada' xirfuu' koi`m a ilaawi'k wa qwaa'r sleeme. Nee slami moroowi muungu boloo' ariika'. 15 Mukda' halaanu' uuma'r tlee'hh nar moroowi kwada' daqaari'iima nga sla'y nar Babeli tare amo'r saawi sihhiit as slahhe'ee' misoowo's kuwa da'ayuumiti tare /aa/amin nee tare tsuhuumiis' 16 Tare ooin "Hhiint/oowo's ku gawit gixsada' ur tada' ta tsiitiis nar inqwaroo' /awa'k oo hhohho" mee inqwaroo' siira/ate'n mee oo da/ate'n tada' ta su/uguu's nar miinsli nee nar tlaa/eeda' tlexo ure'n nee nar ba/oduu' hhohho`'. 17 Asma daqaari' umari slee'meero a qwa't gawaa' looa'r wa'k i ole. Nee umoo'qo neewo oo naqiimaa gariaamiiss baraa tlawitoo ire sihhiit amorqa' saa'w i ala nee mukda' slee'meero oo hhayuumiit nar baraa. tlawi nar nar naqiimo nee tam kwada slee'meero oo baraa naqiimaa'wa gadiyuu'sa koka' sleemeero tare sihhiit amo'r saa'wi ale. 18 Mukwi ire lo'wa /aa/amin qooma'r quui kawa a'r ar gixsar Babeli asla ngawa al o't tare oo Gixsa'r ur ar ido'r ti idee`ro? Naqiimaa malaalima. 19 Ahape kare kwakwaa'h gawaa' sagi' in i ale tare /aa/aamin nar afor ur tare tsuhuu miis tare ooin gixsada' ur hhintloowo's ku gawit asma muu slee'meero oo naqiimas' koo'm oo baraa' tlawita' wa hi' ii miit, inooin ta daqaari iit nar daqaariiimor gixsar. Ala hinti daqaari ii maro's slee'meero aa qwa't gawaa' dooa'r wa'k i ale. 20 Kuunga dawri nee kuunga' mu'k hhohho' oo Mungu' nee ya/abuuse nee aaruuse kuunganqwalala/e as ino's . Asma Mungu gixsari nga sakwa slee muu't as tlehhemi ii wo's kwada' ino's naa kuunga' i tlehhit. 21 Malaykimoo' wa'k oo /uuruu' koo'm tlaa/ana ngure taataahh oo ido'r aka/a'r xoosliingw. Tlaa/aroowi ngure kwaa'hh baraa' tlawi'ti ale ire oo' "Gixsada ur ar Babeli kiing ti kwaahh nar /uuruu ido'r tlaa/anoowi ar ale' sla'mi ti ariika' boloo' ale. 22 Nee sla'mi mukda' irimb'ar diif nee tam m'uk /aykuuse nee muk filimbir ifhhaan nee muik tarumbeetar' ifhhaa'ra afo'r'ika male` axaasiika`' baraawoge boloo' ale nee sla'mi mukda gadiyee'r dimbaabay ar daba' ngi xuu' inooir la boloo' ariika' baraaawoge. Nee slami afo'r tlaa/a'r xoosliingw ka boloo' axaasiika' baraawoge. 23 Nee sla'mi gwa/ateemaa' asaa'asi kiboloo' ariika' baraawoge nee afor garmaa' duuxuxuu'm nee ar dasir ta duxuuti ka boloo' axaasiika' baraawoge male' ale. Asma muko'k kwada' halaamuumar' tleehh inooin a mu'k aleesleemuu' koo'm baraa' yaamuuwo, nee xoordu slee'meero kina al/aya/aa'y nar da/ariwo'k. 24 Baraa' gixsarihe tseere'r aruuse kaa a'r nee a'r nee a'r mu'k hhohho' oo Mungu' nee ar mukda' slee'meero ta tsuu'l baraa' yaamuuwo.