Tsufa'y Mibaa'nee Faangw

1 Malaykimoowa'k nire harda'h ino's a malay kimoo'wak baraa' malaykaduudu' faanqwe kwada' qwaree/iimaa faanqw kooma. Ino's ire axwee`s dir'ee i ale' ire oo' "Qwalang amoori, ani sakwasleema'r tsaatuso'ooda' ur ngi laqaam diro'k i ale ino's a tada' 'aa iwit gawaa' ma'ay yaariir i ale". 2 Uaawitoo' baraa' yaamu aa fuquu's nee ino's nee mukdoo' baraa' yaamuu' hoo't kwaa oonitimiis nar waha'ngw tsaatu'uumaro's." 3 Malaykimooda' ani irer tlay nar baraa' qeeru ay baraa' yaamuu' duriq. /Ameeni ngire a'r aa iwit gawaa' makito' o'r daa/aae lo' wa ale. Makito'oori i hats umii gotlithingw segii faanqw ngi koon nee xareemi mibaangwa. 4 Nee sla'mi /ameenida`' kaa tsiitiis nar inqwaroo' siira/ate'n nee oo da/at'n. Ino's ka siluguu's nar miinsli nee nar tlaa/eda' tloxo ur'en nee nar bo/'duu' hhohho' ino's i xooslmoo' koo'n oo miinsli baraa' dakose. Xooslmoowi aa haa'ts moree' tlakwe mee umoo'q slas/a/aruu' tsaatu' uumarose. 5 Nee baraa' gitsee/awose umoo' lu/aara'y kwa gooin gidaa'ba: "GIXSA'R BABELI AR UR AAYO'R TSAATUUSE SLEE'MEERO NEE AAYO'R SLASLA/ARU SLEEMEERO OO BARAA' YAAMU". 6 Ani ngire tsaa`hh gidaa'ba /emeenida' kaa oonitiis nee tseere'r mu'k hhohho' slee'meero oo Mungu' nee nar tseere'r mukda' taa tsuu/ as Yesu kuwa aleekala/a'n. Ani ino's ngiwa a'r nire waa/oo'/ lo' wa ale. 7 Malaykimooda' ani ire bay "Ga'r ta waa/oo/omi'm a mila? Ani lufaara'y /ameeniri' ngu oo' diro'k i ale' mee oo makito' oori /ameeni ngi gagariim makito'oori /ameeni ngigagariim, makito` oorir sagiifaanqw nee xareemii mibaangw. 8 Makito'ooda' taa aa'n ino's geeraawo i deer ala hinti i ka'hh nee ino's i ti'it wa baraa' boho'ngw da' a fsareree't wa ale nee ire t'lee'r amor qwanaay. Nee mu'k baraa yaamuu' wa hoo't kwi umii'in taa gooinika' baraa' kitaa'buu' slafiingw iimir yaamu kawa tleehhiika', inooin ta waa/oo/ qooma'r makito'ooda' bar ka ar. Asma makito'oon' geeraawe i deer, da hinti i ka'hh nee aluuwo i harda't. 9 Baraa' kaangwihe gar ta slai a fuquraangw. Kwadoo' sagaaloo'r koo'm sagiida' faanqw a tloni' ii faanqw oo /ameenida' aa al iwit. Nee slaimi sagiida' a waanitoo'faanqw. 10 Inooin a waawitoo` faanqw waawitoo' kooa'n kwa daraa'hh qaroo' ale, nee oo wa'k i deer, oo hatla' na hardahiika' kwi bir na harda'h ino's deehor i wa hooti ka ureeka'. 11 Nee makito'ooda' geeraawo da'w nee hinti' ka'hh ino's an waawutmoodoo' dakaa't. Nee sla'mi ino's an waawitmoo' wa'k baraa waawitooda' faanqwe nee ino's ibara' qwanee' ka'y. 12 Xareemida' mibaangw oo taa aa'n a wawitoo` mibaangw. Inooin waawuti' iima kaa slayika'. Ala inooin waawuuti 'iima ka sla'y tawa idor waawita 'ar har qooma'r looa'r wa'k dinkwaa nee makito'ooda'. 13 Inooin axweesantain a wa'k ga'r inooin ta slai amakito'oola' kan /uuruuin i harii s nee aleesleemuuin. 14 Nee inoin koka' ta slaaqw nee deelmoo' beeli. Ala deelmoo' beeli inooin ngi harbeaf, asma ino's a aakoo bariisee neo sla'mu` ino's a waawutmoo` waawita' Nee muko's kwada' ta atee't mee oo ta tsawaa'r nee oo insereehhi'wa'sl, inooin baali ngi slaya' dinkwa nae ino's. 15 Aluuwo malaykimoo`da, ire bay "Ma'ayda, taa aa'n kwada" /ameemida' tsaatuso'o aa al iwit a muu nee boo/aay nee xoorda nee tsi`fri. 16 Nee xareemida' mibaangw oo taa aa'n nee makito'ooda' koka' /ameenida' tsaatuso'oo ngi aahhiye' inooin /ameenida' ka /eetla kus'oo tleehh kare /aankweetsiis, fu'unaywo's kire /aay nee kare xaawu'y nar asla. 17 Asma Mungu' inslaslangwi ngwaa qaa's baraa' mune'r'in i ale' as kawa tleehhi tada, ino's slai nee inooin tiwa axweesani slaslaya' gidaa'ba waawutii ii mar'in kawa hariis dir malato'ooda' ay dir axweesanee Mungu' i `boo/i. 18 Nee /ameenida' taa aa'n a gixsada' ur tada`' wawuti `iima'r koom daardoo' waawitoo' baraa' yaamuuka`'.