Tsufa'y Mibaa' Ne3e Lahhoo'

1 Ani afo'r ur ngire axaa's baraa doo' Mungu' wa ale' Afoo'ri malaykaduuda' faanqw ngire bet, "Tlawse' qwaree/iimaada' faaqw oo buhha Mungu' gawaa' daandoo' yaamu ti iku'use`'. 2 Malaykimoo geera ire tla'y qwaree/iimoowos' ngure ku' uu's gawaa' dandoo' yaamuui' i ale muukda' laya'r makitu'oodai ngi koo'm nee munyuwo's kwada' ta dabaa'r tlee'hh ngwa i guruungu ree 'ii miit mukwi um'een tlakw ngure aye' oo slahhe'eemisa'. 3 Malaykimoo tsa'r qwaree/iimoowo's ngure ku'uu's baraa' tlawi nee ma'ay tlawi nire tseere tleehhitii`' idor tseere'r hee aa gwaa' nee moroo' slee`meeru kwada' slaa'f oo baraa tlawi ire hha'n. 4 Malaykimoo` ta'm qwaree/iimoowo's ngure ku'uu' baraa yau nee baraa' tsingqu` ma'ay nire tseere tleehhitii. 5 Ani malaykimoodo` aleesleemuu' koo'm dandoo ma'aaywa ngure axaa's i kaali "kuu'ng kwisi hhoohhoo' kuuing a kwada' da'w nee kwada' qaroo' daada`w, kuing a gan'amuu' moo'n asma kuu'ng kwasleema'r idoori kawa tle'hh. 6 Asma inooin tseere'r mukda`, hhohho' oo Mungu, nee ar aanuuse kawa ku'u nee hinti kuu'ng inooin ika tseere'r i haris kawa wahi nee idoori a ido'r hariim dir' ine. 7 Aluuwo afoo ngire axaa's a'r baraa' mee`saae' ilahhooa'r daahh i kat "Aakoo' Mungu' aleesleemusmoo moroo ` slee'meero sakwaslee maar'ok ar lo' nee i gar'amuu' koo`n." 8 Malaykimoo' tsiya'hh quaree/iimoowo's ngure kuu's gawaa dandoo' tsee/imaa' i ale. tsee/imaa ya/aama ngire sla'y ar nuu' nguwa da/a/a'n nar asla. 9 Muu kare da/a/a'n nar asla nar da/a/a'ngw ure'n ala tam idoorihe inooin umoo` Mungu' ngure gotlitu' kwada' alee sleemuk koo'm daandoo' diftariye, nee sla'mi ta hhoi'ii'inika' nee Mungu' kwa xirfuu' i hariisiika'. 10 Malaykimoo' kooa'n qwaree/iimoowo's ngure ku'uu's gawaa' kitaa'ngwdoo' aleesleemu oo makito'ooda' waawutiimaro's kare giwtir i kwaa'hh muu' tsifreeri'in ngire kikiihh as slahha'amu. 11 Mungu' oo gawaa' dawri kure gotliit as slahha' amuuin kwada' nee as un'eerida' naa slaslage slaimi' tlehhemi 'ii' in kwada' kaa hhoi 'ii' inika'. 12 Malaykaimoo' lahhoo' qwaree/iimoowo's ngure ku'uu's baraa' yaaeeda' ur ar ta babay Frati. Ma'a'y yaaeeda'i nire kahii' as waawitoo' da/a'w daahh uriwo'in kawa tleehhi. 13 Aluuwo qeeruu' t'am oo slasla/are'n ngure as oo slaqa's nee tlapepe'/. Qeeruuwi amo'r dahhi a baraa' afko' mahito'ooda' nee baraa' afko' aarusmoodoo' lama. 14 Qeeruuwi a qeeruu' neetlaame kwada' laya'r tlehhiet, Inooin tan tlatla'y amo'r waawita' slee'meero oo baraa' yaamu as nguwa dinkwar` i haragaasi as slaqwara. Slaqwaarari i tleehharut a boolooda`' ur ar Mungu' aleesleemusmoor moroo sleemeero. 15 (Qaytsuit ani` ni harda'h ido'r fisusmoo' wa ala' Hee` amohh' a kwada' damawaa`n nee tsitaywo's ngu amohhe'ee'mis as maa hi' iimiit nar /aaakweta' ta'ns muu alsi' i muuw'os mungaa a'r.) 16 Qeeruudi waawitooda' ngure buruumbuu'r dida' ta babay Harmagedoni tsifri'r ebraniano. 17 Malaykimoo' faanqw qwaree/iimoowo's ngure gawti tsifaaqaa's, afo'r ur nire baraa` dee' Mungu' da'hh baraa' lata'ngwdar aleesleemu. Afoori ire oo' A bu'uit tleehhamutaro. 18 Qoomaada'r kilae mankari nire harda't nee xuuraai, nee kududuhaay, nee kuuseelia ur nire harda't kunseeliri ku la' wa ur bam kunseelir wa ar ido'r ti aaa belee' ti ' itika iimi`r hee kuwatleehhi baraa' yaamuukee. 19 Gixsada' ure kare qasmiis badu ta'm nee gixsaduu' koordu nire yaamuu' i paahhii' Mungu' gixsada'r Babeli tada' ur ngire insla'y ngire xooslmoo' waha'ng i haru`s oo buhhaawo's. 20 Umoo'qo yaamuu' kaahaar oo tla/a'ngw tlawita' i diriia' nire ilaa' wa qwaarii' nee Hom'isleeme kire ariika'. 21 Tluwaa'y tlae/e oo ur lo' wa ale oo gawaa'dawrii daa'hh ire tluu'w gawaa' mu'k i ale` tlaalee' tluwaywi iileeemaawo a ido'r kilo'r mibeerii kooa'n muu Mungu kure gotliit asma diftaada'r tluwa'y tlaale, asma diftaaro's ti kalo' wa ur kaagw kila' wa ale.