Tsufa'y Mibaa-Nee Kooa'n

1 Aluuwo laya'r hatla' ana gawaa' dawri waa'r a laya'r nee a'r waa/oo /amo'r koom. Layaari a malaykaduu faanqw oo diftar faanqw ngi koom. Diftari faanqw a tada' r alhhe'eesaay asma buhhaa' Mungu' na boo/ii nar diftari. 2 Aluuwo garka ngire a'r a ido'r tlawita' gwa/aat idor kioo'r wa ale artaa aleedoo'k nee asla mukda' makito'ooda`' nga baa/nee Mungu wo'se kwada' taa dabaa'r tlee'h , nee faaro'r umoowos` kwada' mukwi sleeme una a'r , inooin taa sihhiit afe tlamitada' gwa/aat as ido'r looa'r wa ale: Inooin ta irimba'r Mungu. ko'n. 3 Nee sla'mi inooin daa'angw ta daai' a oo Musa, sagadiyuusmoo' Mungu' nee daa'a'ngw delmoo` bee/i ta kaahi. "Aakoo' Mungu' Aleesleemusmoo' Moro' slee'meero tlehhemi' iiwo'k ki uren nee waa/oo/armo'r kona' waawutmoo' xoordu slee'meero. Kuing urduuwo'k i ganaa iya ' nee slanu' a oo ha' 4 Aakoo' hee' kuing u da'ayumiitaaka' a ma'a' nee hee' umoowo'k xirfeemu`saaka' a maa' Asma oo hhoohhoo' a kuing ki/o'k xoordu slee`meero ni hardihiya' nee nire geeraawo'k i guruunguree'iimitiya'. Asma tlehhemi' iiwo'k oo ganaa'a' naageehhooye'. 5 Aluu` moroowihe nire qaytsiit Doo' Mungu ngure a'r kwa wa gwee`r do' wi a hee' mada'r aleekala/aangw, tada' gawaa' dawrii' i dirii'. 6 Malaykaduuda' faanqw kwada' diftada' faanqw koom nire ti' it baraa-doo` Mungu' wa ale, inooin kaa tsiitimiis nar inqwaanoo' /awa`k lo' wa ale oo miirii/ nee sla`mi gawaa' daleebabuu' ine ga'r ta tsegiit a hime'er miinsli. 7 Nee oo wa'k baraa' morooda i slaa'f tsiya'hh qwaree/imaa` faanqw oo miinsli ngire harmiis dir malaykaduuda'r faanqw qwareeliimaaka' kaa hatsu't buhhaa' Mungu he. Inoo's an kwada' slaa'f ay aehhe'eesay wasle. 8 Doo` Mungu' ire haats quuiro tada' amo'r xirfuu' Mungu daahh nee amo'r aleesleemuuwo's sla'mi hee' dahrmuu baraa' doo- Mungu ngwa aleeslay i kaahh ay dir malaykaaduuda' faanqw diftada` faanqw ngire hhe'eesiya'.