¹ Alhhe'eesaywo, hhaee'ee qwalala/e baraa' Aakoo' wa ale. Aning a slaaqaataaka goiro tida' naa gawoo' dirhu'ng i goam asma tis ana ga'r nu amohhoari huwu. Ti harmagahhe' dir soawero. ² Ti harmagahhe dir sagadiyuseeda'r muruu tlakw tlee hhiiti. Ti harmagahhee dir mukda slaqo ngi tlaqoo' wa slaa' ar al/ut/lo. ³ Ala mu'k taa al/tu'n a ate'n ar al/utlooda'r lo' Qeeru Mungu' ate'n ti ganaa'miis baraa' slufagrene. Ate'n tin xirtay eemisaan as Kristo Yesu kilo's, Ateeda gihhe'ko maaka' baraa' slaqwato. ⁴ Ta'm idoo's baraa' hee ideer oo kangw slaqwaa nqwa haraahhuf kara geraa' anign an heee idhoos ngik tleehh'. ⁵ Aning tim al/uu'hh bdor deloor dadaa't ala tiwa xwayluu. Aning a hee xooror Israeli hee tlahhee Benjamini, anign a hee Ebrania, tam xwaytiitere'e a mu'k Ebrania kangw hareyar Musa ooharo aning a hee Farisayo. ⁶ Ilakaharu una lo'wa tleehh gawaa' daaduu hara'rya, tam Mu'k kanisa ngure slahhe'eemiis' geera' harnaxes hotaa' habaa kin slaslaya ar hariaga boo/eesa, geera alo'k aning dakuus a komaaka. ⁷ Ala muruuda' slee'meero aang naa harafaar tawa slaaslaw direene, hindi muruuda una haraafadiit tawa' ido'r xwanstay dir eene asma Kristo nguwa xuu'. ⁸ Loeema kilae' muruu slee'meero un harafadit tawa /aareemaa' kila asma idoda Yesu Kristo Aakoole nguwaxuu tawa hee lo' asma inose muru slee'meero unamawii un harafidiit tawa ido'r xwanslay as Kristo nguwa xuu'. ⁹ Nee as tiwa baraawas i ga/aay. Aning harimariee ar niwa ganaa' asma haraaya i haahh ala harmar haratlintaoro baraa' Kristo ar amo'r Mungu' daa'hh, dir'iika' i hhaa'f aa gawaa' haratlintaa'o. ¹⁰ Hindi gar ni slaa' aa ino's nguwa xuu nee /uuruwaasle/ewos nee dinku'uumar baraa' slahhiama ayeero's, Aa slaa tiwa wergeesi nee Kristo nar slaqaasee qwaaraaro's. ¹¹ Aning alok harahhifo an koom ar tiwa waaslee/itisi baraa' mu'k aa hhan wa ale. ¹² Ar loe'eaka' gidaaba' hindii muruusi ugwaa' slaw, Ala ilakaaharu ur tlehhiti as miwa haradah nee gadada ngiwa oh toda' Kristo Yesu isa taeet, qooma'r iwa oh. ¹³ Hhaeee, haraxu'uti a komaka' ar gidaaba' Muruuwi ugwa qaroo slawu. Ala gar ni tlehhiit a wa'k, ar aluu' an saga' qware mu's ar qera an ga/aaw. ¹⁴ Ilakaharu una tlee hiit as ngiwa i harda'h doda' na harafara nee slaaslowo ngiwa slaw gawa toda tisa aleet nee Mungu' ar baraa' Kristo. ¹⁵ Ateeka slee'meeo oo baraa' ba/amar i dir'a i hariin ti kawa inslaslawaan. Nee bar' hee hatla tundu ado'r hatla i hhasliit gawai gari hatlee', sleeme Mungu' tisi ngiqo geehhooatis amoreene. ¹⁶ Tam nal ikosiye aqo ya/aa/aamanaka tawa idori'in tisii ar horan. ¹⁷ Hhaee'ee' kuunga slee'meero idoori an nir hoot nar hootaa'k Go/aawaa'k wa lo' ko da hootaa' idoor ateem wa ale. ¹⁸ Slee'meero oo hoota aa koda naa oo garawo nee hindi nu malee idabaw nar hhirhheri, oo yaaririr tawa hhooti aa idoor wakuuser' masalaba'r Kristo. ¹⁹ Alhhoeseeim aa hhitruu'ta Asma Mungu'in a gura. Xirfoin i baraa murein i dirii. Hhasloriin a gawaa' muruu' baraa' dando yaa'mu. ²⁰ Ala ate'n ayaren i gawa dawri an amoro gwerusmooren Yesu Kristo kwii damaarman. ²¹ Oo slaqoore'n koka hhituruumiita ngiwarqees nee tare ido'r slaqwto's toda'r xirfoo koon nar aleesleemuuda' muruu slee'meero ngure ale slay.