¹ Gawaa' adoorihe, hhaee'ee' awa sla'aaruusea'n kuunga' nun lo'wo inslasla'w kuunga'a qwa/awee' nee slamangw ar ba/ati alkwii sihhtono hhe'eese' baraa' Aakoowo. ² Unfiriin kuung Eudia, sleeme unfiri'inu kuungu suntike tiwa haraki/a nee tawa muunuu' wa'k oo wayda kuwa donda baraa' huunge' asma kuunga tsarawo ana haragwaee' nee Aakoo'. ³ Loema' kilae' nun fiirimu kuungo sagadiyuse dinkwa nee aning. /amerasi ale/lisaaki asma agalkinkuutaa nee aning baraa'r ya/abto'r hho' ar Aakoo alki/iitoo' nee kelementi dinkwa nee sagadiyuuse'r ar Aakoo ar hatlaee umer'iin kaa goin baraa' kitabu slafingw. ⁴ Qwalaala/e daqisleem baraa' Aakowo slami nu male bawa qwalala/e. ⁵ Tse eeemahung i geehhouye dir mui slee'meerowo. Aako naa nakaa/. ⁶ Ma dawiimitaara umuuqo gaaro. Ala umuuqo gaaro ar ta sla'a'a Mungu' ni idabawaak, kuwa furiirinda nee kuwa shufmisa. Nee muruhuung oo ta slaa i xuu'titi diri . ⁷ Wayado Aakoo, kuda ur dir tsaahharer slee'meero, munerhung ngi deeen nee inslaweyhung nar ale/isay Kristo Yesuwo. ⁸ Alhhe'eesayso hhaee'ee' aldakutaak muruu' da slee'meero oo' lo' nee kuda alaika/amero koom nee muruuda slee'meero oo gana'amuu koom, nee oo hhohho oo slaari nee muruu slee'meero kuda idagoo hho' koom oo saga loar loom dinkwa nel koda harim xirifesaro. ⁹ Tleehhaak muruuda' slee'meero taa dir' ee wa instsahhe nee kuda la ilaate kuwa axase nee tamu koda taa dir ee wa aande', Daqani Babur'en kudu wayduu' loom i dinkwa nee kuunga'. ¹⁰ Qwa/aa/oo ur uu /o' wa koom gawahuunge baraa' Aakoowo asma kuunga' ngina laqaande' male ale ador kuunga ir male /iisa baraa' muruuda ni slaa' ala' tam pa/angw ir /isa fuma ala sleeri'iika'. ¹¹ Aning idoori a koohoaaka as niwa gar slaa'. Asma aning umoogo idooro aga intsaahh. ¹² Aning aa xuuu idoor ur hoot bara aa /aaruw gou tlaakw i ka'hh, gar tlaakw i kaahh baarnares slaaslaw iga wa tlahh sleeme. Umuqo barto an ti amohho as aga intsaahharirim lu/arir iroor nir /aymu qoomar axanko nee idoor /aymuaa qooma'r qwarko' tam muruu bira wa tlaahh laqaa bira wa /aaruy aning ti amohhoo. ¹³ Idoor tleehhaaro an aleeslaaw nar baraa' alee/iise kuda aning /uuruu' i hanimisa. ¹⁴ Nal idosiye kuunga' idor hhoo aga tleehhe ar aning iwa alee/ise baraa' slaahhamaayer'e'e tihe. ¹⁵ Ala kuunga mu'k Filipo kuungo kila kaangwi xua qoomaadar geerawo ya/abtor hho' ngiwa alki/iit nee yaamuu mu'k madekonia ngiwa geexaw mu'k nee aning agaalkinkuusaan baraa' muro slaslango nee hanimisuwo a kuung mu'k Filipi koloohung kanisar hatlaa ar idoor nga tleehh i kaahh. ¹⁶ Tam qoomar aning niwa tesaloniker idiri alee/isaay ngir hube qoonar an nguwa slaa' tan a sagaawa wakeeka. ¹⁷ Kuunga' ma kaahara gidaaba' aning garmi leelehhiit a alee/isaay. Ala gar ni kaahh a fih ar kuunga /aamuda slaslawar huwahuwu amorhuung i ale kuwa sleera'. ¹⁸ Mura slee'meero ugwa ilaooh, nee hindih ta hatsis muruu yaarir i ale, muru'uuhang ugwa ilaa ooh waa dir Epafradito. Aa muruu' lo wa hho oo xarangw wa tlallangw slaqase moyangw aa muruu ya/aamuut slee'meero aa ilahhoar Mungu' ngu qwala/atimsi. ¹⁹ Asma idosihe Mugu'ee' kuda xirfuu koom toda slee'meero kunga taa slaa' ngi hamiis ar har qoomar daqaari'iimar xirfuwo's nar baraa' Yesu Krsitowo. ²⁰ Mungu'ure'n nee Baabu'uren i xirfuuti ay at hhe'eesay wasle. Amena. ²¹ Intsihhiisante'ee i hardat dir umooqo hee koda Yesu Kristo ngwa hartlintii' slaaruuser nikoom dirhe miitsihhimisiga. ²² Mu'k oo baraa' harflintao slee'meero oo diridiria tundu itsihhimis aka ale mu'k doo waa wautmoo mu'k Roma. ²³ Nee hindi tsuuqaa' Aakoore'n Yesu Kristo alo/indinkwa nee munemoohungw.