¹ Baa'r tundu u/uuruu i dogiti baraa Kristowo. Baar gurkwa/amis amool sla'aasiros dahho. A bar dinku'uuma'r baraa' Qeeru idee'r, Aa bar hhooa nee gurtleemu ideer. ² Ala baraa' idosinge qwala/ooe bo/eesak ar tawa baraa' Mununuu wa'k koondaa' ar tawa baraa' sla'aarir wa'k, ar tawa wa'k baraa' dinku'uuma'r wa'k ar baraa' qeeru koondaa nee omoqo delor ti aaweesanay akamise'. ³ Umooqo gaaro ma tlehhiitara nar fola laqaa' ar daara/aangw. Ala alok umooqo hewo tin kilo's munaweemiis nee muk hatlaa tawa mu'k lo' to kuunga'e. ⁴ Umoo'qo hewo muwa ak baraa' tos i meet ala nee muk hatla ngu i qaytismiti. ⁵ Kuunga alok muunoo ado'r kudoo' Kristo Yesu un koonda. ⁶ Ala ino's tam nee Mungu' i qona. Tisi nee Mungu' i wa qonanga gar tsahhika. ⁷ Ino's tina kils ninawees. Ire ido'r la waaleno tleehhiit. tire geehhoes nar ido'r slaqase' hee kuwa ar an hee. ⁸ Ino's kilos tina hiinawees ire hol nar ila iwa/ame ay gwaaraaro's gwaarar msala'aba. ⁹ Gawaa' idoorihe Mungu' nguna lo wa gawaa' tsa/aasa hhe'ees. Nee ngure umooda ur i hamiis umooda' ume slee'meero ga baa/. ¹⁰ Nguna idoos /iis as umooqo heewo ar baraa' umoo Yesu umoo'qo heewo iwa gurungureiit. Mu'k gawaa' daurii ii dirii nee oo gawaa' dando' yaamu nee oo baraa' yaamu i dirii. ¹¹ Nee idoos ngina tleehhe as umaogo hee iwa ooi Yesu Kristo a Aaka, as Mungu' Baaba' kuwa xirfeesi. ¹² Gawaa' idoosiye sla'aaruser'ee idoda axweesante'ee kar ualoomisa deloo slemu ari qoomar agar diiri ala alikibii tamu qomara baraa' kahh, gawaa' adoorihe gadiyuuse ar dae nee daaraxaay as aba/amarhunge kawa bo/esa. ¹³ Asma Mungu' in baraahung wa gadiyuus ino's kuunga' nu alee/iis as slaariro's kawa tlehha' he gaayer hhoo' kawa tlehha. ¹⁴ Umoo'qo gaaro bar tlehhita na tlehhilaara ar qununu/aay nee tlaampamis. ¹⁵ Idoosing ni tleehhaak as mtundwa afutwi aa na/aa Mungu' oo inkihhimu komaa' oo xa slaxansli wasl nee nee dakuwa' wasl, idosii nee ni tleehhaak as tawa adoor tsaas baraa' dando' yaamuuwo tlaangw qarti tlawke. ¹⁶ /aaymuu slafingw lo tiwa ate' as gaa ngiwa koom ar xirfw balor deeloda'r Kristoowo, asma aning ngiwa xuu gidaaba' agaa' tawo tii' miika lagna aga tawo daawimitiika. ¹⁷ Ala tingi ku'uumisi idool ilahhoar nee gadiyer'ee as hartlintaorhu'ng aa qwalala/ nee qwalala/ dinkwa nee kungaa' slee'meero. ¹⁸ Kuunga' slee'me aa qwalala/ nee anal qwalala/an. ¹⁹ Ala aa la wa slaa' ar baraa' Aako Yusuwo Timoteo nguwa anorhungu yalaaw ar ganslaay, as muuna'ee iwa qwalaa/i kangugung bura axaa's. ²⁰ Asmaa hee hatla i kaahh oo idoor i no's oo munow /oema ngu hom asma kuunga'. ²¹ Awa hatlaa' slee'meero a muruuim kilos ngun sleehhitiya ala a gadiyer' Yesu Krisloowooka. ²² Ala kuunga' timoteo u xua idor kur inkihhim asma a i door na/ee naboim as gadiyuus, an idor nee aning tara gadiyusan baraa'' ya/abtor hhooe'. ²³ Gawaa' idosiye aa slaa' ngwa ya/aaw nar qanslay bar tsahh gar tlehhharit amila gawaaene. ²⁴ Nee aning haraxu'uti a koom slee'me baraa' Akoowo ar aning sleeme baraa' deeloori tseewe niwa amorhungii hardah. ²⁵ An ngi slaa' sleeme i qoon hhiyaaren Epafrodito nguwa amorhungii i ki/iis. Ino's nee aning adadiiyuusaa'n, slawi ino's a slaqwarusmo wa'k dinkwa nee aning, ino's kuunga' nguna ya/abe' amo're'e i ate as aning iwa sagdiyuusi nee tida an ni slaa ngiwa hamuuisi. ²⁶ Ino's kuunga' slee'meero mun /o'wa inslaslay iri lo' wa daauti nee nguna lowa sla'aa ara nee kuunga tawa dinkwa, asma kunga aga a xsee idor tlig. ²⁷ Ar lo' inos aa /owa tiig, afku bohhonto nguna wa kii/. Ala Mungu' ino's ngure guretla'y tom aning sleeme Mungu' ina girtlay, as gurhaamiree miwa dogiin. ²⁸ Gawaa' idoorihe ngu amorhung i kiili's nar gantasa'y as doganeko bura male ande tawa qwala/ nee sla'm as gurhaamiree' iwa /aaruur. ²⁹ Gawaa' idoorihe ino's ilaoohaak ar qwal/uu yaariir, ado'r hhiyaa' baraa' Aako. Mu'k iko'r ino's ilaiwawa/aak. ³⁰ Asma ino's inadah baraa' tsaxwa ir nakaa/ gwaaraaro as gadiye'r Kris as anign iwa alee/iis, alee/isayda' kuunga' taa harsalaqate' as tundu' wa sawen.