1 Ne inaoo diriini ale "Loemawo anka dirhhung iale baratla/anghhunge muuider. Osihhimit wadiri o hhamaka di wawiitimar Mungu dir nar hhardatika ner /uri." 2 Ne delo lahhoo iwawarahh Yesu Petro ne Yakobo ne Yohani ng'inaartlsy dinkwa ne inos gawa Tloma, inoin. Kiloini aluwo gitse/awos inawarqee gerain wa ale. 3 Tlabawos ire /awakuye walo, nere/awakuye akaale /awakemada ikahhiya bara dando yamuwo. 4 Aluwo Eliya dikwa ne Musa inatiiti girainiale ne qomasiye in axawesiya ne Yesu. 5 Petro inaoo Yesu ng'unabay Itsahhatusumo ate qure tam utlehhan ar wak asma kung, ar wak asma Musa ar hhatla asma Eliya. 6 (asma ng'ixuiyaaka gar oa, tanadaayut waloo) 7 Tlafi ninatiit ne ng'eretuntuk aluwo afo ninatiit wa bara Tlafitada ikat " kwi a Garmae onitlaa inos iariqasak." 8 Qomadae tawaqaytsit, hee taar ikahha odinkwa ne inoin, aqo Yesu kilos. 9 Tindiwa/e/etin wa gawa tloma, ng'inabay tada taande maoara dir hewo, ay balo garma hee bindawatso/ watara baa. 10 Aluwo moro ng'unaa mohhesi inoin tina kiloin yahamisii amila kang idor kwi "iwaatlo/i wa bara baa." 11 Yesu ng'ure yahhasiye " asma mila gouse tawakahi Eliya nialaxay ger ale." 12 Ng'inabay "alo Eliya nixay ger ale moroo tlemero ng'uwaba/amisi asma mila garkasa goin garma hee tlahha/emiso yarid ng'utlay ne kure sii? 13 Ti ng'in kahh dir hung'i ale Eliya ninaqaroxay ne idor in tada tlaiya ng'ire gawawos itlehhi, idoda goi kat gawawos." 14 Ne niwaki/ii amor Eharuse bo/eyarir ng'una arii kaharrwer ne Masadukayo titlampaamisia ne inoin. 15 NE qomadae ng'uwa ari bo/etlemero tanabafaa nire tiine ng'uwalawaesiya. 16 Eharuseros ng'inayahas "ng'inabay gartiwa afouruxunda ne inoin agawa mila?" 17 Hee wak bara bo/ewo ng'unabay Itsahhatusumo garmae ng'uhhuwa dirok, netlamer tlak ng'wa afoqwares ne iaxwesika. 18 Ng'una daraxesir er ne inpahh yamu ne sloroo intiimit wa bara afa ne sihheni ng'i kikih ne inkahi ehharuserok anafirim netlang ng'uwaduxiya ng'wa ale tlayika. 19 Nginabay, " qarta hharatlintaowatl niiwawit nekunga ay afagomagala? Tikomkakoman aydaqala? hhuwari amor ee." 20 Na/ay kunahhu amoros iale netlame Yesu ng'uwa ar Garma ng'unadarxas ng'una dahh yam sloroo iretiit wa bara afkos. 21 Yesu baboin ng'unayahhas "gari ng'uwaer ar imir daqalaa?" Baba inaoo, imir tawa na/ay. 22 Ki/ima yaride ng'u tlax bara asla laqa bara maay, ne ng'un iarar ng'uwagasi abar idor taaletler ider tundugutler ne tunduale/is." 23 Yesu ng'unabay, kungbar der? umoqogaro iya/amut dir umohhewo o aharatlintii. 24 "Aqosiwada babo na/ay ina/aa/ ne ire oo" akaharatlintii ale/isang bara hharatluntaoro watlewo." 25 Qomar Yesu bo/ay ng'uwaar itiin amor inoin ale netlay ng'unaigahhat kung netlang afawatle ne xamii anakah tiit gexawe mamaledahar diros iale." 26 Ina/a/amin ner /uru na/eda ng'unawayayin netlangda ire tiit. na/eda kutoaidaor heagwaa. Oyarir tare oo, "agwaa," 27 Aluwo Yesu ng'unatatah ner dawa ng'ure tles, ne na/ay iresihhit. 28 Qomar Yesu iwadah barado ehharuseros ng'unayahhasii qomar tawa kiloin, "Asma mila ate netlame masa Hartlaqatan duxaro." 29 Ng'inabay, "idorihe itiitika aqo har firo." 30 Tanatlay wadida Galilaya. Kana del ng'atlaika tam he gala ng'iwaxui ditiidirii, 31 asma inos ehharuseros ng'in itsahhatimis ng'inabay "Garma hee kuhhardahas dir daba muu ne ng'ugasiya, ne bira gwaa delor tam birawarahh iwatloo/o maleale" 32 Aluwo intsahhasada ng'atsahhiika yahasaro ninadayutii? 33 Tawaharda Kapernaumu, qomar tawa barado ng'inayahhas, "Gartiwauruxunda bara Uruwaro amilaa?" 34 Inoin tanaxatlit, asma twahhiti tinaafouruxune gidaba he ur akaale a maa. 35 Inaiwit yamu ng'ina/akaa kwada mibane tsar dinkwa, ne inaaxwes ne inoin abar hee ng'itlaa inos, "Tawa heegera alu ng'idan tawa lawalumo muu tleme." 36 Na/ee minaw ng'unatatah ng'ure qas tla/ang in ale ng'una oh ner dabawos ire oo, 37 "Hee na/e idor kwih ngwailaoh ner umoe aani inailaoh, ne abar he anailaoh, ani kiloe inailaoh ne kwada anaya/aw tleme." 38 Yohani ng'ure bay, "itsahhatusmo he umaar o netlame duxut ner umowok unaila/an asma tikakomanaka." 39 Yesu inaoo muila/amara, asma he ikah ogadiyer /uru ng'itleh ner umoe aluwo /aymu tlak ng'ure oo gawaeiale. 40 40 Umoqo hhe dimbay diriaka ibartaren dirii. 41 Umogo hhewo o maay wahha 41 ng'ahhanisi ner kikombe asma kung a dinkwa ne Kristo loema ng'inkah, hee idor kwisi tlatlaworos ng'idakusikah. 42 umoqo hewo o koka ninakw aniahharatlintii ng'aamoqwaresi Garng'uwa hharim akun tla/ar xotling itseeg isaale kure kwah bara tlawi. 43 Abar dakok abaradakusar idahas tsate atsini tawa dat bara tlafing dakuwak ukondakah astawadat bara askwatlema daba tlemero ikon bara atltada "gwaaka." 44 (Harmagahhe, Hhaywi, "dir chabu iwahhanakang ne atla iwagwaakang." ti ikahh bara alqador qarne). 45 Yaerok bura bara dakusar idahhas tsatie, atsini bara dat bara tlafing yaerok a wak astuwakwahhi bara askwatle na kung yaawok a tsar. 46 (Haywi hharmagahhe, "dir chabu iwahhanaka ne atlta bolo gwaaka" tii ikahh bara alqador qarne). 47 Iltok bura baradakuwaridahas tuek, diroge tawadat bara wawiitimar Mungu kung iltoka wak asma ilawok tawa tsar ture kwahh bara giwiti. 48 Dir chabu iwader o hhamaka, ne atlfa gwaaka. 49 Asma umohhewo Kuhhohhoes ne atla. 50 Diwi Kahho, diwi bar tsuutiros ng'a qwares, idoka/isi tsuutiros iwa male ki/h? diwi komak barahunge kilhhung ale ne wayda komak ne umohhewo.