1 Qomar delodae, xoror yari inaburumburit moro/ayma iwafak Yesu ehharuseros ina/akaa ng'inabay, 2 "Ani xorori agutlatlaw asma adinkwa ne ani bara delor tame ne moro/ayma ng'u konaaka. 3 Ibiradiya/ iwaki/iya amor mareinale ta/aynika /ara/ari ng'i er bara utuwari ale asma qwari." 4 Ehharusero ng'unaber, "Mikate muki ng'u axis dirkuwatlawan adila, bara yamuka tagexay?" 5 Ng'ina yahhas "nginabay parhhemo mikate kikonda amagaa?" Tanaoo, "a fang". 6 Xoror yarir ng'inabay iwitee yamu, mikate fang ng'unaitatah Mungu ng'unaslufis, ng'ure parhhas, ng'ure hhanis dir ehharuseros ng'uwaqasisiya geraimiriale, inoini ng'ure qasii geara xoroo. 7 slufewo iwa hhees, ehharuseros ng'inabay hhanmisa, ti tleme. 8 Muu ina/ay tareax parhhemo na metii, kikapemo uren fang kire hhatsis. 9 Muk a/ayani aafiqomar kume miberi tsiyahh, e ng'inamay itlaye. 10 Qomadar kila inadahh bara malalumo inos ne ehharuseros, ne taretlay yamutabay Dalmanuta. 11 Muk Mafarisayo tanatiit tse/a iale tinayahhamisi ne inos. Asma kanq gawa dawridahh kwa tlai ar kuwaiarii. 12 Ng'ina aladak walo bara munowose ireoo, "Asma mila qarti garlelehhit mas tlaqsii? Tundun babw kunga loema kila, tlaqsii ikahhiya otindidirhhun /aqan kunga o qatii." 13 Ne ng'inagexay, inadah bara malalumo male ale amor gayu hhatla. 14 Ehharuseros qomadee mikate ng'unasagaqwaresi hhuwato. Mukate takon aqo parhhamita wak kilos tada bara malalumoidirii. 15 Ng'inaigahhat ng'ire bay tihharmagahhe qaysee waloo tideende as iringer muk Farisayo ne iringer Herode. 16 Ehharuseros tanakiloini axwes, tanao asma mikate kuwakomanaka. 17 Yesu ng'inatsahh tii ne ng'irebay, assuma mila "mas kilohhung axwesa asma kahhe mkatewo? akatsahhitke tlamti? atsatsahhandaeke munemahhung misaitlaxuye? 18 Ila ikondaake axumsaake? ia ikonda aaxamisake? aitlawindaake? 19 Ng'uwaqasmisi mikate loan dir muk kumekoan, kikapemomaga katatahhe onahhatsiye?" Ng'inabay, "mibanetsar." 20 "Mikate fang ng'uwaqasmis dir muk kume tsiyahh, kikapemo katatahhe magaa?" 21 Tanaoo "fang" "Ng'inabay, akatsahhiike tlamti?" 22 Tindinaxay Betsaida, muksi hhe ng'unahhuwie otampa dir Yesu ng'uwakwatiti. 23 Yesu hedo tampa ng'unadawaoh ng'unagerhhar ng'ureduxu bara ayko ng'una ila itsuq ng'ure dabawos iqas ng'ure yahhas "Gartage/er idero?" 24 Inaqaytsi gawtiale inao muu unaar aidor xai hhiimita. 25 Aluwo dabawos ng'inatumuus gawa ila hheda male ale ila hheda ninagweritii ireqaytsit "Malea ale, ne umugaro ng'ina ara wa loo." 26 Yesu ng'unagexay iwatlay amor doo ne ng'urebay, "madahhar bara aya." 27 Yesu tana tlay ne ehharuseros amor aya Kaisariar Filipi. Tawa bara uruwa ng'inayahhas ehharuse, "Muu iwaaxwesi ana maa?" 28 Tanao "Yohanida barimamisi. Ohhatlaa tanaoo a Eliya bahhaale tanaoo a arusumo wak baraurusero." 29 Yesu inoin ng'inayahhas, "Kunga makta ani a maa?" Petro inaoo "Kung a Kristo." 30 Yesu ng'inaigahhat ng'inabay maoara dir hhewo gawa kangose. 31 Yesu ng'inaitlay itsahhatimiso ar iwa kahhi na/e Adamu ihharin kuwatlahhaemisi wa bara morotlemero ne kure sii ne uruse ne kahhamuser uren ar Mungu ne gouse kuregas, ne delo tam bira warahh iwa slo/o. 32 Ti ng'ina oo argehhoema ne Petro ng'unabahhiiuruk ng'ure igahhamit. 33 Yesu inawarqay ehharuseros ng'ina iqaytsit Petro ng'unaigagahhat ne ng'urebay, "Tlaw alueeiki/e kung a Netlang! Kang Mungu uhhatlitakang aqo har kang muu." 34 Bo/ay ng'una/akaa dinkwa ne ehharuseros ng'inabay Dinkwariale ina oo abar hhe ider o ani digidelartlaa, Ti kilos tlanki, masalabaros ng'igagari ani idigideli. 35 Asma hhe hotwos ng'iba/amisartlaa ng'iqwares ne hhe hotawos ng'aqwaresi asma aning ne ya/abitor hho ng'iba/amis. 36 Hee gartlay a mila tam morodandoyamuka burng tlay ne inos tlafingos aqwar? 37 Hee gar hhanisi amila wa siwar tlafingos? 38 Umoqohewo kwada animurer waaraar o qarta fuquse ne qarta iringuse garma Adamu murerwaar balobindaxay ne wawiitimarr baboin ndikwa ne malaikada hho hho.