Tsufa'y Faanqw

1 Muku farisayo ne itsahhatuser amor Yerusalemur dahha tana burumburit inos kurehharwer. 2 Ne ehharuseros bahhaale mkate ng'un/ay ner daba tlatlaa/aren otahhama thika. 3 Dir muk Farisayo ne wayahudi themero i/aynaaka ay dir daba kiihhamatli waaloo. Dako bariser uren ngunaohhi. 4 Muk Farisayo binda ki/ii wa bara bo/ay. i/aynaaka aydirti hhamtli alaale. Ne hharaeyar hhatla ider tleme, ador kisanga, ne hhutlii, xotlaar dar/aten ne kiteri taal iwiwiti qomar moro/ayma. 6 Aluwo inos ngina bay, "Isaya inaarin ner idorqom gidaba kunga a al/aymuse, mukwi ani in ila iwawa/iya ner afiin ne munemain kihhsaw ne ani. 7 Ani in Ibadar itlehhitiya ar gidaba watl, gartaitsaahhatimisi a hharaeyar muu ar na ilaohhi.' 8 Hharaeyar Mungu anagexere ar muu anaote ner gatlay." 9 Inaaxwes dirin iale hharaeyar Mungu akasie hharaeyar hhun ana hharmagahhe! 10 Asma Musa inaoo baba ilaiwa/e ne ayi ilaiwa/e ne koda morotlakw aim gawa baboin laqa gawa ayi ngihharaxui igwaa.' 11 Ne kunga akata hhee birng'aoo dir baboin laqane ayirin ale/isee gerawo o tatleraa wa dir ee a qasir doo Mungu,"' (tisi, 'agidaba kanahhanis dir Mungu') 12 Idosiye hhe ualeya/andaka gaa ng'iwa tlehhi gawababa laqa ayi. 13 Hharaeyar Mungu anagartotlehhee asma unuhhung. Ng'una hhube ne moroyari o dorkwisi otatlehhita." 14 xoror yarir ng'inabay, "Ani iariqasari, kunga tlemero, axwesantee ti tsahha/a. 15 Gaa i kahh ar afenir dahh dir hhewo ar ng'utlatla/ares ar barawos. Dahh, aqo tada bara hhewariimit ng'un hhitin. 16 (Hhaywi: kwahhama/atlese "Umoqo hhewo oiarkom, ng'iaxasi" akahh bara alqador qaren). 17 Yesu qoma xoroo ng'iwagexay ne irredahh barado, ehharuseros ng'ina yahhas gawa tlaqasesiwiye. 18 Yesu inaoo, "Ne kunga akatsahhiike tlami? age/eraake argidaba umoqogaro ardarahh bara hhee tlatla/aresaro ng'u aletleraka, 19 asma dahhamu ng'u aletleraka bara munowose, asma agoindat bara guroo ale ne alhheese kare kwahh bara tla/a." bara axwesanti Yesu moro/ayma ng'unahhohhose. 20 Inaoo, "aqo tada tiimiti wabara hhee ng'untlatla/ares. 21 Asma gawaidorihe nintiiti bara hhee, wa ale tlatlor tlak tsahhuuma, fiso, tsu/uta, 22 tlatuuma ilatlerir tlak, tlakwema, al/ayma, tliima, tlumo, dandaaqwesini, dara/aw, hhawusomo. 23 Tlakwemaka tlemero bara muna ng'udahhiya, "an tada hhe ng'u tlatla/ares." 24 Inathay didawaale ire gutl ay ayatabay Tiro ne Sidoni, inadahh barado ne ng'atlaika kuwakhui ne hhee gidaba ino ibarasiye, ne inaya/amutika kuwalu/i. 25 Hareda, na/ewos kwada ninaw innetlamer kno, kang Yesu ng'unaaxas, inrexer, inahhuu dir yaawos i ale. 26 Hareda inos Amuyunani, ar tlahheee Kifoeniki. Ng'unahharhhehhees ino netlaan ng'iwaqusii wa bara dasiros taada. 27 Yesu hareda ng'inabay, "na/ii mawek kigerar/ay misi asma iqondaka mkate na/ii kuwaartlay kure kwaha amor soawe." 28 Hareda inaoo "Aloo ako, tam soawe noro/ayma o na/ii kwada paha wa gawa meza ng'uo /ayyaa." 29 "Ng'ina bay asma idori kawaoo, Kitlatlaw. Netlameda atiiti dir dasiroge." 30 Hareda inaki/ii amor doos iale ne iwahhardat dasi aqat gawa qatani , ne netlamee a qutl. 31 Yesu iwa aya Tiro ne Sidoni ng'inar warahh ina amor tlawita Galilayar xuu ay qamar Dikapoli. 32 Kuna hhee ihhuu oiawos axmisaaka ne axwesani ng'iloawaaletlayka, Yesu kunahharhehees ar daba ng'iwaqasi gawawos iale. 33 Ng'unadux afeni qauti ale, dir bo/ewo, ditsawos ng'ina qas bara iawos iale, aluwo tsunqa ng'iwa tsung, ne tsufrang ng'una kwatiti. 34 Ina qaytsiti gawa dawri, ina hhitl ng'ure bay, "Efata." Tisi agidaba "gwerit!" 35 Ne siwadee iawos ninagweriti, ne gar tsufrangos ng'wa ila/a kanahhitin ne axwesani ngire aletlay. 36 Muu ng'unabay kangsi muoara dir hewo. Ne inos tamnealdosi, kangsi kunaak alki/iti wa loo. 37 Tana bafaa, wa loo tare oo, "Morotlemero ng'waqomes wa loo. Tam muk axamisaka tanaaxas ne muk axwesaka tareaxwes."