1 Ninatlay wa amoda ireki/i ayawos, ne chharuseros nguna digirdel. 2 Delor hungu/uma niwa harda ina intsahatimis wa bara doo saling. Ne kuna iari qas ne muuk yariri ne kure wa/o/o tare o, "diri ngiwaslay intasahhatisar idor ti?" Sagaloari a gala kwaihanis? "Ne morowi o wa/o/umorkoni idor ngur tlehhiti ner dabawos?" Xay kwi a kwadeeke tawa kahii a hee pehhe tlehhahhiti garmaa Mariamu ne hhaewos in Yakobo, ne Yese yuda ne Simeoni? 3 "Xay dasuamaros akokaeke ne aten dinkwa?" Ne ka qwala/asike ne Yesu. 4 Yesu ng'ina bay, " arusmo ilaiwa/ame ngidakusika aqo har ayawos kilos ne hhaewos ne dir doos". 5 Tlehhmii wa/o/umor koma ng'a aleslayka didae, ne tiqtuser ninaa ngina daaiqass ngire hungu/us. 6 Kure wa/o/ waloo asma inoin ngiwa harathintiika. Aluwo ire hiimit wa bara maredo inslaway iwaintsahhatimisi. 7 Eharuseda miba ne tsar ng'ina atet ngire Ya/abit tsar tsar. Ngire alesleemuwi hanis, gawa nethamer tlax. 8 Ne ngima haraeyin minda ga tatahhiye bir thathaya aqo har moroo/ayama kilos. Muuqwa huye tam tlakway, tam pesar bara thinewos! 9 Har ya/ata kiloin ngi dahasiye ne moso a inqwaro tsareka. 10 Ne ng'ina bay " Umuu qo doo ti data, disi wa iwiwitak ay dir tleemuhung i xay. 11 Dir kungaa ta i hardate ar tunduwailaohika ne tunduwa iari qasika, qutle diriine, tlarangw bara Yaahung e kukuak, tawa gurbua diniine." 12 Inoin tare tlay ar muu kuwa gurbuun ar gidaba iwa hhoina ne tlakwemain ngwa mayaa. 13 Kare gusisin netlamer yarir ne tiqtuse kare imbalax ner di/i nee kire hhoes. 14 Wawutumo Herode ngiwa axas tising, asma Umwu Yesu iwa iatleruu wa loo bahhale, tana o, "Yohanida batimamis na waslo/ asma ne adosiye, /uruuwi" o wa/o/umo in gadiyus barawos wa ale. 15 Bahha'ale tana o" hheewi a Elia," ne o hatla tare o "kwi a arusumo, "ador arusedar ang." 16 Ne Herode ti ngiwa axas ina o, "Yahani kwada na isa tsat kwa waslo/otis." 17 Asma Herode inoso kila mu ngina ya/aw Yahani kwa ohi ne ng'ure tseek bara doo tseegmo, asma Herodia (Harer hhiyawos Filipo) asma inos ng'ina duux. 18 Asma Yahani Herode ng'una bay, " Iqondaka harer hhiyawok. kawa duux." 19 Ne Horodia ng'uwa gasar slaa ngurealesleerika. 20 Asma Herode Yohani ng'una daayut, "ng'ina xuu gidaba a hee ganaamukom a hee hhohho, ne ngure gexay kuamohho. Ne iwakomit axamisuwo ire hhimaus wa loo aluwo ina qwale/ nguwa axamis. 21 Ne qomaniwahardat ne delor xwayla Herode niwanaka/ wawita ng'una kwahas dir doos ne uruser askari nee wawitoo Galilaya. 22 Ne dasi Herodia ire dat ne ire bara/ gerain wa ale, Herode ngure qwala/as nee dahayeda a iwit qomar moroo/aymar xwera. "Nee wawutumo dasi ngire bay aning firimang garta tlaa aning ngi hamis." 23 Tinaafus ne ireo Umogartafirindang, ani ngihanis, tam wawiitimar ee ngiqasis. 24 "Inatiiti a feni ayiriin ng'ina yahhas, garnii firim milaa? "Inaoo sago Yohani mbatizaji na firime." 25 Aqo siwada inadat amor wawutumo ina oo "garinslaa ng'un qas bara sahani saqo Yohanida batimamis." 26 Wawutumo kunagurhamir ay wa loo alwo asma aforoda ne asma dahayeda firorostada siimao ng'aaleslayka. 27 Ne wawutumo askari nginaya/aw ne xumusumo ne inatlay sagu Yohani ng'unalehhiye xumusumoda inatlay sago Yohani ng'una tsataaye bara doo tsegmo. 28 Sagoda ng'una huu ner bara sahani ng'ure huu dir dasi, ng'una hanis dir ayiros. 29 Ehharuse idosi ng'iwa axas tanatlay tlaqwata Yohani kunafolar ay bara baa. 30 Ne ya/abuse tanaburuburit dinkwa gera Yesu, ng'inaalki/itii taa slemero nathehhitii ne tadata i tsahhatimis. 31 Inos ng'ina bay "qwalasiri kunga kilohung dir muu i wa kahhi ahhungu/usan qomar ninaw muku yarir ninaharda ne tan tlatlay ne tam pa/ang /ayma kwatlayka. 32 Tawatlay malalumo kuretsa/an tanatlay dir muu iwakahhi. 33 Kina ar qomar iwatlatlaya kina tsahh ne mukuyari, tana dinkwar wa tiin ner yaani bara ayemothemero inoin tana gerhhada. 34 Tawaharda dir afkotlawi, xororyari ng'inaar ng'iregutlay asma aidor be/aang deemokomaka. Ne moroyari ng'unaitsahatimis. 35 Tawakomit waloo ehharusero ng'unaidaqer ng'inabay, "dir ayamu na xaatlitii ne qoma afak. 36 Dellotio itlay moro/ayma ng'utlaxtaaye bara ayemoka o itlaway." 37 Alluo ng'inabay kunga moro/ayma tiihanisee,"inoin ng'inabay moro/aymar lapiyar tsiree tsar un tlaxtaawak kure hhanimisa ng'ur/ayya! 38 "Ng'inabay kunga mikatekukonda amagaa? Tlause iqaytsita." Mikate ng'uwatlay ng'inabay. "Mikate a koan ne samaki tsar." 39 Ng'inabay muu iwitisak gawa gitsor na/a dimbiimak. 40 Kina iwitis bara dago tsiru tsiri ne daqta miber koan. Alluwo mikate koan ng'unatatahha ne samaki tsar. Ne ire gauti gaytsit. Ng'unatsung ng'uregasmis dir ehharuseros ng'una qasiye gera xoroo. 41 Alluwo samakida tsar ng'ina dir muukwiqasis. 42 Muutleme ina/ayn ire aax. 43 Parhhemo mikate onametii kinaburumbur kiapemo mibanetsar kinahhatsis ne parhhemo samaki. 44 Muk aa/ayn a hhawate kumekoan. 45 Ehharuse ng'inabay tsa/ame gawa malalumo tlawee ay amor Betsaida, qomar inos iwa delloroin dir mukda yarir. 46 Qomar inoin iwatlaye inosinatlay inafiror ay gawa tlomaa. 47 Qomar xwera niwaxaaye. Malalumo ibara tla/ang tlawtiidirii, inos akilos bara yamukahhar. 48 Ne ng'ina ar iwawaqamiia wa bara tlaang tlawi asma kina ila/a ne furaa. Qomar matlatleniwakhaye ng'ina hharadaqay, inos inahhiit wa gawa dando maay ng'inaalowawarahha. 49 Qomar ng'uwaarii iwahhiit wa gawa dando maay, xure inaer ng'iwa xuiya agai ne tare tsee. 50 Asma ng'uwa arii tana xurt ng'inaiilawats ng'ire bay, "Magahhute madaimitara hhee aani." 51 Inadahh bara guro malalumo furaa ire xatsit inoin taremafaa. 52 Idosiye inoin kangdo mkate ng'unaqotsahhiika asma fuqurang'in kutsahha ninaw. 53 Inoin tawawararahhii mantlumoqa, tanahharda yamu Genesareti Malalumo inasihhit. 54 Tawatiit afen bara malalumohhe ng'unatsahhiye. 55 Inatiine kangsi ng'unaalki/itoye bare ayatlemee ne tiqtuse ng'ina hhubine ner/ampa. Umoqobingaaxasii nirexayaa. 56 Umogo dir aihharda bara Kijijiro ne bara ayko, neyamu tigtuse ng'inahhubine dir dogitor muu kunahharheemis asma ng'iwagurtlay ar tlinee ingwariros kuwakwatiti. Ne koda tlemero ng'wa kwatiti inahhoayes.