KITABU MARKO TSUFE MIBANG

1 Yesu ina tlay wa dida ay ayatabay Uyahudi ne dir gera yaer tabay Yordani, kunadigidel, ne bo/ay maleale ng'ina itsahhatimis maleale, idoda /isi thehhahhiti. 2 Muku Farisayo ninaxay ng'iaxay ng'uwaiariya kunayahamis, "Ihharinda dir hhawatoo hareros ng'iwaexay?" 3 Yesu ng'inabay, "Musa garnaharaeyin a mila?" 4 Tanaoo, "inaya/an hhe hhareros ng'iwa talakari hhamisi ng'iwa Gusi." 5 "Asma munemahung kiwagaude" angar hharaeyasi ng'isa goim" Yesu ng'ina dori bay. 6 "Asma imir gera ihhafiroro, 'Mung hhawata ng'unatlehhe ne hare.' 7 Asma idorihe hhawata babowos ng'un gexay ne aayiros tire hharagasiya ne hhareros, 8 ne kwisiya tsar tare tlaqwata wak, asma atsareka maleale, aqo tlaqwata wak. 9 Asma dosiye ar Mungu ahharagas, hhe mingaparatl" 10 Tawa bara doindirii ehharuseros ng'inayahhas maleale gawa tihe. 11 Ng'inabay, "Umoqohewo ohareros ng'a gexay ne harer he ng'ire dux ain fuqitatlehit gawaeos iale. 12 "Hare tleme hawatoos burngwagexer kare dux ne hhawato haatla a guqi in tlehhet. 13 Inoin na/ii nink ng'inahuwiye asma ng'iwa kwatimiti aluwo ehharuseros ng'inaigahhamiti. 14 Aluwo Yesu tisi ng'unatsahh, Kwaqwala/asika ne tisi waloo ng'inabay, Na/ii ninak mawak in moree kay, ne miila/ama/a, asma odor koka wawitiimar Mungu atoing. 15 Loema ng'inkah umohhee wawiitimar Mungu ng'ailaohhika idor na/ii ninak xuak idahhika bara wawiitumar Munguhe. 16 Aluwo na/ii ng'inaitatahh ng'ire dabawos iqas ng'ire tsuq. 17 Qomar iwa tlatlay bara hhayumaros hhe wak ng'unaaltiin ire gurungeriti gerawos iale, ng'unayahhas, "Ng'unabay Itsahhatusumo hho, idor ni/is aidola tsafing alhheesay watl ng'uwa al?" 18 Ne Yesu inoo, "Ihhii ani misbebet hhe hhoo? He hhoo ikahh, aqo Mungu kilos. 19 Haraeya axuang: 'hhee mugasar, mafuqusar, mafisimar, /ama ma oimar, hhe munaxwar Baba ilaiwa/e ne ayirok'." 20 Heda inaoo, "Itsahhatusumo, ti tlemero ana ilaiwa/ imir ani tawa masomo." 21 Yesu ng'unaiqay tsit ne ng'ure tlaa. Ng'unabay, "Gartuwa/ar a wak. Garqom morotakon tlemero werisee kure hanis dir narkuse, daqde kung aqasirkon gawa dariwo. Daqade nixer anir digidel." 22 Heda inadiqetsatit asma axwesantad inatlay ner gurhhami asma inos adaqarumo wa loo. 23 Yesu inaqaytsiti badutlemero ehharuseros, Ng'inabayga/awak idor kar gawid dagarumo iwadahhi bara wawiitiimar Mungu! 24 Ehheruseros axwesantos kana wa/o/o. Yesu inaoo maleale ng'inabay, "loqolo, aidola idor kar gawid daqarumo iwadahhi bara wawitiimar Mungu! 25 Kaitlahh ngamia iwawarahha ner bara foxar laqwa ta daqarumo iwadahi bara wawitiimar Mungu." 26 Tanawa/o/o wa loo nire koloin axwesii, "idorhe hhe ba/am a maa." 27 Yesu ng'inaiqaytsit ne ireoo, "dir hhewo iya/amutakah dir Munguhe, tlemero iya/amut." 28 "Petro tanaaxwes ne inos, "Qayse aten morotlemero Unagexawan ne Uredigidelan." 29 Yesu inao, "loemao tundun babaw kunga hhe doo nqwa gexay ikahh, tam Garma ama, laqa dasir ama laqa ayi, laqa baba, laqa na/ii, laqa yamu, asma ani, ne asma idigo hhoo, 30 oidor kwisii ng'iilaohh sagawa tsiru hiindi qomari doo, hhiwos, hhooros, ayi, loqolo, ne yamgu, asma tlahhaemis, yamudo aluwo, ne tlafing alhheesay watl. 31 Kwada yarir ogara amuk alhheesay ne kwada oalhheesay a muk gera." 32 Qomar tawabara uruwaridirii tawa Yerusalemr kay, Yesu inagirin gerain waale ehharuseros tana bafaa kwada ne inoin tikoma wa alu tanadaatu Yesu ng'ire bahhii a/aka male ale kuda nibane tsar ng'inai dakay ar inos ngu tlaw deleri tsawe: 33 "Qaytsite, atlawan ay Yerusalem, garama hhe kuhhardahhas dir kahhamuse ne urusee ne gouse kuwaaskwa tlemuti iwa gwai ne kure dux dir xordu. 34 Kun niqimis kun itsuqun kun dif ner hhara ne kure gas delo tam bira waraahh iwatlo/." 35 Yakobo ne Yohani, daqe Zebedayo, ninadiros kay tareoo, "Itsahhatusumo garnitlaa atda nifiririm ng'in dereni itlehh." 36 Nginabay, "gartatlaa ar nitlehhe amila?" 37 Tanaoo, "tundualeya/an tawai wita ne kung wa bara xirfuwak, o wak dako/uyay ne ohhatla dako basay." 38 "Yesu ng'inabay axuaaka gartafirrinda. Xotlumoda ani nir wahh ualetleraa wahhato batisumoda ani tarbatis, un qitlaa?" 39 Ng'inabay, " ualetlewan" Yesu ng'inabay, "xotlumo aning nir wahh, unwataa, ne batisumoda ani tarbatimis un qitla. 40 Hee iwit dak /uyay laqa dak basay hhe kangsi ngudux aaniyeka aqo hha dir mukda taqaro as amohhees." 41 Ehharusedar hhatla mibang kangwi ng'usaaxas, Yakobo ne Yohani kinaibuhh. 42 Yesu ng'ina /akaa amoros iale, "axua argida kwada Taharafadidti tawakahi wawito muk xoro tundun wawitiin muk ador kuda iatler wariitimar /uru ng'in laqana gawaini ale." 43 Idori dir huunge iqondka umo hhe ure tlaa tla/anghunge akunga tundun as gadiyus. 44 Umo qo hhewo ogera tlaa dir tla/anghunge in lawalumo mu tleme tlehhit. 45 Asma garma Adamu naxayka kuwa as gadiyusi aqo inos in gadiyus ne tlafingos ng'una dux wa buutu muu tleme." 46 Ninaxay Yeriko qomar iwatlatlay Yeriko ne ehharuseros ne bo/e yarir, grma tinayo, Batimayo, tampada firirim inaiwit kankir uruwa. 47 Ng'inawaaxa hhe a Yesu Nazareti, inatseemi ire oo,"Yesu, garma Daudi, aning gurtlawang." 48 Oyari tampada kanaibuhh kunabay xatlit inaak /a/ "garma Daudi ani gurtlawang!" 49 Yesu inasihhit ire oo /akaari hedo tampa kuna/akaa, tanaoo, "Kunabay maghhut watlaw! Yesu u/akakaa." 50 Kotiros ng'ina kwahh bahhi, ire tiin wa loo nire xay mor Yesu. 51 Yesu inaoo ng'unabay "gartatlaa amila?" arnidirok itlehh, Hhedo tampa ng'unabay, "Itsahhatusumo, ani garnitlaa an xumis." 52 Yesu ng'unabay tlatlaw, "hharatlintaorok ahhoes." Aqo qomada itawos ninaqaytsitii ne Yesu ng'uredigidel bara uruwariale.