Tsufa'y Mibeeri Nee Wa'k

1 Qooma'r niwa Yerusalemu kahay, niwa naka/iye Bethfage nee Bethama giwa tlomar Misaituni Yesu eeharuser tsa'r ngina ya/awa baraa' echaruserose. 2 Ngire bay' tlawuse baraa' kijijis geraten idirii. Baras datee, barasi ale, gurend ir daqway a barasi eraa ar hee' ngewa baloo gagadika, gwerari ngi huba amore i ale. 3 Nee hee bur nu baby garii a mila ta tlehhita? Iharin kuwa baraa' "Aako ngun slaa nee ngu kilis diri ale ago hindi'." 4 Tanadaqay gurenir dagway kare baradi ay ka tseek afeni diri tsufedo diriqo awak, nee ngire gwerii. 5 Mukda taa didii ay ta sihhiniti wa disi ngire bay, amila gartatlehhita gurendisi mas gwedi taa?" 6 Idooda Yesu a oo' kare oo' nee mukda ngire mayee as wa tlay." 7 Eeharuseer tsa'r gurendidar daqway ngina hub amo'r Yesu nee inqwaru ini ngure gawa dando gurendida ihhafii as Yesu iwa gwadi tsa/an. 8 Mukuu yarir ingwaruini ngure hafiine haraa' balblaa nee bahhaale halema xai o' a tlaqi wa bar qamu ngina hafinee. 9 Koda geera wa hiita' nee oo' aluuwa hiita tanatsee' min' "Hosana! Kwa tsuq koda xaw nar umoo Aako. 10 Kotsuqi wawuhi'mar' baburen Daudi Hosana dirii koda gawta dirii. 11 Aluuwo Yesu ire baraa' Yerusalemur da'h nee ire daqay baraa' Hekalu nee umogaro ng'e xuxuu. Alkwii loa sleeme aa dat ina Bethania ka'y dinkwa nee koda mibaane tsa'r. 12 Looasiylleei, qooma'r niwa Betaniar wa kiil, qwari ngure uri ay. 13 /Aantsir loo/or koo'm ngire amoraii ar ire amoda ka'y asma ngiwa ari as iwa kaah doqa garka a slaw gawawose. Iwa didii harda'h, naxe's ga'r ar i ka'hh aqo har /oo/o kilo's, asma qooma'r hamnee /aantsi aa deeriika'. 14 /Aansida ngire ba'y "Imiri bili hee /amuwok ngu /ay dirik wa le i kahh male ale" nee Eeharuseero's nga axas. 15 Tare Yerusalemuirii harda'h Yesu iri dah baraa' doo Mungu' nee mukda baraa' doo' Mungu' wa muruu weerimiis na kuda tlaxuuma ngire ii mu/iin gusisiingo. Meesadu'u mukdaa' pee sar' gamiis nee kilerii mukdaa' tlawa'r weerimiis ngire /arankwatsin. 16 Tamu hee' gar koo'm ar weerisaro ya/amu ngwa geemayka iwa baraa' doo Mungu' waaraahh. 17 Ngire intsaahhatimis ire oo' kaa gooinikae doo ee' kuwa bay a doo' saalingw dir xoordu slee'meero? Hindi alkwii kungaa' ugwa marir fisuuse tlehhe." 18 Kaahamuse'r ure'n ar Mungu' nee intsaahhatise'r hara'eya'r Musawo hangaa' kure axaa's inooin urwar kur gasi kana heelihhit. Nal idosiye ngwa daayutii asma xooroda sleemeero intsaahhaatimisuwo's ngwa waa/oo/. 19 Nee umo qooma'r tsindoo' niw axaaye, ina quutl baraa' niju'niro. 20 Matlatlero tawa waaraahh, /antsida' kawa ar, naxe's aa iimir baraa' gamnangw wa kat. 21 Petro kangwda ngure isla'y Yesu ngure ba'y "intsaahaatusumo, qaytsiit, /aantsida' taa afuu's aa kat." 22 Yesu ngure ba'y "Mungu' haratlintiaka. 23 An a ka'h hee' baraa' muu naa'wase xurumitaaka' tlomari ga aleesla'y ngiwa ba'y. Quutl ti kilok kwahh baraa' talawi nee biringa haratlintiia do'r toda i kahh, ire tleehharit, i suwa' tleehharut. 24 Gawaa' adoorihe nun baw, umoqo gaaro ar ta firirinda baraa' saalingwhunge haratlintiiaak ido'r kara sleere nee a toohung. 25 Kuunga' umoo'qo baraa' sihhita as tawa saatunda baranaxes agr hee' nuwa sadakuuisi deer, gurtlawaak, as Baaabuu'hung oo' gawaa' doori tlakweemaahung ngiwa gurtlay hhaiwi looti a.qatsit i kahh baraa' goida ar aange'. 26 (Barnaxes kuunga' tlakweemaa nuw i gurtlatlee ra aaka tam baabuuhung oo' gawaa' doori tlakweemaahung sleeme ngi gurtlayka). 27 Tari male Yerusalemu'rii harda'h Qooma'r iwa baraa' doo' Mungu' wa hiimiti, kaahamuuser'r ure'n ar Mungu' nee intsaahaatusere haroaya'r Musawo nee bariisero kuna idaqay. 28 Kure ba'y "Muruuwi aleesleemu hur tlehhit a gaala nee hee' aleesleemuu' muruuwi kur tlehhit ngwa kuu'ng i hamiis a maa?" 29 Yesu ngire ba'y Ga'r wa'k ngi dirhung i yaahaa's kuunga' ngi tlakwa, Dagani aning aleesleemuu' muruuwi ngur tlehhiit ngu dirhu'ng i oo'. 30 Baah'simoo' Yohani amo'r naa daa'h a amo'r Mungu'he laqaa' a amo'r muu? Amo'r naa daahh ooare!! 31 Tare kilooin i warqaye tare ka'h "maooan? Baraa' oo aa'n, Amo'r naa daa'hh a amo'r Mungu' tin bay, Ahaa' ala Musa hara'tlintii'ika? 32 An ooana "Amo'r nao daahh a amo'r muu' taa da'ayu'ut adooda ooaro, asma mu'k yaariiir Yohani gwa tsaa'hh ado'r tar aaruusmo lo'. 33 Yesu kure ba'y "A xuanaaka" Yesu ngire ba'y ' tam ana sleeme aleesleemuu muuruuwi ngur tlehhiit ngu dirhung i ooaaka'.