Tsufa'y Mibeer Tsa'r Nee Faaqw

1 Afeqomar matlatle niwaxwr uruse slee'meero ar makuhani nee bariser muw tina axwesin slayee Yesu nguwa gasiyaa. 2 Nguna tsegiyee nee ngure hardahasiyee e dir liwah taba'y Pilato. 3 Alo qoma'r Yuda kodaa ngwa aski/ii ngiwa ar gidaaba' Yesu kwa sakwaslemut ina ahhin nee heladaa miberi ta'm ngina ki/iis dir uru ser makuhani nee barise. 4 Nee inaoo, "Iringe agatlehhh ngiwa aski/ii tserer dakusar komaka. Ala kuna mu/ewats, ate'n gartundu harm amila disiye, moroosi kilog xuxuue. 5 Aluwo ngina kwahh yaamu hela daa baraa' hekalu nee iretlay nee tirekilo's tsaway. 6 Urusumo makuhani heladaa ngina tatahh nee ire oo. Iharindaka helari kawa qasi baraa' qasi asma a harimar tsere. 7 Tana dinkwa wa axwes hela kaqaymortleirtlaxw ar dahaye kaifohti. 8 Gawaidosiye qaymosi kabay qaymor tser ebih. 9 An dir /aymudaa arusumo Yeremia ii bo/oo iwaoo hela miberi tam kanaaxwes nee mu'k Israeli asma ino's. 10 Nee kana qaymor tleir tlaxw idodaa aning iragerahar. 11 Aluwo Yesu inasihhit geera liwali, nee kunayahas nee liwali, "Xa'y kuu a wawutumo Wayahudiwo? Yesu nguna mu/ewats kuu an idosi kat. 12 Ala Pilato ngunaba'y askawasleemut nee uruser makuhani nee barise gar a mu/e wats ikahh. 13 Alo Pilato ngunaba'y askwaslemar in agaxasike gawaa' woge? 14 Ala ta'm /aymu wa'k ng'wa mu/e watsika idosiye liwali ina hats wa/oomoro. 15 Qoma'r sikukuhe adabemoo liwali nguwagweri hewak baraa' mu'k ta tsegi o ta/tsawar nee muw. 16 Qomasiye heko tatseg ider kubay Baraba. 17 Aluwo qomar tawa dir wa'k iburumburit Pilato ngina yahas, "Amaa hetaslaa nigweran asma kungaa? "Barabawo laqa Yesu tabay Kristo? 18 Asma ngina xuu argidaba arkusaoh a ahhi. 19 Qomair iwaiwit baraa' kitango's o askwaslema hareros, nguna /aymu ihubu nee inaoo. Gamatlehha dandoo hesidakusar komaka. Asma taloowa slehheemis bili baraa' tlawo asma ino's. 20 Disiye uruser Makuhani nee barse muw ngune folyee Baraba nguwa firinaa nee Yesu kugasi. 21 Liwali ngina yahas, "Agala baraa' kokatsare oni amorhungi gemaw?" Tanaoo Baraba. 22 Pilato ngina ba'y, "Garnguitlehh amila Yesu taba'y Kristo? Slee'meero tana mu/e wats tereree. 23 Ino's inaoo ihii gartlakw ar atlehh amila? "Ala tana loowatsee ner afor loowa gawaa' tereree. 24 Alo qomasoye Pilato ngiwa ar gartlehharo ialeslay i kahh, ala aqo xwara xwaray inaimu/un maay ngina tatahh dabaawos ngina hamatla ger mu'k wa ale nee inaoo, "Aning dakusar ni kom ikahh gawaa' tserer hewi dakusar komakahe, " Timkungaa kilohung arak. 25 Muw slee'meero tanaoo tsereros igawaren tlehhit nee na/iiren. 26 Aluwo Baraba nguna amor inigwer ala Yesu nguna dif ner qaway nee ngure hanis dir' in nguwa tererear ayaa. 27 Alo askarir liwali nguan Yesu nguna artlayeee praitorio neee askari slee'meero nguna iturumburit. 28 Tlabaa wos kinadux ngure kanzu da/ati dahasiyee. 29 Alo slamangw laqelo kunatlehh kure qas gawaa' sagos nee kunadairiqas dir dakos o/iyay. Tana gurungureit gerawos nee ngwa ni qmisiyaa' Laway wawutumo Wayahudi. 30 Nee kunaitsuqun. nee daikana tatahh kare tahh gawaa' saga. 31 Qoma'r nguwa niqmisiyaa kanzu daa nguna duxiyee tlabaa kos kinadahas nee ngurnar tlayee nguwa terereiyaa. 32 Tawa tiit afeni hee taba'y Simoni o kerne dahh nguna ariyee, kwisi nguna /ururesiyee tiwako naa nee msalabaro's ngiwa gagari. 33 Tawa hardah dirtaba'y Goligota, gidaabaros dirfarta saga. 34 Nguna sikirihanisiye kaharagas nee nyongo ngiwa wahi. Ala ngiwa tsaq qaaleslayika wahato. 35 Qoma'r nguwa terereinaa tlabaawos ngina kuraritahhiyee ngire qasmisiyee. 36 Nee tana iwit nguwa ga/ayaa. 37 Gawaa' dir sagos sakwasleema kaqas /aymii ta goin, "kwi a Yesu wawutumo Wayahudi. 38 Fisuser tsa'r katereree dinkwa nee ino's o wa'k dako/iyay nee o hatlaa dako basay. 39 Kodaa tawararah isagiin dingitimisiyaa nguni qinaa. 40 Nee kubabay kuung kodaa hekalu gasar slaa nee karetlehh neee delo tam ti kilog gaamis! Bar na/ay mingu awer yaamu gawaa' pehhigexawe! 41 Bara idosar kila uruser makuhani nguna kata/amisiyee dinkwa nee gouse nee barise tana. 42 Ohatlaa ngina ba/amimis ala kilos lialeslayka ba/amisaro. "inos a wawutumo Wayahudi, Nee iaweri wa gwaa' ehii daqane uharatlintian. 43 Mungu' nguna harahhif. Mawe Mungu nguba/a misi hindi bar ngaslaa, asma inaoo, Aning a /ay Mungu'. 44 Nee fisuse daaslemee taltereree dinkwa nee ino's sleeme /aymeeri niqinis sleeme kinagawawos si oin. 45 Alo imir toar tahho e loar gwalel aya slee'meero ina giw. 46 Loar gwalel niwaxer. Yesu ina/aa ner afor ur, "Eloi, Eloi Lamasabakithani? "Gar ilaqaqan Munguee', Munguee, animisamer? 47 Qomasiye bahhaale tla/ang'w ine tasihhit didaa tana axas tare oo i Eliya atetin. 48 Qomasir kilaa o wa'k dir ine inatiin sifongo nginalehh nee ngina dala/aa gar qarqaiale ngina qas gawaa' xaano nee ngire haris ngiwa wahi. 49 Kodaa axasiyee tanaoo kilos mawak aaran bara Eliya nixay ngutu/utaay. 50 Alo Yesu ina male/aa ner afor ur qeru wo's ngure dux. 51 Are paziar hekalu inafehhi badu tsar imir gawaa' e baraa'. Hee yaamu inadingitiyee nee tla/e ina parhhamitiyee. 52 Bau inagweritiye nee slaqo mu'k hhohhoo o yarii kodaa taguu kinawasle/etis. 53 Ninatiitiye wa baraa' bau aluu niwa wasle/ee tanadah baraa' ayko hhohoo, nee kina arne mu'k yarir. 54 Aluwo askarimodaa nee kdaa Yesu ng'wa ohiyee ngina arihee kunseli nee moroo daa slee'meero hee tii tana loowa daayut nee taneoo. Loema kwi a na/ay Mungu'. 55 /Amenar yarii ar Yesu ng'wa ehada imir Galilaya nguwaas dawimitiyaa ididaa ididaa idiriiya amor saw waxumisyaa. 56 Tlaang'w ine a Mariamu Magdalena , Mariamu ayir Yakobo nee Josefu, nee ayir na/ii Zezedayo. 57 Tsindaoo niwaxayee he daqarmo ninaxay o arimathayo, umuwos a Yusufu, ino's sleeme a eharusumo Yesu. 58 Inadaqay amor Palato ngure firin slaqwata Yesuwo. Alo Palato inaoo hanisak. 59 Yusufu slaqwa ngina artlay nee nginatseg nee iqwar sufiar hhohhoo. 60 Nee nguwna qatis baraa' baaros ar /aben ar afol bar tla/aa. Alo tla/ano ur ngunagwangwaraa afko baa nguna tutuk inos ire tlay. 61 Mariamu Magdalena nee Mariamur natlaata dadaaidirii, taiwit amor baa kana ga/ay. 62 Deror ahisi an aludelor amuhhemis aruser makuhani nee Mafarisayo tanagurumburit dinkwa dir Pilato. 63 Kunabay Aako agaislawi manargidaba qomar lamusumowi iwatlafi inaoo aluu dleo tani iwasle/ee maleale. 64 Gawaa' idoiye oe baa kaxun loowaale e delo tam bar idosiyeka eharuseros ng'iales layaa niwaxayaa ng'lure fisiyaa nee muw kure ba'y. A wasle/ee baraa' gwaarar wa ale naxor alhheesay katlakw tatodaa ar gerawo. 65 Pilato ngina ba'y, "Xumuse artlawak. Tlawsee amohhoa tlehhak idokar aletleraa. 66 Alo tana tlay baakanaxun, ila/ano kuna muhuriri tuu nee xumuse kanaqas.