Tsufa'y Mibeer Tsa'r Nee Dakaat

1 Ta'm sabato iwawarahh balor geera' arwiki Mariamu Magdalena nee Mariamu todar tsa'r tana tlay baa kana artaay. 2 Nee qay tsit kunselir loowa ur inaderut asma malaykar Aako ninaaweda wa gawaa' dori, ninaxay tlaanodaa ngunagwangwaraa nee munaal iwit. 3 Nee slaqsewos aador marikari nee tlabaawos ki /awak ador thehyi. 4 Nee asma nguwa daayumitiyaa xumusedaa tana dararax tare ador tuuslehhemit. 5 Malayka ina mu/ewats /amenadaa ngina ba'y madaayumitaraa kuunga asma axuu ulelehhitaa Yesu daata tareree. 6 Ikahh dirihe awasle/ee idodaa ngiraoo. Qwatasee didaa kwaiqatis artaawaree. 7 Kuunga' tlawse nergaslay eharuseros idaba wa'k awasle/ee baraa' gwaararo. Qoytsitee tunda asqirin Galilaya ana dir kuwaandaa gimsee tundaqaro idabaw. 8 Tana tsay ner ganslay wa barabaa, ner xure nee qwal/oo yarii tanatlay nee tung'e eharuseros kana idaba'y. 9 Nee qaytsit nee Yesu tinadog yee inaoo lawa! Tana tsewuy kuna yaaoh nee tana yaaoh nee tana gurngureit geerawo'. 10 Aluwo Yesu ngina ba'y Madaayumitaratlawse hhaeeidbawak i Galilar kayee an dir iiwa. aryaa. 11 Nee kudaa tawatlatlay, askari bahhaale tanadah baraa' gixsa idigosii gunaoiyee dir uruser Makunani dondoo moroodaa slee'meero atlehhaumit. 12 Tana burumburit dinkwa na barise tana axwes askari kana helar yariti haris. 13 Tanaoo to gidaaba' eharuseros nina xer xwerawo ngunafisiyee aten tawa guari. 14 Nee /aymuwi burkwaxas nee liwali ate'n nee ino's aaxwesan kuunga' aten xurerhung ahenge sana. 15 Aluwo helasi ngina ilaohiyee nginatlehhiyee idodaa ikra tsahhatis. Nee /aymuwi inadiya/at baraa' Wayahudiro e bili. 16 Nee eharusedaa miba nee wa'k tana ee Galilaya e dir tlomadaa Yesu a oo'. 17 Inooin ng'uwa aryee ngunaigurungureityee alabahhaale tanaxurut. 18 Yesu inaamor in ihardah ire axwes hee inooin ngina ba'y aleslemu slee'meero kuungahanis dori nee dandoo yaamu. 19 Tlatlawsee xoroduu slee'meero eharuse thehhak nee balimisak nee umo Baba nee o Garma nee o Qeruhhohhoo. 20 Nee intsahhatisak ng'iwa ohiyaa todaa slee'meero na kuunga baw, nee arak aning adinkwa nee kuunga delo slee'meero ta'm alhheesayo dandoo yaamu.