1 Qoma'r Yesu axwesimtisi slee'meero ng'iwafaka axwesinito eharusero's ngina ba'y. 2 Axuaa gidaaba' delotsar birawarahh asikukuu paska, nee na/oo Adamu kudux kuwa tererei. 3 Aluwiye urser Makuhani nee bariser muw tinadogiyee dinkwa dir kuhanimoo ur umowo's kuba'y kayafa. 4 Ner idor wa'k tina axwenislayee ner naqo Yesu nguwa ohiyaa ngure gasiyaa. 5 Asma tanaoomiyatlehharut qomar sikukuu, alowo xwaraxwaray miwatii tla/ang'w muko. 6 Qoma'r Yesu iwa Bethaniaridirii doo simoni mkoma. 7 Qomar tiwa laqan baraa' mezari wa ale /amenir wa'k ninahardat amoros nga gagad chupar di/ii ar helaro's loowa ur nee ngina kuus gawaa' sagos. 8 Ala eharuseros gasi kawa ar mune nginefakin tanaoo amila gidabar hasarowi. 9 Tigerawo kan weris nee helar ur kare hanis dir narkuse. 11 10 Ala Yesu gasi ngiwa xui ngina ba'y, Amila gar /amenir kas ditsikusaa? Asma gar hhohhoo ngiwa amor enitlehhi. Narkuse akondaa deelo slee'meero, ala anine kuunga' adikwaroka delo slee'meero. 12 Asma di/iti ngiwa kuus gawaa' slaqtee, idosi ngina tlehh asma to folkwee. 13 Loema tundun babw idr qo injiliri kawa alki/iti baradando yaamus slee'meerowo, tlehhmuwi /ameniri atlehh kuoo asma instaslang'w. 14 Loema tundun babw idr qo injiliri kawa alki/iti baradando yaamus slee'meerowo, tlehhmuwi /ameniri atlehh kuoo asma instaslang'w. 15 Nee inaoo garnisleraa bura aski/ii? Ngina pimu siyee dir Yuda pesa miber tam. 16 Imir disi pa/ang'w ngunalelehhong'ur aski/ii. 17 Tam baloo geera' ar mikater ta mamahhesika, eharuse tana hardah dir Yesu tanaoo, Adila dir taslaa moroo/ayamar paska nguwa amohheesan? 18 Ngina ba'y, "tlaw see edir heko baraa' gixsa na kuberaa intsahhasumo ikahi, afeqomar ee na naka/aa. Pasaka ubo/es nee eharuser ee ra baraa' doog. 19 Eharuse idodaa Yesu a oo ngina tlehhiyee, nee moroo' /aymar Pasaka nguna amohhesiyee. 20 Qomar tsindoo niwa xayee inaiwit dinkwa nee eharuseros mibane tsa'r ta/ayin. 21 Qomar tawa moroo' /aymar /ayii inaoo loema nubabaw argidaba he wa'k dirhunge anii aski/ii. 22 Tana loowa gurhamut, nee umoo'qo heewo nguna imu/un yahamisowo, "Xay loemawo aa ningekee Aako?" 23 Ngina ba'y kodaa dakos ngiwa dahas dinkwa nee ani baraa' xas/mo an kodaa anii aski/ii. 24 Na/ay Adamu itlay idodaa karagoin gawawosi ale. Ala tsaxwas hedaa na/ay Adamu ngu aski/ii! Geera kahhoo hesi burkuna laqwalika. 25 Yuda kodaa ngu aski/ii inaoo, Xay aanihe Rabi? Yesu nguna ba'y gasi kuung ana kilog oo'. 26 Qomar tawa maroo /aymar /ayi, Yesu mkate nguna tatahh, ngure tsuq ne ngure parahhas. Quna hanis dir eharuseros inaoo, Talahhak /ayak. Gari aslaqtee. 27 Kikombe ngina tatahh inaslufis, niharis ireoo wahak slee'meero barati. 28 Asma tiatsere alqodor ee arkuu asma oyarir wa gurtlemu iringe. 29 Ala tundun babaw a male wahaka baraa' /amu Zabibuwi wa lae ay balodaa ngiwa wa'h ar /aben dinkwa nee kuungaa baraa wawitiimar babee wa ale. 30 Qomar daang'w kuwahhes daango tana lii tana tlay ee tlomar Mizaituni. 31 Alo Yesu nginaba'y, "Amsikae kuungaa slee'meero aduku tsaa asma ani, asma kagoin untahhdeemusumo nee belangw dir wa'k ladiya/at. 32 Ala ahuu wasle/emoroene tundu wagirm Galilaya kemuwo. 33 Ala Petro ngunaba'y, "Tam bar slee'meero tu sii asma mroosi kuung uslaw ani kuung usiaka." 34 Yesu nguna mu/ewats, "Loema unbabay, amsikaa dirkokumo iwauika ani kuung itlank ki/ima ta'm. 35 Petro ngunaba'y, Tam aniiwaharin niwogwaa nee kuung, utlankaka." Nee eharuser hatlaa sleeme idosir kilaa kanaoo. 36 Alusiye Yesu ngina artlay e dir tabay Gethsemane eharuseros nginaba'y, dir iiwitak qomar ani baraa' amorga ifiroo aw. 37 Ng'ina artlay Petro nee na/iitsar o Zebedayo nee gurhami nguna er nee wayaqame. 38 Alo ngina ba'y, "Muhoee gruhmir loowa ur ngikon ta'm hamtir gwaar. Diri metak dalee nee ani. 39 Inatlay geera garnina inahuu ner guraa nee inafirin inoo, "Baboee bar iya/amut kikomberi animiwa sler. Ala miwa tlehharut idor ani girslaa ala aidor kuung kaslaa. 40 Inadaqay amor eharuse nee iwa hardah taqat guute ngaot, nee Petro nguna ba'y, "Amila masaharslaqte tam dalaaye saar nee ani? 41 Dalaee neefirime gidaaba' madaharaa baraa' iaraad Qeru kuamohhoo ala slaqwa kadaqatlakw. 42 Inatlay ki/ima tsar nee inafirin, inaoo, "Baboee bar gari iwa/amutka ngiwa ba/aa nee ala barqonarima kilomberi ngiwa wah slaarirog itleehharut. 43 Inamale ki/ii iwa hardah tagat guutenga ohin ama ilain aikuuyee guutero. 44 Alo ngina male gehhay inatlay. Inafiror ay ki/iimatame /aymeeri kodokilaa ngiro maleoo. 45 Alo Yesu inadaqay amor eharuseros nee ngira ba'y, "Abara qatoo ikahhaa nee tihungu /umisaa? Qaytsitee afeqoma nee naka/aa nee na/ay Adamu kuqas tabaa mu'k iringuse. 46 Tlawaree atlawan. Araa kotaa aniiaski/ii na naka/aa. 47 Qomar iwakoniiti axwesnito, Yuda o wa'k dir kodaa mibane tsare, nina hardah mu'k gari ninahardah dinkwa nee ino's amor idahh aamor uruser makuhani nee bariser muw. 48 Slami hedaa ng'aslaa Yesu nguwa aski/ii ng'a layarii hanis, inaoo, "kodaa ni maas ankwis ohak. 49 Qomasiye inhardah dir Yesu nee ireoo, "Laway intsahhatusumo! Nee ngure maas. 50 Yesu ngunaba'y, "Mulgumo tlehhe todaa a hub, "An dir niwa hardahiyee Yesu ngura dabaaitlesiyee ngure ohiyee. 51 Qaytsit hee wa'k odinkwa nee Yesu dakos nguna tles pangaros nginadux nee ngunatalhh sagadiyesumo kuhanmoo ur nee ngunaiatsat. 52 Alo Yesu nguna ba'y pangarog ki/ise didaa kawa dux, asma slee'meero o pangaar tsu/utaa kihhames ner panga. 53 Kawaxuaa ani Baboee ualeslawakee atelaro, ino's ngire ya/aw slaqwaruser malayka ar kumme mibane tsar ngiba/aa? 54 Ala idor goi karbo/esi ai dola idori an idohari ma armtiit? 55 Qomasiye Yesu muw ngunaba'y "Xa'y ninaxee ner pangaduu, nee guxulii inaohar eree ador hee moroo' hayohim? Umoodeloro anasiwiwit wa baraa' hekalu aitsahhali misi nee aotika! 56 Ala moroowi slee'meero ninatii gidaaba' gaoir aruse iwa bao/oo aluwo eharuseros ngunagexer tanagow. 57 Kodaa' Yesu ngwa ohiyee kuna huu e dir Kayafa, kuhanimo ur, didaa gouse nee barise taiburumburit dinkwari ale. 58 Ala Petro ng'wa aluwa ehar e dir matl/ang'w kuhanimo ur. Inadah baradoiale nee ineiwit dinkwa nee xumuse gidaaba' ngiwa ari garniliit. 59 Disiye uruser makuhani dinkwa nee baraza slee'meero ta lamabuuser lamtalelehhit dandoo Yesuwo, gidaaba' nguwa gasiyaa. 60 Ninatiiyee lamabuuser yarir, ala gidabr gasa nga slayeika. Ala aluwo lamaguuser tsa'r ninatiit geera. 61 Tana oo hewi inaoo, "Aakeslaw hekalur Mungu' gasaro nee ginte maletlehh baraa' delo ta'm. 62 Kuhanimo ur inasihhi nee nguna yahsas, "Amu/e wats ke? Mukwi garta lamabuu amila gawawoge? 63 Ala Yesu inaxatlit. Kuhanimo ur ngunaba'y "Idor Mungu' irhoti, unbabaw oang' bar kuung' a Kristo na/ay Mungu'. 64 Yesu nguna mu/e wat's kuung okilaa gasi anaoo'. Ala unbabaw imirhing nee delor geera ikomit uan na/ay Adamu aiwit dako/iyay o/urukom nee niharda nee tlato gawadori. 65 Disiye kuhanimo ur tlabawos nginafehhis inaoo iafatli/itaa axwes xay lamabuung ta malee slaan omila? Qaytsitee anaaxasan iwa afatli/ii. 66 Xa'y! Gartatifirusaa? Tana mu/ewats tanaoo gar i waharin agwaara. 67 Aluwo gitsa/awos kina itsuqun nee kunatuut ner kundii nee kuna tlaqarma dif ner dabain. 68 Nee ngun babayaa, tunduiarin kuung' a Kristo. Amaa hee a tahh? 69 Qoamasiye Petro aiwit afeni baraa' matla/ang'w nee sagadiyusoor /ameni nguna haradeger ngure ber. Kuung sleeme adinkwa nee Yesu Galilaya. 70 Ala inatlank wa gerain slee'meero inaoo garta kat axuaka. 71 Iwatlay tsea dir afkudoo /amenir hatlaa arsa gadiyusoo ngunaan, nee mukdaa dididirii ngunaber "Heewi sleeme idinkwa nee Yesu Nazareti. 72 Inamale tlank nee linaafus ani hewi uxuaka. 73 Ta'm idola kuung' sleeme a dir wa'k nee hewi asma tam atsifririg ngi laqaqan. 74 Aluwo nginaimu/uun loo huwa humowo nee tire afumisi, "Ani hewi uxuaka qomasar kilaa kokomo inauu. 75 Petro inaislawin /ayameeri daa kwaba'y nee Yesu dirkokomo irauika kuung' ani itlank ki/iima ta'm.