1 Qoomar Yesu iwa warahhi hee tampa imir laqwalmkose' nguna a'r. 2 Eharuusero's (Rabi) malimu a ma'aa' hee iringe nga tlehh a heewiye laqa xwaylitero's tam kwelaqwaal tampa? 3 Yesu ina oo a heewiyeka' sleeme a xwayliterooseeka' oo iringe nga tleehhi ala as gadiyer Mungu' kawa ehhoeesi na ino's. 4 I harind gadiyero's kawa tlehhan kwoda an a ya/aa'w dir qoma ta'r tlatla/aa'ngw Amsi ni hardihiya' oo hee gadiye tlehharo ngiwa alesla'yka. 5 Siwa'r niwa baraa' dangdo yaamuka' an a gwa/atema dando yaamu. 6 Alu Yesu axwesantisi ngiwa oo ina tsuuq baraa' hhape ba/i ngire tlee'hh a'r tsuuqada ila heeda ngire sliiki ner ba/iida'. 7 Ngure ba'y tlatla'w hamtlo awe baraa' tuboda' oo' siloamu (gabaro's ado'r hee ta ya/aa'w) idosiye heewi ina tlay nee ina hamtlin ne nina kii/ ii xumiis. 8 Islaawa'y oo hheeda nee mu'kda ngwa arii gorawo ado'r firuusmo tana oo heewi a kwaodaeke firuusmo tana oo' iwitamangw? 9 Bahhaale tana oo' a ino's. Bahha'alero tana oo' a kwodaeka' an slaqamiis nee ino's ala ino's i kahi a aning. 10 Kuriba'y ilawok kira gweeri? 11 Ina oo heeda tabab'ay Yesu ba/ii ngina tleehh ngire ilaer sliix nee ire ba'y tlatla'w siloamu hamatle atla'w ngire hamatl nee xuumso ngire alesla'w. 12 Nguna ba'ye' ii amola? Ina oo uxu'aaka'. 13 Nguna huwiye' amo'r muk Farisayo heeda gerawo tampa. 14 Nee balosi a balo'r sabato Yesu baa/ii ngiwa tlehh ila heesi iri qaytsiiti. 15 Nee lamtiko Mafarisayo nguna yahaasi ngina ba'y baa/i ngina qaa's baraa' ilae nire hamtlim nee hindi axumiis. 16 Mu'k Farisayo bahh ale tana oo' hesi i amo'r Mungu' dahhiika asma Sabato nga oo hiika' bahhaale tana oo' ido'r ir ya/amu't hee iringo'r koom slaqsay idor kwisi nguwa tleehh baraa' idosiye partlito ni xeer baraine. 17 Kwada oo tampa nguna male yahasiye kuung ma o' iin dando ino'se as ilawo'k ngiwa gweer? ina oo a aarusmo. 18 Edisiye Wayahudi aya/aniika' gidaaba' ino ang a tamboa nee ina qaaytsiit adir xwayliteroy nge /akaiiye heeda ta ila gweer. 19 Kina yahaas xay kwih a na/aayhu nge oo tawakata kuwa laqwaal a tampa hindi idor ar qaatsit? 20 Xwaylitero's tana oo ate'n ga'rta xuan na/ay a korren nee gidaaba' kuwa laqwal a tampa. 21 Nee idor hindi ir xuumiisi a xuanaaka hee ngwa ila gwee'r u xuaanaaka sleeme ino's a hee u'r yahaasa'k ngi ooi. 22 Xwaylitero's ti ngina oo' asuma Wayahudi ngiwa daiyumitia sani axaasiye as idoda Wayahudi tiwa qaroo' axwee'ssani axaasiye hee ba'r Yesu ngwa ya/aan ku'n baynitis doo salingo. 23 Asma idoriye xwaylitero's ina oo' ino's a hee ur' yaasaak. 24 As tisiiye nguna male /akaiiye ki/iima tsare heedo tampa ngure bayee' Mungu' xirfoo hanise ate'n a xuan idaaba' heesi a iringusmo. 25 Heedo tampa ina oo' ta iringusumo ana xuaka' ar ni xuu' aning ang a tampa nee hindi axuumiis. 26 Ngway maalebaye gar a i tleehh a milaa? ilawa'k ido'r ngr qaytsitiis a idola? 27 Ngina ba'y nga qaroo oo' aga'axasiike ma's male axasaa'r sa'a a mak eharuuseero's tlehhita'aake? 28 Nguna gotliti nguna ba'ye kuung an eharuusemowo's ate'n a eharuuseer Musa. 29 Ate'n gar ta xuan Mungu' nee Musa tana axwees heesi amo'r ii da'h ate'n a xuuaaka'. 30 Heedo tampa ngina ba'y amila gari bare agar wa/o/omoor loom ar gidaaba' amo'r i daa'hh a xua'a'aaka' nee ino's ilae nga gweer? 31 Axuan Mungu' ido'r iringuse ngir /iar i qaminka ala kwoda ngu ila iwawaa/ nee sla'aar ros ngi tlehhiit ngun iiqmiin. 32 Imiir yaam ni itla'ye kaa' balo axaasika' hee ila hee imiir laqwlumowose tampa nga Qatsiits. 33 Heewi garho bir amoo'r Mungu' dahhika geera gar tlehharo aleslaa'y ii ka'hh. 34 Nguna ba'ye tnalaqwal ar baraa' iringer kila kuu aten ido'r tunur itsahhatimiis? Ngwe hara gusiiye baraa' doo' salingo. 35 Yesu ngiwa axaa's kwa guus baraa' doo' salingo nguna sla'y ngur ba'y garama hee u haratlintatia? 36 Iri oo' a ma'aa' Aako kahho ani sleeme nguwa haratlinti? 37 Yesu ina oo' uga qaroo aand slamti hee nee kuung ta a xwesa an ino's. 38 Heedo ang tampa ina oo' Aako uga haratlinti ngure ii gurengeiit. 39 Yesu ina oo aning ni xaaw baraa' yaamu asuma kwaslema kwoda xumisaa'ka iwa qaytsitiya kwoda xumiisa iwa tamputiya. 40 Mu'k Farisayo bahh ale ta didi dirii tisi a oo' ngina axaasi ter oo' ate'n sleeme a tampuwo? 41 Yesu ngina ba'y eraho kunga ba'r tampu alog geera iringe akaonda'aaka' asuma hindi tawakata aa xumiisan iringerhung i iwiwiit.