Tsufa'y Dakaa't

1 Yesu ina gawaa' tlomar misetuni ka'y. 2 Matlatleero ina tsewa xa'y maleale baraa' doo saaliingw nee muu slee'meero kuna i daqa' ina iwiit ngire itsahhatiis. 3 Gouusee nee Mafarisayo kuna harka' i huu'w a'r ta o' wa baraa' fuqi. 4 Yesu ngure baye' malimu hareri kuna o' baraa' fuqitawa alero i fuqu's. 5 Baraa' hara'aar Musawo tunba'y mu'k ido'r kwih atlaqu't ner tla/ee makat gawaa' inose? 6 Tisi ngina oiiye as nguwa gigidina as gar ku'r sakwaslemut kawa sla'y ala Yesu ina mahhat yaamu ina gooin bara hhape ar ditsaro's. 7 Iwakumitiye yahamisuwo ina sihhit ngire ba'y kwada brahunge iriger komaka ngi geera tsaxari ner tla/ee. 8 Ina male mahhat yaam ngire gooin ner ditsaro's. 9 Idosi ngiwa axasiye nina tlatlaye wa'k wa'k in kwoda o aako. Alehhesaye Yesu kuna kilo's gehhay nee hareda ang baraa' tal/ang iini dirii. 10 Yesu ina siit harda ngir ba'yh kwaoda sakwaslemuuta iamola' ala'y tamo wa'k sakwaslemut i kaahhi? 11 Ina o' tamo wa'k i kahh Aako' Yesu ina oo' tam ani sleeme i sakwaslemata tla'w nar uruwaaro'k imir bili wa tlemu e delo sleeme iringe ma male tlehhor. 12 Slamt Yesu inaaxwes ne muu slee'meero i kaahi ani a gwa/atema dando yaam kwoda ani a digidel ii hiimitika wa baraa' onna aqo gwa/atema slafingw ngin kon. 13 Mafarisayo kuna ba'y ti lamasbuunde lamabuungo'k a loeeka. 14 Yesu ina oo' tam gerho ti kiloee lamaas buuuma lamabuuung'ee a lo' axuu amo'r ni dahha nee amoda ni ka'w ala kuunga axu'aaka amo'r ni dahh tam amoda ni kaw. 15 Kuunga kangw tlehhemi'iislaqwa lo sakwaslemu'ta ala aning hee ni sakwaslemuut i kaahh. 16 Ani tam sakwaslemuut sakwaslemaree' a lo' asuma ani a kiloeneka ala ani dikwa nee Babaa' kwada aa yaa/aa'w. 17 Eeiit nee baraa' haraa'ayarhunge ka gooin gidaaba' lamabu'uung muuk tsa'r a loeemaa'. 18 Ani ti kilooee' lamabu'uum nee Babaa kwoda a yaa/aaw ilamabu'uun sleeme. 19 Kunaba'y Babowo'k i amola? Yesu ngina ba'y ani i xu'a'aaka tam Babooe' Xu'aaka geraawo ba'r aning i xuaa'aa gerwo Babooe sleeme u xu'a'aa' sleeme. 20 Axwesanti ngina axwes siwaa'r isaapoo ilahhoar i dirii iwaitsahhatimisi baraa' doo' Mungu' wa ale ala ii kaahh tamo oo wa'k ngwa oh' asuma siwaariro's a xeerika' kahhatiit. 21 Ngina male ba'y ani tlaw ilelehha ne aahhanda baraa' iringerhung amoda nikaw xeem u alesle ra aaka. 22 Wayahudi tre oo' iihi tin kilo's gaasi kwoda aa oo' amo'da ni kaaw xeem aleslera'aaka? 23 Yesu ngina ba'y kuunga' baara'y in dahha' aning a gawaa' an daa'hh, kuunga' awa dando yaauka' ani ooo dondo yaamuke'eeka'. 24 Idoorihe tunnaba'w a hhandoa baraa iri nger hung aba'r idooriheka haratlintie gidaaba' ani a kwoda, ahhanda baraa' iringerhung. 25 Baraa' adosiye kway ba'y kuung aa ma'aa? Yesu ngina ba'y toda na oo' inir gerawo'. 26 Ar yaarir akom ar axwees nee ar ni sakwaslemuut dando kuunga ee' ta'm idosiye kwoda ani ayaaaw ino's akwada oo lo' nee toda na amo'r ino's wa axaa's ana o' iim dir mu'k yamuu'ka'. 27 Ala ngw tsahhi'iika ga'r axweesi nee inooin tawa dando Babaa'. 28 Yesu ngina ba'y siwa'r garama hee bur uga gaw titlese ana siwa'r kawa tsahha' gidaaba' ani a ino's nee gidaaba' ar' ni kiloe tlehhit ii ka'jj idoda Babaa' ar intsahhatis an tih ni axwees'. 29 Kwoda ani a ya/aaw i dinkwa nee ani nee ani a kiloee gexayka asma siwa sleemero ar ni tlehhit a toda ino's ngu qwala/amis. 30 Siwa'r Yesu iwa kangusing kahi oo yarir nguna haratlintiiye. 31 Yesu ina oo dir Wayaudida ngwa haratliti'ii ba'r aa i wiwite awa baraa' /aymue daqate aga eharuuser' ee' tlehhite wa lo'. 32 Kuunga looeema ii xu'aa nee looeema siya nuu gweriya'. 33 Nirii ooiiye ate'n aa xwaylaa'r Ibrahimu tam boloor wake hee' tuna lawaki'iima'r wa ooh kahh idoo'r ta'r oo' tunugwe'r. 34 Yesu irii aning a ka'h hee iringe tlehiit a laaalmoo' iringee'. 35 Lawaalmoo' iwiiwitika' wa doo' daqislem garma ii do' daqii sle'm. 36 Baraa' idooriye arma burtuna gwee'r daqana gwe'rmor lo' aqasleere'. 37 Ani a xuu' kuunga idor tar' xwaylar Ibrahimu ido'r ir qaasa' an lelehhita asuma /aaymunee' Barahunge ii Pa/angw konka'. 38 Ar ni ooiim, a toda na ar dinkwa nee Babooe nee kuunga ar ta ooiinda' toda ta axaase' wa dir Baboohung. 39 Tana oo' Babooren a Abrahanu Yesu ngina ba'y geraho kuunga ba'r na/ii Ibrahimu alog gadiyer Ibrahimu aga tlehhe'. 40 Tam hindi i gaasa'r wa sla'a hee looeema nga oo' gidaaba' anaaxaas wa dir Mungu' Abrahamu idosi nga /iisiika'. 41 Gadiyesi ta tlehhita ar baboohung nguna ba'y ate'n xwayla'r doroweea' Baboren a wa'k a Mungu'. 42 Yesu ngina ba'y geraaho Mungu' ba'r Baboohung alo geera aning i sla'aa' asuma amo'r Mungu' ngin da'hh sleeme na xawika' nan te'e ala a ino's ani inaya/aaw. 43 Gar te'ee' kas aamisaaka ila asma qitla uu alesleera'aaka axweesa'tee kawa axaasa. 44 Kuunga baboohun aa Netlangw nee sla'aarir babohung tlehhtowo ana sla'a ino's iiir qaroro a tsu/utusmo nee iya/aamutka iwa sihhiti bar looeema asuma looeema kahhiya baraa' inoose bir lamata ooiin ana ido'r i dirii asma ino's lamusmo nee baboo lama. 45 Tam hindi ar ni ooiim a looeema ala haratlintia'aaka. 46 Xa'y a ma'aa baraa' tla/aanghunge oo iringer'ee' ngi laqaa' a ma'aa nee ba'r ar looeema nginooiim hhe'ee mis haratlintatia'aaka'? 47 Hee Mungu' /aau Mungu' ngu axamis kuunga uu axa'misaka' asma kuunga oo' Munguheeka'. 48 Wayahudi tana oo' looeema igaooamike' tawa kahaan kuung aa hee' Samaria nee a Netlame'r koon? 49 Yesu ani Netlame a komaaka' ala Babooo' un ilaiwawaa'/ kuunga ani ilaiwawa/a'aaka'. 50 Xirfooee' uu lelehhitaka' a wa'k oo ngulelehhit nee sakwaslema ngi tlehh'. 51 Ani a ka'h ba'r hee /aaymuue' ngwa oo' gwa'aara ngi balo ariika'. 52 Wayahudi kuna ba'y alkwi agatsahhan ido'r ta'r Netlame'r koond Abrahamu nee arusero ta ha'n bili kwa ka't bare hee /aaymue ngwa oo' gwa'aara ngi tsaqika'. 53 Adoorihe kuung tun ure te Babooren Abrahamu kwoda a gwaa' Aruuse sleeme a hhand kuung hee' tir ila qaamiin a ma'aa? 54 Yesu ina ba'r ti kilooe' kirfeeis kirfooe' ta'w aa Babooe' oo ani kirfeemis kwoda kuunga tawa kata a Munguhu'ng. 55 Kuunga uxua'aaka' ino's la ani uxuu' ino's ba'r oo uxua'aaka' daqate lamusumo ido'r kuunga wa ale. Tam idosiye xuu' nee axweesanto's aga ooh. 56 Babohung Abrahamu ina qwala/ ido'r delo'r ee' ngir ar ala ngire ire qwala'/. 57 Wayahudi nguna bayee' tam kureri miberi kooa'n igaerika ado tar ka't Ibrahimu uga a'r? 58 Yesu ngina ba'y Ibrahimu kuwa laqwalika' "ANING A DEER." 59 An dir tlaa/e ngiwa slesiye nguwa tlaquutiya ala Yesu ina nahhat iri ti'iit baraa' doo Munguhe'.